הסברה אויפן רבי'ןס דברי תורה ל"ג בעומר (מהר"א) ווער קען העלפען?
די רבי האט ארימגערעדט וועגן 600,000 אותיות בתורה די רבי האט געברענגט כמה תירוצים
אויף די באקאנטע קשיא אז לכאורה איז נאר פאראן ארום 300,000 אותיות בתורה איינע
פין די תירוצים איז געווען אז מ'דרש'נט די קריאה אין די כתיבה נאך א תירוץ אז
מען דרש'נט אויך אויף די פארמעט (די גווילין) אין לויטן ערשטן תירוץ בלייבט
איבער די גווילין פאר די גוף ס'הייסט אז די אותיות בתורה זענען פאר די נשמה אין די
גווילין זענען פאר די גופים מיין שאלה איז אז אויב איך דרש'ן
די גווילין פאר די גופים איז לכאורה נאר דא 300,000, ווייל איך קען נישט דרש'נן די
גווילין אויף די קריאה איך קען נאר דרש'נן די גווילין אויף די כתיבה ווייל א קריאה
האט נישט קיין גווילין .ניין??..
ווער קען העלפען
פארענטפערן?
נשלח ב-15/5/2009 00:25
באלאנד ער האט דאס נאכגעזאכט פין א פריערדיגען איך געדענק נישט פון וועם, און אויפען פריערדיגע זאלסטו נישט רעדען אפי' עס פעלט אויס פאר דיינע פאליטיק.
און דעס וואס די רבי האט נאכגעזאגט וועגען גי גבול אז עס נאך דריי טויזענט, די רבי האט נאכגעזאגט אז עס איז דאך דא די הלכה אז עס דארף זיין מוקף גבול, מיינט ער נישט צו זאגען דער גליון נאר ער מיינט דאך אז יעדע אות דארף זיין עקסטער מוקף גבול, אז נישט איז די אות נישט כשר, כאפסט? דריי טויזענו אותיות מיט דריי טויזענט מאל גבול.
נשלח ב-14/5/2009 21:43
אכשר דרא! די אהרונים הייבן אן כאפן אז זייער רעבע רעדט זאפטיגע שטותים ווען אימער.
נשלח ב-14/5/2009 20:55
דער רבי שליט"א האט געזאגט מיט עטליכע יאר צוריק ביי א הכנסת ס"ת פון די ספרד'ישע קהלה אז מען קען פארענטפערן די קשיא אז עס איז נאר דא 300.000 אותיות ווייל די ספרדים האבן דאך א אנדערע הברה ווי אונז, און אלעס איז דאך מקובל פון אונזערע עלטערן מדור דור ביז משה רבינו, ואלו ואלו דברי אלקים חיים, קומט דאך אויס אז בשעת מתן תורה האט מען עס געגעבן סיי אויף די ספרד'ישע הברה און סיי אויף די אשכנזישע הברה צוזאמען איז יש ששים רבוא אותיות לתורה, עכ"ד הנחמדים.
לכאורה איז דער תירוץ אויך גילטיג ביים כתב, ווייל עס איז דאך דא אונזער כתב און אויך א ספרדישע כתב, און בדרך צחות קען זיין אז מען רעכנט סיי די אמעריקאנער קלף און סיי די ארגענטינער קלף באקאנט אלס ארגענטינער קלף המהודר און מיט דעם איז שוין פארענטפערט אלע קשיות מתוק מדבש.
נשלח ב-14/5/2009 20:09
BTW די ערשטע תירוץ דוכט זיך מיר איז פון פני יהושע
נשלח ב-14/5/2009 19:48
ביי גויל איז דא צוויי זייטן, די אינעווייניגסטע זייט אויף וואס די אות איז געשריבן, און די דרויסנדיגסטע זייט קעגנאיבער. ביידע האבן א קדושה.
און אגב, אז מ'רעדט שוין, מוז ארויסגעברענגט ווערן די געוואלדיגע שמחה און זכי' וואס מיר סאטמארע חסידים האבן. וויפיל מאל איך האב עס שוין מיטגעהאלטן ווער איך יעדעס מאל ווידער נתרגש. די הפלא'דיגע דברי תורה, דער ברען און קאך ביים טיש, די התלהבות וואס רבינו שליט"א גיסט אריין אין אלע אנוועזנדע, ווערטער קענען עס גארנישט באשרייבן.
און באזונדער פאר די טויזנטער חסידי סאטמאר תושבי וויליאמסבורג פון וועלכן רוב רובם האבן נישט די געלעגנהייט מיטצוהאלטן דעם געהויבענעם מעמד הדלקה אין קרית יואל, האבן כאטש א מעין דמעין ביים טיש אין וויליאמסבורג. כאטש מיר קענען היי יאר שטאלצירן אז אונז האמיר באקומען א בעסערע תורה ווי די קרית יואל'ער [נישט אז די ערשטע נאכט איז עפעס אוועקצומאכן, אבער מיר האבן פארט באקומען ב"ה משופרי דשופרי].
תוקן על ידי - געגאנגען - 14/05/2009 19:48:50
נשלח ב-14/5/2009 19:14
הודי ולא בוש יא איך האב מיטגעהלטן אין זיך באלעקט די נשמה ווער קען העלפען
פארענטפערן?
נשלח ב-14/5/2009 19:02
אויב די פארשטייסט די גאנצע תורה ביז דא דארפסטו שוין זיין א גאון!
ס'איז געווען א מורא'דיגע תורה געפלאכטען מיט בליציגע רעיונות, הערליכע חידושים התעוררת'דיגע דיבורים מיט א געוואלדיגע דרשה....
