זיך נישט טענהן מיט קיין ארונים: פארוואס?

משל למה הדבר דומה
ווען איך זאל זיין חס ושלום אין כעס אין וועלען דערלאנגען א פראסק פאר איינעם,
יענער לויפט ביז ער באמערקט מיין קליין אינגעלע,
 ער הייבט אים אויף אין האלט אים אויף זיין אקסעל,
א יעדער פארשטייט אז איך וועל אים נישט דערלאנגען א פראסק ווי לאנג דאס דאס מיינט אויך א וויטאג פאר מיין קינד,
בלית ברירה וועל איך מיך מיזען באראיגען אין זיך באהערשען,
אויב וועסטו זען אז איינער פירט זיך אנדרשט איז משמע אז דאס קינד וואס יענער האלט איז נישט זיינס,
במילא בין איך מיך מיט דעם פרט זיך מחולק מיט מר' לא לנו אז אמאל זענען זיי יא געווען חסידים.

יא יא יאחצל..

עס איז קיין ספק נישט אז די יעניגע וואס פאררופן זיך געטרייע תלמידים וחסידים פון רבי'ן דער ברך משה זי"ע, זיי און נאר זיי האבן פון אים געמאכט דאס גרעסטע גענאר אין זיינע לעצטערע יארן מימי חייו עלי אדמות.

איך וועל נישט אריינגיין אצינד אין קיין אריכות הדברים, אבער עס איז גענוג בלויז צו דערמאנען די שוידערליכע וועלט'ס ליצנות און ביטערע שפאט וואס די חברה האבן מיט אים געמאכט די אלע יארן פון די מינוט אן וואס ער האט ערקלערט זיין קלארע שטעלונג איבער דאס רבנות אין וויליאמסבורג.

יא, טאקע מיט די גאנצע שלייער פון "געטרייע תלמידים וחסידים" האבן זיי אים צו שאנד געמאכט ווען אימער ס'איז געווען א מעגליכקייט.
איך ווייס אז דער חשבון זייערע איז געווען פשוט שוואך צו מאכן דאס כח הרבנות פון דעם דעמאלט'דיגן וויליאמסבורגער רב, און דאס האבן זיי געוואלט מיט ערקלערן דעם רבי'ן הברך משה אלס עלטערער נישט געזונטער מענטש וואס ווייסט בחייכון וביומיכון, און דערמיט אראפצוברענגן די רוחניות'דיגע מאכט וואס דער וויליאמסבורגער רב האט באקומען פון זיין פאטער בהנהגת הקהלה ומוסדותי', אבער למעשה אחרי ככלות הכל האבן זיי זיך דערוואגט צו ווידערשפעניגן אין זייער רבי ומנהיג - וועלכע האט זיי געטריי געפאשעט אזויפיל יארן מיט אמת'ע ליבשאפט און איבערגעגעבנקייט.

איך בין נישט אינטערסירט וואס די "שטוב מענטשן" האבן אלס געטוהן און וויפל זיי וועלן זיין שולדיג אין דעם, אבער דאס איז שוין אמאל זיכער אז די חברה "געטרייע תלמידים וחסידים" האבן מיט זייער גרויסע געזארגקייט פארן רבינ'ס כבוד אים צושאנד געברענגט לעת זקנתו - און אלעס דורך די דירעקטע אנפירערשאפט און צושטימונג פונעם בנו הגדול מרן הגאון הקדוש - וכדי בזיון וקצף!

"דער בלאט" פון די אלע יארן יוכיח!  קוקט נאר איבער די שונד-בלאט ארכיוון און איבערצייגט אייך ווי וואך איין און וואך אויס האט מען דעם רבינ'ס כבוד געהיטן אז עס זאל נישט אפגעהיטן ווערן!
איך וועל דייקא נישט אויסרעכענען קיינע דעטאלן, ווייל הזמן יכלה והם לא יוכלו, און אויב הייב איך אן ווייס איך ווען איך וועל דערמיט ענדיגן. רבים רבים מספור זענען די פילצאליגע פעלער בלי שיעור וערך וואס די חברה האבן בריש גלי לעיני כל ישראל אים צושאנד געברענגט בלי חרפה ובושה.
אדרבה זאל איינער (פארמעגליך איז שוין גענונג פארנומען ביז איבערן קאפ...) זיך נעמען די מיה און אראפברענגן א שלימות'דיגן איבערזיכט אויף זייערע גרויליגע מעשים וואס האבן אזוי מיאוס פארשעמט דעם רבי'ן הברך משה, און וויאזוי די אויסשליסליכע "געטרייע תלמידים וחסידים" האבן געמאכט ליצנות אויפן ערגסטן פארנעם פון א רבן של ישראל!

מיט אזעלכע 'חסידים' בין איך זיכער אז דער רבי הברך משה האט בכלל נישט געברויכט קיינע 'מתנגדים'!

זיך נישט טענהן מיט קיין ארונים: פארוואס?