ברוך דיין האמת: הרה"ח ר' בן ציון דאווידאוויטש ז"ל

קהל יטב לב און ירושלים וועט שרייבן א ס"ת לעילו נשמתו ווי עס וועט אריינגעפירט ווערן און בית מדרשינו "ברך משה" ברוב פאר והדר ווי די נפטר איז געווען א מתפלל

נעכטן נאכט באפאר די לוויה און ירושלים האט משה פריעדמאן געטראכט אז דא א געלעגנהייט צו נקמה נעמען איבער די קול מלחמה במחנה וואס קומט פאר און די גאנצע וועלט איבער די שרעקליכקייט פון גיין און ערכאות און בג"ץ הציוני. און האט אנגעקאלט איינע פון זיינע שיק יונגלעך גדליה פויגל אז ער זאל זעען אז הגה"צ רבי משה טייטלבוים שליט"א דומ"ץ דקהילותינו און ירושלים און הגה"צ רבי חיים צבי מייזליש שליט"א ראש ישיבת סאטמאר בני ברק וועלכע זענען געווען באמת ידידים און חברים פונעם נפטר ע"ה אלע יארן זאלן בשום אופן נישט מספיד זיין ביי די לוויה און ביהמ"ד אוהל רחל. נאך א טלעפאנישע שמועס פון הגה"צ רבי חיים צבי מייזליש שליט"א מיט הגה"צ רבי משה טייטלבוים שליט"א איז מוחלט געווארן אז מפני כבוד הנפטר עס זאל ח"ו נישט צושטערט ווערן די לוויה וועט די לוויה ארויס גיין פון בית הלוויות שמגר און עס וועט אריבער גיין פון ביהמ"ד אהל רחל וועלכע איז אויפן וועג צו  הר הזיתים.
די לוויה איז טאקע ארויס פון שמגר ווי עס האבן זיך באטייליגט הונדערטער אידן חברים און ידידים פונעם נפטר ע"ה און עס האבן מספיד געווען הגה"צ דומ"ץ דקהילותינו פון ירושלים און הגה"צ ראש ישיבותינו און בני ברק פון דארט איז די לוויה ארויס אויף הר הזיתים און נעבן ביהמ"ד אהל רחל און די שפעטערע נאכט שעות האבן נאך עטליכע מספיד געווען (פארשטייט זיך א אויסגעוועלט רשימה פון משה פריעדמאן..)