בד"ה זווילער רבי פון ארץ ישראל

כ"ק אדמו"ר מהר"א שליט"א אויפן וועג איצט צו ניחום אבלים אין יוניאן סיטי

תוקן על ידי gimpele ב- 31/12/2009 04:46:42

ר' יונה, דאס רופסטו צוקריגט מיטן טאטן? אזוי ווי מהר"א איז געווען צוקריגט מיטן טאטן.

דער בכור, ר' גדלי' משה, איז גאר א געלונגענער מענטש, א תלמיד חכם און חסיד'ישער איד, דער זיידע זיינער האט אים נאך געבעטן אז ער זאל פירן און בויען די מוסדות, (היינט באשטייט גאנץ זוויל פון עטליכע צענדליגער משפחות, דעמאלס האט מען גערעדט פון אפאר יחידים).

דער ר' גדלי' משה האט זיך איבערגעגעבן פאר דעם צוועק, און פאר יארן לאנג געבויעט דעם חצר. וואס זוויל האט היינט איז צו פארדאנקען פאר אים. עס איז נישט קיין שום סוד אז אין זוויל האט מען אלעמאל געוויסט אז רבי גייט זיין ר' שלמה, וועלכער איז היינט אין יוניאון סיטי (פארגעס נישט אז זוויל האט געהאט אזא רבין ווי ר' שלומקה, זיי האבן געוואלט אן ערנסטן מענטש א תלמיד חכם), און דער ר' אברהם (וואס איז יעצט אוועק) ער איז געווען א איינגעשטעלטער ביי המודיע, פשוט און פראסט, א צייטונגס ארבעטער, בערך אזוי ווי זיין ברודער שמוליק פון סקווירא, אבער דער זון זיינער, ר' גדלי' משה, ער האט זיכער געמאכט אז זיין טאטע (וואס איז דאך דער עלטסטער זון) ווערט רבי.

אזוי ווי ער האט מער נישט געארבעט אין המודיע, און פון קוויטלעך האט ער קיין פרנסה נישט געמאכט, איז זיין פרנסה אויך געפאלן אויפן זון, וועלכער האט עס אויסגעפירט בנאמנות.

איר פארשטייט, מען רעדט נישט דא פון רב הצעיר וכדו', דער גדלי' משה האט אויסגעהאלטן זיין טאטן, און חתונה געמאכט אלע זיינע ברודער, און אויפגעבויעט פאר זיי א שיין פלאץ, מיט מוסדות און בנינים ביז עס איז שוין געווארן אליינס א פרנסה פאר זיי.

איבריג צו זאגן, אז ווען מען ווערט אביסל עלטער, און קיין סך תורה, יראת שמים און מידות האט מען דאך נישט, הייבט מען אן צו קוקן מיט א קרום אויג אויף דעם עלטערן ברודער (עיין ערך "יקרבו"), און די גבאים, וועלכע האבן - ווי אלעמאל - מורא פון א זון וואס לאזט זיך נישט פירן ביי די נאז, האבן אנגעהויבן העצן דעם טאטן אויף דעם ברודער אז ער מיינט נאר זיך, און ער זאגט כסדר יקרבו.

דאס איז אזוי געגאנגען ביז עס האט זיך זיי געמאכט א גוטן געלעגנהייט און מען האט אים ארויסגעווארפן ווי א הונט, און ער איז געבליבן אן גארנישט.

ער האט גערופן די מוסדות צו דין תורה ביי די עדה החרדית איבער דעם זאל פון די תלמוד תורה, וואס ער האט גע'טענה'ט אז דאס איז זיינס, (ער האט עס געדארפט פאר פרנסה) אבער אויסער דעם האט ער קיינמאל גארנישט געטאן קעגן זיין טאטן.

די רשעים האבן נישט געלאזט זיין טאטן קומען צו זיינע שמחות, און וויפל מען האט געטרייט שלום צו מאכן האבן זיי נישט צוגעלאזט, און יעצט האבן זיי נאך איבערגעשטיגן אלע ביז יעצטיגע רשעות'ן, עפעס וואס מען האט אפילו אין סאטמאר נישט געטין. ביי די לוי' האט מען אים נאר אריינגעלאזט ווי א גאסט, און דער גבאי (דארט איז אויך דא עפעס א בן פראדל) האט מכתיר געווען דעם צווייטן ברודער פאר רבי בפניו פון דעם עלטסטן ברודער.....

דער בכור רג"מ האט אבער זייער אסאך אוהדים אין די גאס, כולל אסאך רביס רבנים און עסקנים, און זיי זענען זיך צוזאמען געקומען ביי אים אין שטוב צוזאמען מיט עטליכע חסידים וואס ער האט און מען האט אים מכתיר געווען פאר רבי.

איך האלט אז יעדער נארמאלער מענטש, ספעציעל די וואס קענען זיך אידענטיפיצירן מיט אזא מעשה, דארפן שטיצן דעם רג"מ מיט וואס מען קען. דאס רשעות שרייט עד לב השמים ווי מען קען זיין אזא כפוי טובה, גראדע שטימט עס יא אביסל מיט די היינטיגע צייטן, אבער טאקע פאר דעם האלט איך אז מען דארף אזא מענטש געבן שטיצע און חיזוק אויף יעדן מעגליכן וועג, כאטש באמת ווייס איך אליינס אויך נישט פונקטליך וויזוי.

למעשה איז דער ר' ג"מ זייער א געלונגענער מענטש, און עס איז מסתבר אז ער וועט מצליח זיין בעז"ה זיך שיין אויפצובויען, משא"כ זיין ברודער, אן גנב'ענען און זיך זעצן אויף יענעמס פלאץ איז ער גארנישט (פאני, עפעס סאונד די גאנצע מעשה זייער באקאנט, מען דארף נאר טוישן נעמען).

ע"כ פאר יעצט

לפי ידיעתי, ווי איך האב שוין געשריבן דא, איז אריגינעלער גערעכט, און איך וואלט אויך מסכים געווען מיט ר' יונה אז ער דארף עם שיקן א הזמנה, עס איז אמת אז אין א"י איז זייער שווער זיך ארויסצודרייען פון דעם. איך האף אז ער וועט אזוי טון, און איך האף ער וועט מצליח זיין מיט וואס ער וועט טון.

אלוקים יבקש את הנרדף