די יערליכע פסח חלוקה אין בעיסוואטער היינט
ווי שוין באקאנט פון אלע יארן ווערט יעדעס פאר פסח פארטיילט דורך די חסידישע סאטמארע קהלה אין בעיסוואטער, פאר איבער 100 משפחות, כל טוב וטוב צרכי יו"ט מיטן גרעסטן מאס פראפעשנעליזם אין באשיידנקייט, עס איז אן אויסערגעווענליכן ערהאבן בילד אין קידוש השם צו זעהן ווי די חסידישע אידן פארן ארום אין די געסלעך פון בעיסוואטער מיט זייער מיני-ווענס, צו אפפירן די שאכטלעך עסנווארגן לכל דכפין,
גרויס קאפ, מח, צייט אין ענרגיע גייט אריין אין די חלוקה, איך זאג אייך רבותי ס'גייט נישט אזוי פשוט, שוין חדשים פארדעם איז מען שוין מחזיר על הפתחים פון די נדיבי עם אין די אידישע געגענטער פון פאר-ראקעוועי אין פייוו-טאונס צו צינופנעמען די נויטיגע פאנדן פאר די חלוקה, אנהויב חודש ניסן שטעלט מען צאם די ליסטע פון אלע משפחות נצרכים, מיט די צאל משפחה מיטגליטער, וויפיל זיי ברויכן פון יעדן פראדוקט, אזוי אז דער נצרך זאל מיטאמאל דארפן בעטן וויפיל ער ברויך, דאס אליין קען זיין שווער פאר א מענטש, דערנאך פארבינדט מען זיך מיט אלע עסן קאמפאניס צו באשטעלן די אלע פראדוקטן, און מ'לייגט גרויס דגוש זאל דייקא זיין פון די בעסטע קוואליטי, בעסטע הכשרים, און ברענד נעימס
מ'ברויך נישט מסביר זיין וואספאר שמחה ועונג יו"ט עס ברענגט אריין אין א אידישע שטוב, ספעציעל מיט קע"ה פילע קינדערלעך, איבערהויפט ווי עס ווערט געטאן אויפן שענסטן און באשיידנסטן אופן,
די חלוקה ענהאלט ממש אלע מאכלי יו"ט, איינער וואס באקומט דער פעקל ברויך כמעט נישט גיין אין קיין גראסערי, עס ווערט פארטיילט אויסער די געווענליכע פראדוקטן ווי למשל, פאטעיטאס, אייער, מייערן, צוויבל, גרעיפ-דשוס, עפל, וכדומה, באקומט יעדער אויך איש לפי אכלו ממש אלע פראדוקטן, אויל, זאלץ, צוקער, פאטעטא סטארדש, אראנדשן, גרעיפפרוכט, מעלאנע, פיינעפל, איגריקעס, מצות [סאטמאר ראטלעדש], לעידי-פינגערס, עפל דשוס, אראנדש-דשוס, חריין, סאלוט, צוויקל, געפילטע פיש, בהמה פלייש, געמאלענע פלייש, א קעסטל הינער, [אלעס פון די ק"י שחיטה המהודרת], אלע מילכיגע פראדוקטן, מילך, אמעריקן טשיז, קאטעדש טשיז, סמייטע, יאגורט, לעבען, און וואס נישט, אויס עס פעלט עפעס האב איך פארגעסן צו אויסצירעכענען. ס'דא מער.
בילדער וועט נאכפאלגן [אן קיין פנימ'ער פון א נצרך חלילה]
 |
|
|
