יעקב סופר קויפט אפ מארגעדזש פון א. יודל גאלדבערגער

מיר זוכן אודאי נישט צו נעמען קיין צד אין די מחלוקה. אבער עס איז דא נאך א צד, און דאס זענען מיר, די קונים, וועלכע האבן אראפגעלייגט א דאון פעימענט פון 'פופציג טויזנט' דאלאר פאר א דירה אין דעם פראיעקט. די פופציג טויזנט דאללאר וואס מיר האבן אראפגעלייגט, איז אין מיינסטנס פעלער אפגעשפארטע אפגעהארעוועטע געלטער, וואס מיר האבן געזאמלט מיט פלאג און מי, מיט בלוט און שווייס. דאס געלט באשטייט פון צוריקגעלייגטע אייטעמס אין גראסערי, נישט געגאנגענע וועקעישאנס, און פון זיך באגעניגן מיט דאס מינדעסטע נויט באדערפענישן אויפן טאג טעגליכן לעבן.

יעדער פון אונז האט געלעבט אין די לעצטע פאר יאר מיט די השערה אז מען וועט בקרוב זיך אריבערציען אין די נייע דירה, און דעריבער האבן מיר אזוי אויסגעשטעלט אונזער לעבנסשטייגער, נעמענדיג קליינע, און/אדער קורץ טערמיניגע דירות מיטן חשבון אז עס איז נאר פאר צייטווייליג. איצט אבער, קען זיך דער סכסוך פארציען אויף לאנגע יארן לויט אלע עקספערטן, און ביזדערווייל זענען מיר פארשפארט אין אונזערע בעיסמענטס און ענגע דירות אן קיין קלארע אפציעס. פון איין זייט דארפן מיר ארויסגיין פון די איצטיגע דירות, און א גרויס חלק איז געצווינגען צו גיין ממש יעצט, אבער פון די אנדערע זייט דארפן מיר זיין גרייט צו מופן אין די נייע דירה, און אן קיין קלארע אויסקוק אויפו עתיד, קענען מיר זיך נישט ערלויבן צו צאלן די מופן קאסטן, און זיך צו פארפליכטן צו א ליעס וכדו' אויף אן אנדערן פלאץ.

דאס מינדעסטע וואס מיר קענען טון איז זיך כאטש צוזאמצונעמען מיט א פאראייניגטע כח, און מיט השי"ת הילף וועלן מיר פרובירן צו: 

1)       מטכס עצה זיין אפשר אויפצוקומען מיט א פארשלאג וויאזוי מיר זאלן קענען בקרוב אריינגיין אין אונזערע דירות.

2)       אראפשטעלן א כח מיט וועלכן די צדדים זאלן זיך דארפן רעכענען אין די יעצטיגע אנגעצויגענע צייטן ווען יעדעס פון זייערע מאנאווערעס און שריטן קען אפעקטירן אונזער גאנצע האב און גוטס.

 דעריבער ווילן מיר בעטן, אז ווער עס האט געגעבן א 'דאון פעימענט' פאר א דירה אינעם 'שכונת ברך משה' און האט נאכנישט געקלאוזט, זאל ביטע שיקן דעם נאמען און טעלעפאון נומער צו 'איחוד הקונים בשכונת ברך משה', צו: [email protected], ווי אויך ביטע איבערגעבן דעם אדרעסע אויב איר ווייסט פון אייערס א באקאנטער וואס האט געגעבן א 'דאון פעימענט', און מיטן אייבירשטנס הילף מיטן כח האחדות און מיטן כח הרבים האפן מיר אז מיר וועלן קענען עפעס אויפטון.

 מיר ווילן דא זייער שטארק קלארשטעלן, אז מיר זענען נאר דא פאר 'אונזער צד', מיר האבן נישט און מיר נעמען נישט קיין איינע פון די אנדערע צוויי צדדים אין די מחלוקה. אונזער ציל איז נישט 'קעגן' קיינעם, אונזער ציל איז נאר 'פאר' אונז די קונים.

 מיר האפן און מיר בעטן צו השי"ת אז עס זאל הערשן שלום ושלוה במחנינו, און די צדדים זאל קומען לעמק השוה גרינגערהייט, און דער סכסוך זאל זיך ענדיגן בקרוב. אמן.