תושבי קר"י זייט געווארנט איבער 'אומזיסטיגע ירחונים' אין די פאסט זיי האבן נישט קיין הסכמה!

  זייט אויפמערקזאם ווען איר באקומט אויף די פאסט א תורה'דיגע אויסגאבע אומזיסט צו קוקן ווער דער שרייבער איז אויב דאס האט א אויסגעהאלטענע הסכמה, היצט איז אנגעקומען א אומבאקאנטע קונטרס פון "קדושת ישראל" אן קיין הסכמה אדער א חותם דערויף, וואס יא מ'מאכט נאר אויף דעם ערשטן דף, שטייט שוין מיט גרויסע ווערטער טול קור"א מבין עיניך וכו' ואם יתלוצצו הלצים וכו' מ'דארף שוין נישט זיין קיין גרויסע מבין צו זען ווער די שרייבערס זענען...

 פארוואס שרייב איך דאס, ווייל איך האב ליידער יא אביסל אריינגעקוקט, אגב כ'קען זאגן זיי זענען היבשע עמי הארצים אדער סתם פוילע ארבעטערס.. זיי ברענגן פילע מקורות איבערן חרם דרבינו תם וכו' חומר הענין מסדר קידושין זיין שלא ברשות המרא דאתרא וכו' קהלות נפרדות וכו' אבער זיי האבן געטון א האלבע ארבעט ס'נאך דא אסאך מער מקורות ווי וויפל זיי זענען מעתיק, זעט אויס זיי זענען שוין געווארן מיעד צו זיצן אזוי לאנג אויף גוג"ל און האבן זיך אפגעשטעלט אינמיטן די ארבעט,

 אבער אינטערסאנט איין מקור וואס זיי האבן נישט געטראפן אויף גוג"ל, אז כתבי ידות וואס זענען געשריבן געווארן העכער די שמונים האט נישט קיין תוקף מה"ת, אויף דעם האבן זיי שוין געמוזט נוצן א אייגענע "לאגישע" טענה אן קיין מקור

כ'וועל נישט מאריך זיין ווייל כ'ווייס ווי ביי וועלעכן שקר אנצוהייבן כ'וועל אנכאפן א דוגמא, צווישן די פיטפיטים שרייבן זיי א חידוש פון א שקר, "אין משך פון די 25 יאר האבן די נפרדין קיינמאל נישט גערופן די הנהגה צו די"ת!!  .... איך ווייס נישט צו אין די איירופישע שטעט ווי מ'האט זיך אפגעטיילט בהיתר נאכן וואס זיי האבן זיך נישט געוואלט שטעלן צו די"ת אויב זיי האבן אזופיל פארלאנגט ווי ר' שמעון ווייס מיט ר' אליעזר הארפענעס ע"ה צוזאמען מיט בני יואל האבן געהאלטן אין איין בעטן מ'זאל למען השלום קומען צו זבל"א און אויפהערן די רדיפות און מחלוקת, און יעצט קומט מען מיט א טריקנקייט אז מ'האט קיינמאל נישט גערופן צו די"ת!!

 אויב טול קורה מבין עיניך, וויל איך פרעגן ווער נאך ווי ענק האט געעפענט אייגענע קהילות און בתי מדרשים באתרא דמר, ווער האט מתיר געווען צו מאכן א אייגענע ביהמ"ד מיט א אייגענע סאטמארע רב אין מאנסי? ווער האט מתיר געווען צו מאכן אייגענע מוסדות אין ירושלים? ווער האט מתיר געווען צו עפענען אייגענע בית המדרש אין מאנטרעאל? אייגענע ת"ת אין לאנדאן? אייגענע בית רחל אין אנטווערפן? האבן זיי געשיקט איין הזמנה פאר זיי האבן דארט געמאכט שבת פאר זיך??

 איין זאך איז מיר געפאלן וואס זיי שרייבן אנהייב אז, זיי גייען עניוועיס גארנישט אויפטוען מיט דעם בירור.. און איך שטום צו צו דעם אז שקר אין לו רגלים און ס'איז אינם נתקבלין על הלב, מ'וועט פאלגן די דעת תורה פון רוב סאטמארע דיינים און נישט די דעת תור"א פון 774-4040EXT150

איך וויל דא רעדען פין די אלע בריווען אין קינטרסים וואס זענען אנגעקימען פאר יום טוב פין די כת השקרנים העולמי פין קרית יואל איבער דעם קידושין
איך קען נישט אויף הערען צי לאכען פינעם ארויסגעבער דארטען ווי ער ברענגט ארויס בטוב טעם ודעת ווי דער ברך משה האט געקאלעכט אין אדער ווי אזוי ער שרייבט עס דארט
אז ער איז געווען אין א מצב אז ער אליינס האט געוויסט אז ער גייט שוין אגאנג ער ווערט שוין צימישט האט ער שנעל געלאזט וויסען פאר דעם ציבעלע וואס זיין מיינונג איז אין מיט דעם האט ער געוואלט ראטעווען סאטמער
עס איז אביסעל אינטרעסאנט אריינציגיין אין די ווערטער דארט אין זען וואס דא האט פאסירט.
קודם אלץ א בני יואל איז דא דא א ריזיגע גאווינס פשוט זיי קיקען זיך צי ווי דער בענאק פין מאנרוי וואס זיי האבען אלע געשריגען אז ער איז א מחוצף האט דא ארויסגעוויזען פאר יעדעם וואס ער האלט באמת
דער טאטע האט אוועק געקאלעכט
עס קען לויט זיי נישט ווערען בעסער ארויסגעברענגט
אין דא זענען זיי די גרעסטע געווינער ווייל זיי האט מען אלע יארען אויסגעלערענט איין זאך נישט יענעם שעלטען אין פאר שעמען
אבער דא האט דער אייגענער זין דאס פיין מפרסם געווען דעריבער זאגען מיר זיי א גרויסען ישר כח

אין לאמיר גיין א סטעפ ווייטער
ווער האט געאסרט די בני יואל
לויט זיי די בי"ד הגדול
ווי אלט זענען אלע געווען דארט
אינז ווער מיר געוואר א נייע הלכה אז העכער די אכציג קאן מען נישט זאגען קיין מיינינג
אין אויב יא האט עס נישט קיין שום קראפט
אויב אזוי פארוואס זענעם די בני יואל געאסערט דארעך די הייליגסטע בי"ד פין מינחת יצחק
עס איז דאך פאר יעדעם באקאנט וואספארא מצב ער איז געווען דאמאלטס ווען ער האט אינטער געשריבען אין ווער רעדט נאך פין דעם וואס ער איז געשטארבען גלייך דערנאך
אין זיין געטרייער גבאי אין משרת זאגט אויך אז ער איז בכלל נישט דא געווען אין ער האט ניטאמאל געוויסט וואס עס טיט זיך מיט עם
פארוואס דא ווערט עס יא גערעכענט אין דארט נישט
לאמיר אלע א דריי טין מיט די פינגערס אזוי ווי שבכל הלילות
מיטען נייעם ענטפער הא לן והא להו
דאס איז מן הסתם די בעסטער ענטפער וואס די חלה דעקעלעך האבען געקענט אויסטרעפין זייט פארמעגליך האט זיי געשטעלט אין פלאץ.  
יעצט לאמיר גיין מיט ר' משה אריה פריינד אין איך וויל וויסען פינעם קליגען שרייבער דארט אדער ווער עס קען מיר זאגען פארוואס נאך דעם וואס  ער האט אינטערגעשריבען די מעכטיגע איסור וואס ענק טראמפעטירען ארום אין זיין נאמען האט ער אנגעריפען ר' זלמן לייב וואלדמאן ער זאל ברענגען דעם רבין'ס מנורה קיין ארץ ישראל ווען ער האט שוין געהאט זיינע קינדער אין די בני יואל תלמוד תורה
וואס קען זיין ווער קאן מיר ענטפערען דא.
ווי אזוי האט ער געמעגט רעדין מיט איינעם וואס איז טאקע א מעמבער אין אזא מוסד
די קשיא איז ממש מרפסין איגרא
יעצט ווייטער.
 עפעס א פרישע הלכה
אויב איז דער דיין נישט פין דעם שטאט דעמאלט טאר ער נישט אריינרעדין אין יענעם שטאט.
 לכאורה א גאנץ געשמאקע זאך דא פאר די גאנצע ארוינישע באהערדע
אבער איין מינוט
איך קיק שוין איבער דעם לעטער העד הינדרעט אין איין מאל אין איך זעה עיר הקודש ירשלים נישט מער אין נישט וויניגער.  ווייסט איינער ווי אזוי זיי האבען זיך יא געמעגט אריינמישען אין קרית יואל .ווען מעג מען יא אין ווען נישט

אפשר מיינסטו גאר דעם בריוו פון די עדה החרדית: