אימגלויבליך! אימגלויבליך! עס איז נישט צום גלויבן וואס עס קומט דא פאהר. עס קומען פאהר אין ארץ ישראל שוידערליכע פאסירונגען, די גאנצע ממשלה האט זיך פאראייניגט און ענדגילטיג באשלאסן אז (צוליב די פרעשור פון די לינקע אז זיי זענען צו איידל צו די חרדים) אז מען גייט טוהן די שוידערליכע און אויסרייסן די קברי הקדמונים און גארנישט וועט זיי נישט קענען אפהאלטן דערפון. נישט די פראטעסטן און נישט קיין פאליטישע דרוק, זיי גייען זיך בשו״א נישט ברעכן. זיי האבן איינגעשפאנט צו די ארבעט די גאנצע פאליציי קראפט פון די נידעריג ראנגיקע אפיצירען ביז די אכזרישע יס״ם און טאקע מיט בערך 2-3 וואכן צוריק האט זיך אנגעהויבן די ארבעט ליידער מיט א היבשע ערפאלג. די ביה״ח און אשקלון האט מען מער ווייניגער בעהו״ר אינגאנצן אויסגעריסן און און יפו איז די מצב נישט צופיל בעסער. די פאליציי האט געטון זייער ארבעט מער ווייניגער ווי מען האט זיי געהייסן און נאך פיל ערגער, עס לאזט זיך נישט גלייבן ווען מען זעהט די בילדער אז דאס קען קען פאסירן אין אן אזוי גערופענעם דעמאקראטיש לאנד. אונזערע ברודער און ארצינו הקדושה אחים לדעה כאפן טעגליך מערדערליכע קלעפ ואין פוצה פה ומצפצף ליידער.
און אמעריקע האט זיך צוביסלעך אריבער געכאפט די טומל און אויפברויז און די חרדישע גאס. רבינו שליט״א האט פאררופן א מאסן פיקעטינג און א טאג דערויף האט התאחדות פאררופן א פיקעטינג, און דער ציבור איז ביסלעכווייז געווארן ווארימער און ווארימער צו די מערכה, פארגאנגענע וואך האט מען אנגעהויבן איינזעהן אז די איינגעהאלטענע מערכה ברענגט נישט קיין רעזולטאטן נאר אדרבה די ארכעלאגן האבן זיך אנגעהויבן גרייטן צו גראבן אין נאך פלעצער און די מצב האט נישט אויסגעקוקט גוט. דאן האט מען אנגעהויבן צו רעדן פון א מאסן דעמאנסטראציע ארויסצוברענגען דעם וויי געשריי פון די יהדות הגולה, פארגאנגענע וואך דאנערשטיג האט רבינו שליט״א פולקאם באשטעטיגט אז מען גייט ארויסגיין קיין מאנהעטן פראטעסטירן דעם מאנטיג, נאך יענעם נאכט האט מען אנגעהויבן די פיבערהאפטיגע הכנות ווי פלאקאטן וכדו׳ אנציווארעמען דעם ציבור ארויסצוקומען. פרייטאג צופרי האט מען שוין געהערט אז די צד שכנגד האט אנגעהויבן מיט זייערע מעשי נבלה און אראפגעריסן רוב סיינס און געכאפט ווידיאו פון אומשילדיגע בחורים. אבער וויבאלד פרייטאג האבן זיי באשלאסן אז זיי קענען נישט בלייבן הונטערשטעליג און פארעפענטליכט אז זיי פאררופן אויך א פראטעסט (טריפ) קיין וואשינגטאן די סי זענען זיי געווארן פארנומען מיט זייער פראטעסט און ביזדערווייל איז דער היימישער ציבור אנשי שלומינו געווארן מער און מער אנגעווארעמט און מען האט אנגעהויבן שפירן און די ליפט אז עס רעדט זיך פון א ערנסטע מאסיווע פראטעסט, די פלאקאטן האבן גערעדט ווערטער און דער מצב איז געווארן הייסער.
און די זעלבע צייט האבן די זאליס אנגעהויבן צו שפירן ווי זיי פארלירן די מלחמה, דער אריגינעלער סאטמארע ציבור וועט ארויסגיין אין די מאסן אויפן רוף פון זייער רבין און מנהיג רוחני, און א טאג דערויף וועלן זיי מוזן אויסצאלן פרייע טיקעטס מיט סענדוויטשעס און דרינקס (כדרכם בקודש) אז די פאר ראציגע בחורלעך און יונגעלייטלעך זאלן ארויספארן קיין וואשינגטאן, און זעענדיג ווי דער מצב ווערט נאר שוואכער און שוואכער האט מען שוין זונטאג נאכט אנגעהויבן הערן קלאנגען אז זייער פראטעסט ווערט אפגערופן צוליב די גאר שוואכע אינטערעסע און ביטערע קאסטן, אבער זיי האבן דאך גיווארט אויף א געלעגענהייט צו קענען אנגעבן א סיבה פארוואס זיי זענען עס מבטל זיין, און טאקע צו זייער מזל האט זיך מדינת ישראל פארטשעפעט מיט די אראבער מאנטיג אינדערפרי און רעזולטאט פון דעם האט דער עוכר ישראל ביבי געקענסעלט זיין טריפ קיין וואשינגטאן און א שעה דערויף האט HQ טאקע געשיקט א מעסעדש אז די פראטעסט איז אפגערופן! פארוואס? נישט ווייל דער ביבי קומט נישט! נע בכלל נישט פאר דעם, ווארום מיט די סיבה וועט מען דאך נישט האבן מיט וואס צו שטויסן און צימבלען זייערע דם שונאים.. נאר וואס דען?? עפעס א סיבה מוז מען דאך געבן פאר די פארווייטאגטע קינדער און די כוללים און ישיבות, (וועלכע זענען נאך טיף פארווייטאגט און נאך אלץ נישט מוחל זייער דורכפאל פון די נסיעה קיין איזראעל און די נעילת החג דורכפאל) זענען די חברה אויפגעקומען מיט א באמבע, אז רביה״ק האט נישט געלאזט גיין פראטעסטירן און א שעת מלחמה צוזאמען מיט די אראבערס. איי ווער רעדט דא פון א מלחמה? סך הכל רעדט מען דא פון א טפשות/רשעות׳דיגע אקט וואס די ציונים האבן געטון און אויפגעברויזט די אראבישע וועלט, אבער די ארכי רשעים וואס זייער גאנצע קאפ לויפט נאר אויף איין זאך וויאזוי מען מען קען מצער זיין און צאפן דאס בלוט פון רבינו שליט״א האבן געמאכט דעם חשבון אז מיט דעם תירוץ וועלן זיי קארנערן דעם סאטמאר רבי׳ן אז ער וועט אויך מוזן אפרופן זיין מאסן דעמאנסטראציע, אבער חכם עדיף מנביא און דער רבי שליט״א האט זיך תיכף צוזאמגעזעצט מיט דייני קהלתינו שליט״א און באשלאסן אז צוליב די סיבות קען די פראטעסט נאך אלץ אנגיין וויבאלד עס איז דאך נישט קיין שעת מלחמה, און בנוגע דעם ענין פון די אראבער (אויב מען וועט וועלן פארגלייכן) וועט מען אויסרוופן ברוב עם אז מיר זענען דא פאר גאנץ א צווייטע סיבה, און די זעלבע זאך וועט מען אנזאגן פאר די פרעסע און אלעס וועט זיין בסדר, און נאכדערצו ווען מען האט געהערט אז די ראשי הממשלה האבן זיך פארבינדן מיט מרן הגאב״ד שליט״א און געבעטן בכל לשון של בקשה אז מען זאל מבטל זיין דעם דעמאנסטראציע צוליב די שרעקליכע בזיונות וואס זיי האבן שוין געהאט אין די וועלט יענעם טאג און נאך דאס האט זיי אויסגעפעלט אז אזויפיל טויזנטער יודן זאלן ארויסקומען און די גאסן פון מאנהעטען דאס האט נאר געמאכט שטערקער דעם באשלוס יא צו גיין, און... דאס איבעריגע איז היסטאריע, טויזנטער און טויזנטער יודן האבן פארפלייצט גאנצע שטרעקעס פון בלאקן אין מאנהעטען, דער קידוש השם איז געווען געוואלדיג, דער ווארעמקייט ביים ציבור, דער הערליכער ערענסטער אויבן-אן, (יא! מען דארף אויסדריקליך נישט זיין קיין פארקויפטער נגיעות׳דיגער רב צו הייסן א שיינע/עהרליכע יוד) די גאר תוכנ׳דיגע פראגראם און דרשנים, דער ארגענאזירטער סיסטעם ארויסצוברענגען דעם מעסעדש פאר די גויאישע פארבייגייער און די אלגעמיינע פרעסע, די טייערע בחורים מיט די זעק און ארונות אין די הענט, די קלוגע בייפאל פון די ריזיגע סקרין האט געהאט א שטארקע אפקלאנג, בקיצור א מעכטיג ארגאנאזירטער פראטעסט מיט אלע קליפערלעך, איבערשטייגענדוג אלע פריערדיגע פראטעסטן בכמות ובאייכות! דער גירה בעינא דשיטנא איז אנגעקומען פונקטליך ווי עס האט געדארפט, די ציונים למיניהם האבן פארשטאנען דעם מעסעדש און אויף דערווייל אפגעשטעלט די גרובינגען.
נו, וואלט דאך אלע שלומי אמוני ישראל געדארפט זיין העכסט צופרידן. ניין?? א געלונגענע מאסיווע פראטעסט, די אפקלאנג איז געווען מורה׳דיג און די גויאישע און און די יודישע גאס, דא קומט אבער די גרויסע אבער..
אבער די אלט בארימטע מחרחרי ריב האבן זיך געטראפן דא אין א שרעקליכע דילעמא, הלמאי עס איז געווען א אויסטערליש סוקסעספולע דעמאנסטראציע מיט טויזנטער באטייליגטע און זיי די (זעלבסט דערקלערטע) פיהרער פון די מערכה אקעגן ציונות זענען ״גענצליך״ ארויסגעלאזט געווארן פון בילד אויף א פארנעם ווי קיינמאל בעפאר, און זיי האבן טאקע תיכף און זעלבן טאג אנגעהויבן א שענדליכן ליצנות און העצע אקציע אקעגן דעם געלונגענעם פראטעסט. עס איז נישט אינטערעסאנט דא אראפצוברענגען די אלע משכיל׳ישע ליצנותער, וואס הצד השוה שבהן אז די ציהל איז איין זאך: אפצוחוזקן פון א דעמענסטראציע. א דעמענסטראציע קעגן וועם?? אקעגן די צ-י-ו-נ-י-ם! יא! טויזנטער יודן זענען ארויס קיין מאנהעטן מיט איין ציהל. צו מוחה אקעגן די שרעקליכע מעשה נבלה פון די ציונים, און ווער חוזקט אפ? דער אגודיסט? דער מזרחיסט? דער אלטער אמעריקאנער? ניין ניין! עס חוזק׳ן אפ אונזערע ברודער (געוועזענע) אחים לדעה, געזיצן צידריקטערהייט צוזאמען ביים רבין ז״ל׳ס טיש! געלערענט און די זעלבע מוסדות! געהערט צוזאמען די שטורמישע שלש סעודות תורות און אלטן ביהמ״ד! און פארוואס חוזקט ער אפ? אה ווייל דער וואס האט פאררופן דעם פראטעסט טאר לשיטתו נישט זיין סאטמאר רבי, ער ווייסט שוין אליינס נישט פונקטליך פארוואס ער טאר נישט זיין, אבער ער טאר נישט!
היינט דאנערשטיג קומט ארויס דער איד און ער שרייבט. וואס שרייבט ער? פארוואס שרייבט ער? ביסט פארווייטאגט? שטארק פארווייטאגט, הא? אבער פארוואס שרייבסטו בכלל? פון וועמען מאכסטו דא חוזק? פון די באטייליגטע ביים פראטעסט מאכסטו נישט חוזק, זיי האבן זיך בכלל נישט וואס צו שעמען! זיי זענען העכסט צופרידן ברוך השם, זיי פילן פאר א זכיה זיך צו זיין פון די באטייליגטע ביי אזא סוקסעספולע מעמד קידוש השם. מאכסט חוזק פון די ארגאנאזירער? ניין! פון זיי מאכסטו אויך נישט חוזק, זיי זענען העכסט צופרידן ב״ה. זיי האבן זיך בכלל נישט גערישט אויף אזא הילכיגן פראטעסט! זיי האבן נישט גע׳חשבונט אז מ׳וועט דארפן דינגען נאך באסעס פון פרעמדע פירמעס ווען די היימישע מאנראו/מאנסי באס פירמעס האבן נישט געקענט נאכקומען דעם אויסטערלישן פארלאנג, זיי האבן אויך נישט גע׳חשבונט אז די פאליציי וועט דארפן האלטן אין איין עפענען נאך און נאך גאסן צוליב די איבערפלוס פון מענטשן פשוטו כמשמעו. פון וועמען דען מאכסטו חוזק?? דער תירוץ אויף דעם איז: די מאכסט חוזק פון דיר, פון דיין פיהרער, און בעיקר פון די שולדיגע/אומשילדיגע נאכשלעפערס וואס משום איזה סיבה שהוא האבן זיי באשלאסן נאכצוטאנצן דיין פארטיי, זיי ווארטן א גאנצע וואך אויפן איד ער זאל זיי אביסל טרייסטן און אביסל בארוהיגן די שווערע שאקירנדע דורכפעלער וואס די פארטיי גייט לעצטנס דורך מבית ומבחוץ, פון זיי האסטו היינט חוזק געמאכט!! וואס זאלן זיי טראכטן ווען זיי ליינען אין איד אז קרוב צו טויזנט אידן האבן זיך באטייליגט און די זעלבע צייט וואס אלע בילדער און אנאליזירער און דער פאקט אליין זאגט א מינומים 15-20 פאכיגן נומער. זיי פילן זיך ווי צוויי סענט און זיי טראכטן צו זיך ״אין דעם צייטונג לייג איך א גאנצע וואך מיין האפענונג אז ער וועט מיך מחזק זיין? איז דען נישט אלע זיינע העצערישע געמיינע שנאת תלמוד חכם ומנהיג ישראל ארטיקלען די זעלבע אמת ווי דער נארישער באריכט אז קרוב צו טויזנט אידן האבן קוים אנגעפילט איין בלאק?״ וואס קענסטו זיי ענטפערן אויף דעם? וואלסט אפשר געקענט באשטיין עס זאל אזוי זיין, אבער די מציאות פאטשט דאך אין פנים! איז דיר טאקע נישט געווען גענוג די אויפשאלקעלדיגע ליצנות און די גאנצע וועלט ווען די האסט געשריבן אז פון 3 ביז 10.0000 אידן האבן זיך באטייליגט ביי די היסטארישע סאטמארע חתונה ר״ח חשון תשס״ג און ניו יארק סטעיט ארמארי?
מען קען נאך שרייבן א וועלט איבער דעם נושא אבער די צייט ערלויבט שוין נישט. ווער עס קען זאל ביטע ממשיך זיין
 |
|
|
