אזוי ווי לעצטנס איז נפרץ געווארן דער ענין איסור חמור פון מסדר קידושין זיין אין גלילות פון קרית יואל בלי רשות המרא דאתרא, און טראץ די אלע מיטלען דאס אפצושטעלן גייען די פורצים נאך אלץ אן מיט זייער פירצה.
און אפי' נאכן גרינדן דעם "וועד למשמרת הדת" וואס האט פרובירט מיט אלע מיטלען אויפצוקלערן דעם עולם אז דער ענין איז נישט קיין פלוטיק שפיל, און אפי' נאכן מפרסם זיין די נעמען און אריינשרייבן אין פנקס, האט דאס נאך אלץ נישט געהאלפן.
ע"כ נאך אן אסיפת אקרו"ט נעכטן נאכט מיט די באטייליגונג פון די ראשי הקהילה ודיני הקהילה, איז באשלאסן געווארן אז כדי אכטונג צו געבן אויף די קדושת ישראל אין די שפעטערע דורות, וואס מענטשן וועלן נישט קענען דאס נאכגיין צוליב וואס עס וועט זיין צופיל משפחות.
איז באשלאסן געווארן צו גרינדן א נייער וועד מיטן נאמען "וועד לקדושת ישראל", וואס וועט אי"ה פאר יעדע חתונה אריינגיין אל הקודש פנימה, און נעמען רשות אז מען זאל קענען מסדר זיין די קידושין בהיתר, פארשטייט זיך אז אויב משום איזה סיבה וועט אמאל נישט געגעבן ווערן קיין רשות, וועט מען דאס איבערגעבן פארן "וועד למשמרת הדת" אז זיי זאלן דאס פארשרייבן אינעם פנקס.
פאלגט נאך ווייטערדיגע מעלדונגען, וועלכע חתונה עס האט באקומען רשות.
נ.ב. פארשטייט זיך אז א חתונה ווי עס איז דא רשות, מעג מען יא גיין אפי' מען האט געהאט אינטערגעשריבן די "קבלה טובה". אויסער די וואס זענען זיך מחמיר בכלל נישט אריינצוטרעטן אויף אזא מקום ווי מען האט מצער געווען רבינו שליט"א, וד"ל
