פארוואס טוהען אנדערע כמעט גארנישט?
אויסער מפעל החשוב נטרונא

וואס האלט איר
קומט ר' משה בער אן צו שפיץ נאגל פון בעלזא רב זי"ע תורה און עבודה און קדושה ויראת שמים

זיכער וועסטו זאגן אז יא
אז ר' משה בער איז סאך מער אויס געארבעט, וכו' ?!?

אבער ווי יעדער איינער ווייסט
און ווי ס'איז באקאנט איז אפי' די רבי ז"ל אויס געגאנגען פאר התפעלות פון בעלזא רב

אבער דעסוועגן דאך
האט די רבי נאך אלץ געהאלטן אז בעזלא רב ז"ל האט געהאט א טעות בעניני השקפה באמונה ודעות
און עס נעמט נישט אראפ קיין כי הוא זה פון די קדושה פון בעלזא רב

צו זיין קלאהר ווי אזוי אום צוגיין בהנהגה בעניני אמונה ודעות דארף מען זיין א מנהיג מיט ביידע פיס אויף די ערד וראשו מגיע לשמים
ראשו מגיע לשמים איז נישט גענוג
מונקאטשע רב האט א תשובה אז מען קען יוצא זיין הבדלה אויפן טעלעפאן
מונקאטשע רב האט פונקט נישט געוויסט ווי אזוי א טעלעפאן ארבעט
און קלענערע תלמידי חכמים קלענערע צדיקים האבן גע'פסק'נט אנדערש, און ס'איז נישט קיין סתירה

הנהגהות העולם
פירן
מאכן הצלה
דיפלאמאטישע געשפרעכן
רעדן צום גוי

דארף מען זיין א מנהיג מיט ביידע פיס אויף די ערד וראשו מגיע לשמים

אבער וראשו מגיע לשמים און נישט זיין אויף די וועלט קען מען נישט און מ'טאר נישט אריין רעדן זאגן א מיינוג בהנהגת העולם הזה

אויף אידיש רופט מען אזא איינעם א מח קטן

ער האט נישט קיין שכל צו וויסן צו בלייבן זיצן אין ביהמ"ד

הרב ר' משה בער שליט"א
איז באקאנט פון אלס קינד אויס אלץ קדוש ופרוש

דאס הערט מען סיי פון זיינע חברים און וויזניץ ישיבה
און סיי אלץ יונגערמאן
און ווער רעד נאך היינט ווער ס'האט עפעס שייכות מיט עם זעהט וואס פארא צדיק וקדוש ר' משה בער איז

אבער צו הנהגת העולם האט ער נישט קיין שייכות
און ס'איז נישט קיין סתירה

ר' משה בער האט דורך געטוען ש"ס ופוסקים מיט מדרשים בעניני ציונות, בעניני הצלה, בעניני כניעה, בעניני גלות, בעניני קבלת עול הגלות, בעניני אמונת הישמעאלים בעניני אמונה טפילות און היינטיגע אזוי געריפענע רבי'ס וכו' וגו'
אבער בעניני עוה"ז איז האט ער נישט קיין שייכות
ווער רעדט נאך בעניני הנהגת עוה"ז האט ער קיינמאל נישט געהאט קיין שייכות

לכאורה אזא מענטש וואס די נטו"ק החדשה (החדשה = ווייל מיט די אלטע נטו"ק האבן זיי נישט קיין שייכות, די אלע תלמידים פון די פריעדיגע נטו"ק האבן נישט קיין שייכות מיט די באנדע)

בקיצור אזא איד וואס די נטו"ק החדשה האלטן אז ער איז די אייציגסטע און בעסטע אויסגעקאכטע איד וואס קען טוען און הנהגה
ער פארשטייט וואס מען דארף אלץ זאגן, אויסלערנען, ווייזן, טוען, וכו' וגו'

נישט סתם אויף קליינע זאכן,נאר אויף די גרעסטע וועלט זאכן, דיפלאמאטישע געשפרעכן וואס איז נוגע מדינות אויף די וועלט, האקעלע פאליטק ענינים וואס איז נוגע מדינות אויף די וועלט,
ממש זיין א חלק פון די טאן געבער אויף די "וועלט"

אזא איד וואלט זיכער שוין געהאט אויפ געשטעלט וועלטן פון אידישע שטובער, מוסדות החינוך, ישיבות, אויפגעשטעלט תלמידי חכמים, אויף געשטעלט מורה הוראה'ס פאר דעם פינסטערען דור

איך מיין נישט ממש ווי די רבי ז"ל
וואס איז אן געקומען צום וויסטן אמעריקא
און אנגעטוען בערד פאר טויזענטע אידין,
צו געדעקט די קאפ פאר טויזענטע פרויען,
אויף געשטעלט מוסדות התורה אונעם פיסטען אמעריקא וואס הונדערטע יארן כמעט יעדע איד וואס האט אראפ געטראטן א פוס אין די גאלדענע אמעריקא איז ל"ע נישט געבליבן פון עם קיין אידיש אייניקל רח"ל,
די רבי ז"ל האט איבער געלאזט מורה הוראה'ס אויףן וועלט
די רבי האט ארום גענומען יעדע זאך אויף די וועלט און איבער געלאזט קלאהרע הוראות פאר די קומען'דיגע דורות צו וויסן וואס צו טוען די פאר יאר נאך ביז משיח קומט בב"א, (*עי' הערה למטה)

אבער עכ"פ א מעין זה

די תי' איז ניין
בעניני הנהגת עוה"ז האט ער נישט קיין שייכות

בערך ווי רב קינעבסקי אין בני ברק וואס זיצט על התורה ועל העבודה מתוך יגיעה ודחק
אבער בהנהגת עוה"ז האט ער נישט קיין שייכות

און ווען די נטו"ק החדשה זאגט אז ר' משה בער זאגט זיי וואס צוטוען
און ר' משה בער אליינס שטעלט זיך אויף און זאגן דרשות וואס מען דארף טוען בהנהגת העולם
האט אזא פנים ווי די ליצנות פון די בני ברק'ע ליצים קומען יעדן טאג ארויס מיט נייע סטעיטמענטס פון ר' חיים קינעבסקי,

ר' משה בער'ס זאגן א מיינוג צו מען זאל זיך יא טרעפן מיט איראנער פרעזידענט יר"ה אין אמעריקא נאכדעם וואס יונייטעד סטעיט זאגט מיר ווילן נישט האבן קיין שייכות מיט עם
איז א ליצנות פונקט ווי ר' חיים קעינעבסקי זאל זאגן אז מען דארף בויען א נייע גאס פון רמת גן קיין בני ברק מיט 2 לעינס אדער מיט 3 לעינס

לעניני
כבודו במקומו מונח
ר' משה בער וואס האט אזוי וויפל דוירך געטוען ש"ס ופוסקים און מדרשים בעניני גלות וגאולה ואמונה ודעות
דארף טוען וואס ער איז געבויט צו טוען
ער דארף אויסלערנען שלש שבועות פאר די אידין אין שטאט
ער דארף מודיע זיין און חזר'ן יהודי לא ציוני  מיט אידין אין שטאט,
ער דארף אויף שטעלן תלמידי חכמים וואס זאל זייין קלאהר אין און אמונה ודעות זי זאלן ווייטער קענען לערנען נאך אידין,
ער דארף אויפשטעלן אידישע שטובער וואס זאלן זיך פירן ע"פ תורה וחסידות
און טאקע אויף דעם האט ער באקומען די שענסטע הסכמות אויף זיין ספר יסודות בית היהודי וואס אני הקטן לערן אין דעם מיט די משפחה, אני הקטן האב זיך צוגעגרייט מיט דעם צו די חתונה


אבער גיין אויף די גאס
ראטעווען מענטשען, געבען סי.פי.אי. ווען ער האט נישט געטרעינט אין א קאלעדזש אויף דעם
רעדן דיפלאמאטישע געשפרעכן ווען ער האט נישט שטודירט די זאך
אריין רעדן אין די וועלט פאליטיק ווען ער האט נישט געלערנט ווי אזוי די וועלט פאליטיק גייט
היתכן!

נאר וואס דען
אז ביבי נתני' מעג מעג ער אויך
אז יעקב ליצמאן מעג מעג ער אויך
אז אחמוד טיבי מעג מעג ער אויך

און טאקע אזא פנים האט די נטו"ק החדשה
נאך א פארטיי אין די מדינה
יעצט זענען זיי אין די אפעזיציע
איין מאל ווען אראפאט וועט ווערן ראש הממשלה וועלן זיי זיין אין די קאליציע

באמת די גאנצע נושא פון די נטו"ק החדשה דארף מען דורך רעדן באריכות
דא האב איך נאר אויף א שפיצ גאפל אנגעריט גאר א קליינע פרט

תן לחכם ויחכים עוד...


-----------------------------------------------------------------------------------------------
(*שייך להנ"ל
 די רבי ז"ל האט איבער געלאזט  הוראות אנווייזונגען ווי אזוי זיך צו פירן יעצט בימות המשיח שיבוא בב"א...

שטענדיג ווייזען זיי אן אויף די פאר פאליטקאנטען, זיי כאפן זיך אן אויף א פאר מעשיות וואס אינשי דלא מעלי אונטער די נאמען סאטמאר עדה החרדית וכו' האבן געטוען און טוען,

אבער מודה זיין אז טויזענטע ערליכע אידין האבן נישט קיין שייכות מיט דעם און מיט זיי דאס וועלן זיי קיינמאל נישט,

פארוואס? ווייל נאר זיי ווייסן וואס די רבי האט געוואלט זאגן און די שטוב מענטשען האבן נישט געלאזט,
נאר זיי ווייסן וואס די רבי האט געוואלט שרייבן און ויואל משה און סענדער דייטש האט ארויס גענומען,
נאר זיי ווייסן אז די רבי האט פארדרייט ח"ו אביסל די תורה צופרידן שטעלן ר' נתן יוסף
נאר זיי ווייסן וואס די רבי'ס אמת'דיגע רצון איז געווען און די רבי האט נישט געהאט קיין ברירה האט לכבוד ליפא פר"מ נישט מחנך געווען אזעלעכע ערליכע דורות


ס'הערט זיך אן אביסל פאני וואס איך גיי זאגן אבער בדרך צחות מעגן מען אלעס
היינו טעמי דארוני והיינו טעמי דנטו"ק החדשה
ס'איז בדרך צחות  דא אויפן פלאץ באותו מקום
ווייל דאס פורום איז געשטעלט נגד קליפה הארוני'זים

אבער ס'איז קרוב לאמת
אז מען וועט גוט קוקן וועט מען זעהן ביי יעדע חילול השם און נארישקייט וואס די נטו"ק החדשה טוען אדער זאגן וועט מען ביי די ארונישע חדר הערן אן הערצה
די גאנצע זאך פון ציונית איז בכלל נישט קיין ארוני'שע אישו
אבער ווען מען רעד שוין יא אמאל מיט אן ארוני וועגן די נטו"ק החדשה
פארשטייען קיינער נישט פון זיי וואס שלעכט מיט דעם מהלך...


תן לחכם וחכים ועוד

און פאר די בהמות וואס וועלן אנהייבן צו שרייען דא נאך וואס איך שרייב
קען איך נאר ענפערן
תן לטיפוש ויטפוש עוד און ביי דעם האלט איך נישט דערביי

אין מיינען אויגן די ניגון
גלות
הכנעה
הצלה
גזירת הגלות
קבלת עול הגלות
פרעגט מען איינעם פון זיי היתכן דאס איז דאך נישט אין גדר פון הכנעה וועט ער ענפערן אז דאס איז הצלה וועסטו עם פרעגן אויב הצלה פארוואס דארפסטו מאכן אויך דאס און דאס וועט צוריק דרייען הכנעה און ווייטער קבלת עול הגלות וכו' וגו'
זיי האבן גענומען א פאר לשה"ק ווערטער און מאכט משוגע א וועלט אז דאס איז תורה משה

און מיינע אויגן קוק איך דאס אן ווי
1+1= א חלה דעקל