האט זיך דאס געלוינט?
איך הייב אן מיט די נוסח פין נעקי פין מהרזל''ס פארום
האט זיך דאס געלוינט? לדעתי נישט!
איך וויל בשום אין אופן נישט אריינגיין אינם זינלאזען וויכוח, ביז יא א אהרויני ביסט נישט א אהרויני, איך גיי בשום אופן נישט ענטפערן אויף די סארט שיטה. איך גיי זיך באציען נאר צו די נקודות אין פאקטן ארום מיין עצם דיסקאשען. איך בעט די מנהלים זאלן שטיין וואך און מיר העלפן האלטן די דעם אשכול אויף די רעלסן.
אמת אז עס זענען שוין דא אפאר אשכולות איבער דעם נושא, אבער עס איז נאך נישט דא קיין איין אשכול וואס גייט באהאנדלען די נושא פון מיין פוינט-אפ-וויוא.
יעדער וואס ווייסט אפילו נאר אביסל וואס דא גייט פאר (איך רעד נישט פון די וואס קויפן לאקשן, פון ביידע צדדים)
עכ''ל
קודם א שטיקעל הקדמה פין טרוקענע פאקטען וואס יעדער קען זיך איבערצייגן
אין וואס יעדער האט געקענט ''זעהן'' (נישט שרייבן אדער ליינען)
איך בין נישט קיין שרייבער אין אוודאי נישט אזעלכע לאנגע ארטיקעלן, אבער כ'וועל פראבירן מ'זאל פארשטיין וואס איך וויל ארויסברענגן
אויב די איבערקערניש האט פארמינערט די כבוד פין מהר''א צו נישט, דאס וועל איך נישט יעצט אריינגיין אויף די מיניט
קיין שום מוסד אדער ארגענעזאציע האט נישט גענומען פאראנטפארטליכקייט פין די פארזאמלונג
קיין שום האט דעת תורה האט נישט אפיציעל געהייסען גיין שרייען
אין אוודאי איז קיין איינס פין די שרייער פין צד מהרז''ל זענען נישט געווען פאריגע וואך ביי די גרויסע פראטעסט אין מאנהעטן קעגן חיטוטי שוכבי פין די רשעי הציונים
די פראטעסט איז באשטאנען מער ווייניגער פין קינדער אין בחורים אין העכססטענס יונגעלייט ביז 25 יאר, עס איז זעלטן געווען צו זעהן איינעם העכער 25
די פלאץ וואס איז מ'איז געשטאנען איז געווען מאקסימום 2 אדער 3 הייזער אריין פין לי עוו' אין פין דארט איז געווען נאר באריקאדעס, אין נאר היץ קעפ פין צד מהר''א האבען זיך דארט געדרייט
די שרייער אין ציריק שרייער זענען געווען קאנצעטרירט אינמיטן ראוד אויף די קארגע 2 לעינס ווי די קארס פארען
אויפן סיידוואק – פין ווי מ'האט בעיקר נאר ציגעקוקט איז איף די זייט צו הופער געווען רובא דרובא צד מהרז''ל ,אין אויף די זייט פין פען איז געווען רובא דרובא צד מהר''א, אין ציקוקער אין בילדער כאפער אריינגמישט ביי ביידע זייטן,
אויף ביידע זייטן פין די גאס זענען קארס געווען געפארקט אויף ביידע זייטען געהעריג
אויף די זייט צו בעדפארד איז אויך געווען אפגעשפארט אבער דארט זענען נישט געווען קיין שום מהימות, דארט איז אינדיג פין צד מהר''א געשטאנען מיט די פאליציי איז געזאגט וועם מ'זאל אריינלאזען
בעיקר שכנים, אדער באזוכער ביי מהר''א
עס זענען ארעסטירט געווארען 2 מענטשן פין צד מהר''זל דורך די פאליציי, אויף זייער {די פאליציי'ס} אייגענע האנט
עס זענען נישט פארגעקומען קיין שום געשלעגן (כ'רעדט נישט פין א שטופ אהער אדער אהין) חוץ אין איין פאל פין א יונגערמאן וואס איז אנגעקומען אויף יוז סט' ביז סיגוט, וואס ער האט געטוהן דארט איז מיר נישט באקאנט, אבער דערווייל האבען ליידער מענטשן פין ביידע צדדים געפרעסט טשארזשעס
הצלה אין פייער לעשער זענען עטליכע מאל גערופן געווארען צו פארשטעקערן די מהימות אדער צו פארטרייבן די פארזאמעלטע, אבער האבען למעשה גארנישט געהאט קיין ארבעט דארט ב''ה
ביי מהר''א אין שטוב איז אנגעגאנגען אלעס ווי געהעריג, צענדליגע יונגעלייט זענען געקומט ברענגן 1800 דאללער פין די מקוה טהרה, אין אסאך מענטשן צווישען זיי רבנים אין ת''ח זענען געקומען באזוכען ביז שפעט אין די נאכט, מהר''א האט גענדיגט געזעגנן ווי וועכענטליך ביז ארום חצות– אין ווער ער איז אהיימגעפארען קיין ק''י איז נישטעמאל געווען קיין באריקעידס אויף די גאס (זיין איידעם האט נעכטן געשלאסען א שידוך מיט טשאקערע רב הרה''ג ר' זלמן ה''ש, אין ער איז געווען אין א גיטע שטומינג)
די פאליציי וועלכע זענען געברענגט געווארען דורך צד מהר''א זענען געווען גיט ארגענעזירט אפי' זיי זענען נישט געווען אזוי סאך אין צאל, אבער האבען אפגעכאפט די גאנצע איבערקערנישט אויף ווידיא, אין האבען שפטעטער אנגצינדען גרויסע פראזשעקטער אין ליכטיג געמאכט די גאנצע ארום, וואס האט אסאך בחורים אין די יארען פארשיקט אדער איינגשטילט
ארום 12 אזייער האט די פאליציי געזאגט אז מ'זאל אנהייבן זיך ציגיין אין ווער נישט וועט ווערן ארעסטירט, אין פארשטייט זיך אז די גאס איז ליידיג געווארען
דאס אז זענען אלע טרוקענע פאקטן וואס יעדער האט געקענט ''זעהן'' אין איך האב עס קראנט באשטעטיגט פין ערוואקסענע באטייליגטע אין ציקוקער פין ביידע צדדים
--------
יעצט צום ענין
ווי באקאנט טענה'ן צד מהז''ל שוין לאנגע יארען אז אין קרית יואל ספעציעל אין ישיבה ערציט מען די בחורים מיט שטארקע עזות אין מ'איז מחזק דארט געשלעגן - די טענה באציט זיך ביז די פרשה פין בני יואל, וואס צד מהר''א ווייזט קלאר אויף אז דעמאלטס איז משה גבאי געווען בעל הבית – איך וויל יעצט נישט אריינגיין אין דעם
די מציאות איז פאקטיש, אז פין די בחורים אין קרית יואל האט מען די לעצטע פאר יאר נישט געהערט קיין שום ספעציעל ווילדע אקטען, כאטש מ'האט טענות גערעכטע צו אימגערעכטע שריט אויף די פאבליק סעיפטי אדער אויף אנדערע יחידים, אבער אויף די בחורים קענט מיר נישט אנווייזען א ''געמיינזאמע אקציע'' פין די גאנצע ישיבה קעגן סיי וועם
למעשה האט די נעכטיגע פרשה, געוויזען פאר די גאס ''ווי יעדער האט געזעהן'' אז דאס וואס צד מהרז''ל שרייט אז די בחורים פין ק''י טוהן, דאס ווערט אין איז פאקטיש געווארען געטוהן דורך זייער אייגענע יונגעלעך אין בחורים
איך ווייס נישט וויפיל בחורים פין ישיבה קטנה אין ישיבה גדולה פין צד מהרז''ל 'האבען געפעלט', אבער דאס האט יעדער געזעהן אז רוב באטייליטגע זענען געווען פין די ישיבות בנשיאת מהרז''ל
די אויפפירינג פין זיי, וועט יעדער קענען זעהן פין די קליפס וואס וועלן ארויסקומען - אויב וועט עס זיין צענזירט נאר אזווי די קליפס פין ק''י (ווייסט איינער פארוואס פינקט היינט נעמט אזוי לאנג ס'זאל ארויסקומען די קליפס?)
פארשטייט זיך ווי א שטארקע בושה דאס איז פאר צד מהרז''ל,
איר מיזט פארשטיין אז די גאס קוקט עס נישט אן וויאזוי איר ווילט מ'זאל עס אנקוקען אין אפי' ערנסטערע ביי צד מהרז''ל האבען זיך געשעמט צו אנדעפצירן אויפן פלאץ
איך האב געזעהן - בשעת איך בין דורךגעגאנגן ווי א בחור'ל פראבירט מסביר צו זיין פאר א דורךגייער אז זיי האבען ציגעמאכט די רעביצין'ס ביהמ''ד אפאר חדשים ציריק דורך א קאנטער קלעים, נאך לענגערע געשלעגן, אין יעצט האבען זיי אראפגעריסען די גאנצע סטעפס אין א סעפטיק טאנק, אין די פאבליק סעיפטי אין פאליצייי האט גאר זיי געוואטשט, אין יענער האט אים אנגעקוקט מיט אזא ווינדערדיג פנים, ענדיגעןדיג סוי ווי לערענען די אלע בחורים?
איר האלט אז מיט דעם אלעם האט זיך נאך געלוינט די מהימות?
אגב, איך רעדט שוין נישט דא פין די אחריות פין די ביטול תורה אין חילול ש''ש.
