ווען דאס פיש צאפלט אדער ווען א טעמבעל שטייט ביים רעדל?

ווען דאס פיש צאפלט אדער ווען א טעמבעל שטייט ביים רעדל?

די וועלט זאגט: ווען דאס פיש צאפלט האלט ער ביי די גסיסה

כלפי מה הדברים אמורים?

אין די לעצטע תקופה האבן די ארוינים זיך ווידער גענומען צו די ביינער פון בני יואל
למשעה זענען די בני יואל געווען אויף די אקטיוועטי ליסטע פון די ארוינים במשך
20 יאר בערך, פון ווען "דער פירער" איז געווארן א משה מענטש אין קרית יואל
ביז ווען זיין אינגערע ברידער האט איבערגענומען די מאכט אין וו"ב און מיט דעם
צובראכן די מאכט וואס דער פירער פלעגט ניצן צו דערשרעקן זיינע אינטערטאנען

ער האט נישט געהאט א גרינגע פעלד במשך די 20 יאר
בני יואל האט זיך נישט געלאזט פון אים און זיי האבן זיך אריינגעפיפן אויף כח
דער פירער אליינס האט פארשטייט זיך נישט נאכגעלאזט אפילו ער האט געזען
אז ער וועט סיי ווי נישט מצליח זיין צו צוברעכן קהל בני יואל ד'סאטמאר

די טעראר איז געגאנגען פון גנב'ענען טלית ותפילין ביז ארויספירן א 13 יעריגער
בחור נאקעטערהייט פון מקוה אין די וויטער פרעסטן פון 0- סעלסיוס פאר די עוולה
פון געבוירן ווערן ביי א בני יואל'ער טאטע, פון דארט האט דאס געשפרייזט צו
ווארפן שטיינער אויף די תלמוד תורה באסעס פון די בני יואל'ע שעפעלעך
נישט איינמאל איז א קינד געשעדיגט געווארן רח"ל

אפגעשוינט האט מען קיינעם נישט, כאפט א שמועס מיט ר' יוסף וואלדמאן נ"י
(בעל הצלת יוסף, איך מיין אז אזוי רופט ער זיך) ער וועט אייך ווייזן
בלידער און קליפס פון די טעראר וואס בני יואל איז אריבער במשך די 20 יאר
צענדליגע אויסגעשאסענע פענסטערס פון קאר'ס און הייזער, פאשקעווילן יעדן
מאנטיג אין דאנערשטיג, מכות רצח, אנרעדן מחותנים קעגן זייערע חתנים
סטראשען פרויען וכו'

תש"ס האט זיך די רעדל געגעבן א דריי נייע ווינטן האבן אנגעהויבן בלאזן
די וואלקענעס האבן זיך געגעבן א ריק צום צווייטן זייט הימל
די ארוינישע רודפים וואס האבן געטרינקן די בליט פון בני יואל 20 יאר
פארשטייט זיך בשם דעם ברך משה האבן פליצלינג געגעבן א דריי אויס די
געווער און גענומען שיסן דעם ברך משה זעלבסט
די אורזאך פון דעם איז געווען דאס אריבערברענגען ר' זלמן לייב פון ירושלים
קיין וו"ב, פארשטייט זיך אז די ארוינים האבן געהאט תירוצום שונים
ומשונים, געזאגט האבן זיי פאר ווער ס'איז געווען גרייט צו הערן אז באמת
זענען זיי נאך אלס חסידים פון ברך משה נאר דאס וואס זיי טוען איז
קעגן משה גבאי, מיט דעם תירוץ פון משה גבאי האבן זיי משפיל געווען
און מבזה געווען דעם ברך משה מסוף העולם ועד סופו ווי ארויסגעבן
פאפירן פון א קראנקען מענטש און זאגן אז דאס געהערט צום ברך משה
איבערדרייען טישן צושטערן הקפות און דערנאך ביזן רופן דעם ברך
משה אין געריכט וואס דאס איז געווען זייער לעצטע קויל, אינטערגעשריבן
אויף די געריכטיליכע פאפירן זענען געווען די קינדער פונם פירער זעלבסט
(חוץ איינער וואס האט טאקע געכאפט רדיפות) און באצאלט די לעגאלע
קאסטן האט דער פירער אליינס (למעשה האט דער לויער געריפן דעם פירער
אין קארט פארן לאזן די טשעקס קראכן.

עכ"פ ווען ר' זלמן לייב איז אנגעקומען אויף וו"ב האבן די ארוינים זיך געטראפן
מיט אסאך א שטערקערע און שרעקעדיגערע שונא ווי בני יואל
זיי האבן זיך געטראפן קעגן טויזענעטער אידן וואס האבן נישט געוואלט
אפטרעטן פון סאטמאר אזוי ווי בני יואל האט געטון, די טויזענטער זענען
יא געבליבן אין סאטמאר און האבן במשך די יארן געשוויגן און געשלינגען ביז...
ס'איז אנגעקומען די נייע רב דאן האבן די אידן שוין נישט מורא געהאט אז
זיי וועלן ווערן גערודפט און זיך אפען ארויסגעשטעלט קעגן די הנהגה פונם פירער
דאס האט אנגעצינדען א פייער אינערהאלב סאטמאר צוליב דעם וואס דער פירער
האט מיט זיין תאוות השלטון געבלאזן און פארפירט און נישט געוואלט אקצעפטירן
אז נאך איינער וועט האבן א ווארט אויף סאטמארע מוסדות

בראותם כי כלתה עליהם הרע האבן די ארוינים פארשטאנען אז זיי וועלן נישט
קענען געווינען די מערכה אויב וועלן זיי זיין פארנימען מיט זייטיגע זאכן,
צו קענען געווינען די מלחמה האבן זיי געפענט א האט ליין מיט איטערנעט סייטס
והדברים ידועים ואינם צריכים חזרה, אין דעם שלב האבן די ארוינים זיך אפגעלאזט
פון בני יואל און קהל בני יואל האט אנגעהויבן לעבן א רוהיגע נארמאלע לעבן

בני יואל מעמבערס האבן זיך זייער שטארק געפריידט צום נייעם מציאות און די
געשעענע פאקטן אבער נישט צום נייעם רב זעלבסט, זיי האבן זיך געפריידט אז
די רוצחים זענען ארויפגעקראכן אויף א צווייטען קרבן, און האבן אנגעהויבן לעבן א
רוהיגע לעבן, פארמאכט די מוסדות האבן זיי נישט, צוריק קומען צו יטב לב
האבן זיי אויך נישט געוואלט דעריבער איז געבליבן אין קרית יואל 3 קהלות
קהל יטב לב ד'סאטמאר בנשיאות ר' זלמן לייב
קהל יטב לב ד'סאטמאר בנשיאות דער פירער ר' אהרן
קהל בני יואל ד'סאטמאר בנשיאות ??

במשך די 10 יאר פון ווען ר' זלמן איז אנגעקומען אויף וויליאמסבורג ביז תש"ע
האבן די בני יואל געלעבט על מי מנוחות און נישט געהאט קיין גרויסער פארקער
מיטן נייעם רב און היינט שוין רבי, זיי האבן זיך געפירט ווייטער זייער קרעמל
מיט זייערע מוסדות, אין א געוויסע זין האבן זיי צום נייעם רב געהאט א שנאה
ווייל ער איז פארט א ברידער פונם פירער אבער פארט נישט די שנאה וואס זיי האבן
געהאט צום פירער אליינס ווארום ער האט זיי קיינמאל נישט געטשעפעט, במשך
די 10 יאר האבן בני יואל באקומען שטיקל געפיל ווייל זיי האבן געהאט מיטלייד
מיט די טעראר וואס די חסידים פון ברך משה און פון נייעם רב האבן געליטן
פון די חסידים פונם פירער, אבער א נאנטע התקרבות איז קיינמאל נישט געווען

אויפגעשפילט האט זיך דאס ביי די מעיאר וואלן אין קרית יואל
אברהם ווידער לויפט מצד די ארוינים און די זאלוינים האבן כסדר ארויסגעשטעלט
קאנדידאטן, די חסידים פון ר' זלמן לייב האבן זיך כסדר געבעטן ביי בני יואל זיי
זאלן ארויסקומען שטיצן די נייע קאנדידאטן קעגן אברהם ווידער דער פירערס שליח
אבער בני יואל האט מער ווייניגער געלאכט אין פנים און האבן געזינגען דעם ניגון
"המכה מצרים בבכוריהם" הרג'ט ענק צווישן זיך און עס האט זיך שטארק דערקענט
ביי די אויסקום פון די וואלן דארט ווייל די חסידים פונם פירער האבן אלעמאל געהאט זייערע
ישיבה בחורים אויף זייער זייט (געזעצליך מעגן זיי שטימען אפילו זיי וואינען נישט דארט)
ווידער די חסידים פון ר' זלמן האבן די ישיבה אין קווינס און בני יואל וואס
אויף זייער שטיצע האט מען זיך גערעכענט צו קענען איבערוועגן די שטימעס פון די
ישיבה בחורים זענען געשטאנען אין די זייט און געלאכט, אפיציעל איז די סטעטמענט
געווען, מיר טראסטן סיי ווי קיינעם נישט

די ארוינים וואלטן לכאורה געדארפט זיין זייער צופרידן פון דעם מצב
וואלטן זיי ממשיך געווען רודפן בני יואל וואלט דאך בני יואל לכאורה יא געגאנגען
שטימען מיט די חסידים פונם ברידער, און ריזיקירט די וואלן אין קרית יואל

דא איז אבער געשען א ערעסטע ספין די מאשין האט געכאפט א 360 דעגרי ספין
די ארוינים האבן זיך צוריק גענומען צו די ביינער פון בני יואל


פארוואס? פארווי? פארווען? וואס האט יעצט פאסירט?

המשך יבאו אי"ה ובל"נ

תוקן על ידי מיכל_וואלף ב- 27/10/2009 22:12:28

תוקן על ידי ychtzel ב- 27/10/2009 21:11:36

נו וועסטו ליינען די 2טע שטיקל ווען די זאגסט כגוונא

מיטן גוטהייסונג פון מנהל זאל דער עולם שרייבן אלע הגהות אין די הגהות אשכול, דער מנהל איז מסכים אויסצומעקן אלע תגובות פון דעם אשכול.

וועגן די וואס קענען נישט ליינען די צווייטע תגובה
ביטע לייגט אריין אין די הגהות אשכול א פרינט סקרין איך זאל זען וואס איר זעט, און איך וועל דאס פראבירן צו פארעכטן.

ישר כח
אבער איך קען נישט קיין קליינע אותיות,
ווייסט וואס יענער האט געזאגט, איך זאג איינמאל א וואך כגונא

די 2טע איז גוט און Chrome און IE7 אבער נישט אין IE8

 סאטמארפלעק
צי דעם ביסטו אויך מסכים, אז טעמבעל זאל איבערלייגן זיין 2טע  קאָמענטאַר (בלשון עם זר תגובה) ? 
מען קען עס נישט ליינען,

תוקן על ידי ychtzel ב- 27/10/2009 20:32:32

איך נעם עס אן אז ער איז "מסתמא" נישט שולדיג אויב ער איז נאך אינג און אויפגעוואקסן מיט דעם בלינדן שנאה.
קיינער אין בני יואל ארבייט נישט איבערן אימידזש פון ב"י, ס'איז א פאקט אז עס איז דא עקסטרעמיטסן דארטן אזוי ווי עס איז א פאקט אז עס איז דא עקסטרעמיסטן איבעראל, ס'איז א מציאות פון א מהות.

סאטמארפלעק
איך האלט אז די ביסט גערעכט, אבער איין זאך מיין איך אז די וועסט מיר מודה זיין,
אז טעמבעל איז נישט אינגאנצען שילדיג,
ווייל עס איז דא געציילטע עקסטרעמיסטן און בני יואל, וואס ארבעטן שטארק צי געבן דעם אימיטש אויף ב"י  אז דאס איז ב"י אזוי ווי טעמבעל שרייבט,
אויב טעמבעל איז נישט צי נאנט מיט ב"י קען זיין אז ער האט דאס אנגענימען,

טעמבעל...

בעל כרחך מלאך טוב יענה אמן,  בדמעות שליש מוז איך צושטימען

ביטע
פארעכט די 2טע תגובה מען קען עס נישט ליינען.
די שרייבסט גוט