איצט קאנפירמד, ר' אהרן טייטלבוים און זיין קאניבאלען הנהלה, האט ארויסגעווארפען די קינדער פון ר' עיזואל פערלשטיין ז"ל פון זיינע מוסדות אין קרית יואל.
זייט די אכזרישע אויפירונג פון ר' אהרן, דוד עקשטיין, אלישע שמואל האראוויטץ דער טאשן שניידער ובעל כנפיים, און מרדכי לייב גליק, צו דעם נפטר, פאר צוויי וואכען צוריק, זענען זיי אלע אינגאנצען משוגע געווארען. זיי האבען געמוזט אנעמען פארשידענע שריט צו קענען פארענטפערען זייערע שרעקליכע בזיון המת און חמסנות.
די ערשטע שריט איז געווען, צו לייקענען פאר זייערע שעפסען אלעס אלעס. דער בלאט האט אלע זייערע ליינער געמאכט פאר אקסען. נישט געווען קיין געזונגעכץ, דער נפטר איז נישט געווען אויסגעצאלט. און נאך פילע נארישקייטען וואס איז אפילו נישט ווערט "א טראפעלע טינט" פון מיין פעדער.
צווייטע שריט. ארויס צו ווארפען פון זייער קהילה, די אלע בעלי בתים וואס זענען קהילה לייט אין קהל יטב לב קרית יואל אונטער כ"ק אדמו"ר מהרי"י מסאטמאר שליט"א.
דריטע שריט. ארויס צו ווארפען אלע קינדער פון טאטעס וואס זענען קהילה לייט אין קהל יטב לב.
פערטע שריט. אפ צו זאגען לערערינס וועמענס מענער עס לערנען אין כולל ויואל משה.
אלזא האבען זיי געטון פיר שריט כדי זיך צו דעקען פון דעם הויפט שריט. יעדע איינע איז גרעסער אין טיפשות פון צווייטען. ווייל די אלע וואס באלאנגען אין קהל יטב לב, האבען דאך זיך לכתחילה "געוואלט" אפטיילען. זיי ווילען דאך נישט וויסען, הערען, זען, דעם ר' אהרן מיט זיין גאנצע קאניבאלישע קהילה. די אלע ווילן זיך אפטיילען ווי מער. זיי ווילען נישט עסן זיין פלייש "המהודרת", זיי ווילען אים נישט האבען אלץ זייער מסדר קידושין, זיי ווילען אים נישט שיקען זייערע קינדער. זיי האלטען פון אים אז ער איז נישט קיין מענטש, און אפגערעדט אז ער איז נישט א ערליכער איד.
נאך פיל טיפער. רובא דרובא פון די "ארויס געווארפענע" האבען אים און זיינע קאניבאלען שוין אפגעלאזט פאר לאנגע יארען צוריק. פאר זיי וואלט פיל מער וויי געטון אז מען ווארפט זיי "נישט" ארויס. גייט א קהילה און טוט אזעלעכע נארישע שריטען?
בלויז ווייל ר' אהרן רופט זיך דער רב אין קרית יואל, האט דאך די קהילה יטב לב אין קרית יואל אנגעהויבען בויען א נייע חתונה זאל ווי ר' אהרן זאל נישט קענען זיין מסדר קידושין, בלויז ווייל ר' אהרן רופט זיך דער רב אין קרית יואל, האט דאך די קהילה יטב לב אין קרית יואל געבויעט א נייע בוטשער סטאר וואס וועט זיין אפען תיכף נאך סוכות, און מען וועט דארט נישט פארקויפן ר' אהרןס (מענטשען) פלייש. בלויז ווייל ר' אהרן רופט זיך דער רב אין קרית יואל, האט דאך די קהילה יטב לב אין קרית יואל געפענט א נייע בית החיים ווי מען וועט זיך אויפירען מיט א נפטר/ת בכבוד.
קומען די נארישע יועצים, די "ילדים" און "ווארפען" ארויס די נייע קהלס לייט. איר הערט? זיי ווילען דאך נישט זיין ביי ענק. געוואלד, וועמען ווארפט מען ארויס? זיי ווילען אז מען זאל זיי סאך ווייטער ווארפן פון ר' אהרן און זיין מענטשען פרעסער קהילה!
אבער די לעצטע שריט צו ווארפען קינדער וואס זייער טאטע איז שוין לכל הדיעות נישט קיין קהלס מאן, איז דאס גרעסטע טיפשות און רשעות וואס די מענשהייט קען פארדייען.
איז נישט פארהאן איין נארמאלער מענשט אין זייער גאנצע פארטיי? האבען שוין אלע נארמאל באזעצענע מענטשען פארלאזט די ארונישע פארטיי? איז שוין נישט דא איין מענטש וואס פרעגט א קשיא, היתכן מען טשעפעט א אלמנה, מען טשעפעט יתומים? לא די וואס פארא בזיונות פאר דעם נפטר ווען ער איז נפטר געווארען, טשעפעט מען מיט זיין אלמנה און יתומים? איז שוין ניש דא איין מענטש וואס פרעגט די אכזרים, האט איר נישט קיין מורא פאר א אלמה און יתומים? האט איר נישט מורא אויס צו רייסן ברבים עטליכע לאווין אין די תורה? האט איר נישט קיין מורא אז דער נפטר פון יענע וועלט וועט זיך אן נעמען פאר זיין אלמנה און יתומים?
איז שוין אין די גאנצע ארוני פארטיי די בכל אתר ואתר, בכל קצוי תבל, נישט פאראן איין מענטש וועם עס רירט אן זיינע געפילען? איז שוין נישט פארהאן איין דיין ביי די ארונישע פארטיי וואס לאזט נישט טרעטען אויף די תורה אזוי בפרהסיא? איז שוין נישט דא איין דיין ביי די ארונישע פארטיי וואס האט עפעס געפילישע סטרונעס אין זיין קערפער?
אויף ר' אהרן קען מען נישט פרעגען קיין קשיות. ער איז געפילאז, מענטשליכקייטלאז, הארצלאז, תורהלאז, קינדערלאז און פרוילאז. אויף אזא סארט מענטש איז דאך נישט שייך צו פרעגען קיין נארמאלע פראגעס. אזא סארט מענטש איז דאך נישט נארמאל.
אויף דוד עקשטיין און אויפן טאשען שניידער איז ווידער נישט שייך צו פרעגען, ווייל אויף אזעלעכע מענשטען וואס קענען זיך צונויף זעצען א שעה נאך וואס עס איז געשען א טראגעדיע אז עס נפטר געווארען א 40 יעריגער יונגערמאן פון די גרעסטע בעלי חסד אין קרית יואל פון איין מינוט אויף די צווייטע, און זייער קאפ איז געווען אויפן פלאץ, און האבען נישט אויסגעבראכן אין א געוויין; עס האט זיי נישט בארירט קיין כי הוא זה. זיי האבען די בשורה רעה אויף גענומען ווי א בשורה טובה, מיט א פרייד, און זיי האבען לאנגע שעהן פלאנירט ווי אזווי מען גייט נעמען נקמה פון דעם טאטען פון נפטר, אויף אזעלכע מענטשען פרעסער, איז ווייטער נישט שייך צו פרעגען.
אבער אויף זייערע דיינים קען מען דאך יא פרעגען די קשיא: זענעט איר נארמאל? איז די תורה וואס איר לערענט, אייך עפעס מחייב? ווייל ווי עס קוקט אויס, ווי אזוי אייער רב, אייער ראשי הקהילה פירען זיך אויף, איז די תורה "עקסזעמפט" פון אייער קהילה.
איין תירוץ וואס מען קען ענפערען אויף די אלע פראגעס: עס איז משה גבאי. ווייל ווי עס ווייסען אלע, איז ער דער וואס איז פאראנווארטליך אויף אלע שמוציגע מעשים וואס איז געווארען אפגעטאן אין קרית יואל, וואס מאנכע אום וויסענדע, נאיווע, שוטים, גולמים, שעפסען, רשעים, שונאים, מתנגדים, ווילען עס ארויף ווארפען אויף ר' אהרן. אבער ווי עס ווייסען אלע וואס זוכען בלויז דעם אמת, אז ר' אהרן איז א יושב אוהל, א יושב בתענית, א שר הכשרות, לערענט "מתוך", אויסגעטאן פון די וועלט, ווערט אלעס געוואיר פערצופעליג, ווייסט פון גארנישט.
דעריבער מוז מען ענטפערען אז משה דער גבאי איז אויף די איצטיגע רשעות ואכזריות, בזיון המת, טעשפעט מיט א אלמנה אין אירע יתומים, אויך שולדיג.
משה גבאי האט געווארפען שטיינער אויף די רעביצין ע"ה, משה גבאי האט פארברענט ילד שעשועים און שיעור אום געברענגט מאמעס מיט פיצלעך קינדער, משה גבאי האט אריין געטראסקעט שטיינער אין מיטען די נאכט ביי מענטשען אין הויז. משה גבאי האט געטראסקעט שטיינער אויף ר' יחזקאל ראטה, משה גבאי האט ארויס געווארפען שארמאשער רב פון ביהמ"ד עטרת זקנים. משה גבאי האט געזאגט "עפרא לפומיה" אויפן קאשויער רב. משה גבאי האט געזאגט אויפן וויזשניצער רבין אז ער האט א "גילו עריות" פראגראם. משה גבאי האט אנגערופן קאשויער רב מיטען צונאמען "דער אלטער פון בעדפארד הילס". אלע אלעס האט משה גבאי געטון. דעריבער וועלן מיר אויף איצט אלעס ארויף לייגען אויף משה גבאי.
ווערט אבער שווער א געפערליכע הארבע קשיא: ר' אהרן איז דאך באוויסט אין די גאנצע וועלט, סיי ווער עס וויל וויסען און סיי ווער עס וויל נישט וויסען, אז ער איז א "תקיף", א "מנהיג", א "לידער", א פירער", א מענטש מיט ביינער, נו, פארוואס האט ער נאך נישט איינגעזען אז משה גבאי פארפירט אים? פארוואס לאזט ער זיך אלעס פון משה גבאי? פארוואס ווארפט ער אים נישט ארויס איין מאל פאר אלעמאל? פארוואס זעט נישט איין דער חכימא דיהודאי, ר' אהרן, אז מען מוז זיין ארום גענומען מיט מעסיגע און סאלידע מענטשען? פארוואס נעמט ער זיך נישט ארום מיט קלוגע און באזעצענע מענטעשן? פארוואס לאזט ער משה דעם גבאי אז ער זאל אים פארשווארצען און אנשטינקען זיין זויבערען און גאלנציגען נאמען?
תיקו – תשבי יתורץ קושיות ובעיות.
תוקן על ידי פארמעגליך ב- 04/09/2009 0:35:07
