זייט מיר מוחל!

שאק...טרויער...דאמאראליזאציע...היסטעריע...צומישעניש...פחד..א.א.וו. זענען נישט די פאסיגע אויסדרוקן צו באצייכענען דער שאקירנדע און אומערווארטעטע סיטואציע וועלכע האט זיך בייזוויליג און פארציקנד הונטערגערוקט אויף מיר.... וועמענס הענט זענען בליטיג פארשמירט......................

ס'איז אומבאשרייבליך....א היסטערישע צומישעניש הערשט אצינד ביי מיר מיט מיין קאמפיין וועלכע איך האב זיך אינטערגענומגען א שמוציגער קאמפיין פאר א וויילע צוריק, און אין לענגערע שילדערונגען אטאקירט, ארונטערגעריסן, און באזידלט, אויף א אומגלויבליכער פארנעם פארשידענע פערזענליכקייטן...

א גרופע וואס ביי איר שפיץ שטייען ארום פיר אנגעגעסענע-פארווייטאגטע יונגען... כמעט קיינער אין די זעלבע עלטער...יעדער מיט א ספעציעלע סיבה וואס זאל אים טרייבן צו דער וואנזיניגע און גרויליגע שריט...און נאך עטליכע יוגענטליכע וועלכע פירן אויס די געמיינע שליחות'ער, און נאך וועלכע געבו אנצוהערן זייערע הערות....ביזן לעצטן מוגה...און דערנאך צו די פריי... דאס אלעס שטייט אינטער מיינע געמיינע בליט טרינקענדע פעדער...

גאר ווערטפולע און טייערע שטאף געפינען זיך איצט אין אהרוינישע גוטע הענט... נאכדעם וואס דער סוף גנה לתלי' איז אפגעטייטשט געווארן אויף א פארנעם ווי קיינמאל בעפאר... גרונטליכע פארשונגען זענען אין פולן קראפט...געהיימניספולע אינפארמאציע פון רויטסטן סארט געפינען זיך אצינד אפן און אינטער געניטע אויגען...וויי א בראך..................אוי א געוויין...
 
א שווארצע רוח וועט איינהילן די שולדיגע אין דער 10 יעריגע הינער-פארטיי ווען דער היסטארישע אנטדעקונג וועט מיט די פילצאליגע סענסעטיווע און געהיימע פאקטן, בילדער, א.ד.ג. ארויסגיין אויף דער פריי, און פובלוצירט ווערן אין די עפענטליכקייט, קיינער, ניין קיינער קען אפילו נישט אפשאצן וויאזוי דער ברי' וועט רעאגירן צום אויפדעקונג....מיר די שולדיגע, די געטראפענע אינעם שווארצן גרופע קענען אצינד זיך נישט אויפפרישן ס'זכרון, און זיך דערמאנען....וואס נאך, וואס נישט...וויפיל....זענען אינטערגעפאלן אינטערן בייזן גורל...................

פרטים יבואו...........ימים ידברו......די אינטערנעמונגען, אינטענסיווע און פארזיכטיגע שריט גייען אן מיט דאס גרעסטע געדולט, און "סבלנות"... ביז צום לעצטן און ענדגילטיגען "הייליגע-מיסיע"...

עד כאן וואס דער אהרוינישען "אראבישען דמיון" מוח האט חשק

מכאן ואילך די טריקענע מציאות:

ווי איר זעט אלע האבן די אהרוינם שוין מצליח געווען צו כאפן דעם 39'סטער פארמעגליך... בערך יעדע 2-3 חדשים קומען זיי אויף מיט פרישע מעשיות און דמיונות אמאל איז פארמעגליך א "פישיגער" אמאל איז ער א "ביבער" ואין קץ לדברי רוח.

יעצט האבן די אהרוינים זיך א ווארף געגעבן אויף א אומשולדיגן אינגערמאן אים צוגענומען זיינע אויסגעטאפט זיינע טאשן און צוגענומען אלע זיינע פריוואטע חפצים אלס פארן חטא פון מאכן א בליד ביים דורכגעפאלענעם "הנחת אבן הפינה" פאר א לאנטש רום וואס די אהרוינם האבן געפראוועט אין שאטן פונם הערליכן הנחת אבן הפינה פארן נייעם גיאגנעטישן בית רחל, די אהרוינים האבן פאר אלע געלטער געדארפט מאכן זיכער אז בילדער זאלן נאר גענומען ווערן דורך קאנטרעלירטע קאמרעס כדי צו קענען צופיצן עטליכע הונדערט הוטן פאר די בילדער גייען ארויס אין פאבליק.

דער דערמאנטער אינגערמאן האט זיך גראדע געפינען בקרבת מקום פונם דורכגעפאלענעם אבן הפינה און געמאכט א פאר בלידער... די המשך איז אייך שוין אלע באקאנט ביז דער הויפט שלעגער האט גענדיגט מיט קייטלעך און ערווארט א טרייל אויף עטליכע הארבע קלאגעס.

איך וויל זיך נישט אריינלאזן אינם גאנצן סיפור הדברים איך וויל נאר בארירן וואס עס איז נוגע צו מיר.

איך האב קיין בלעק בערי "נישט" איך האב אזאנס אין מיין לעבן נישט געהאט, דעריבער האבן זיי מיין בלעק בערי נישט פארכאפט...

וזאת למודעי, די אהרוינים האבן פארשפראכן אז זיי האבן (צום 39'סטע מאל) געפאקט דעם "פארברעכער" און אויפגעבראכן דעם רינג... און איך פארשפרעך אנצוגיין ביתר שאת וביתר עוז...

סוף דבר ווענד איך זיך צו די אומשולדיגע באטראפענע, מיר האבן שוין א חלק איבערגעבעטן אינם עבר, עס דערנענטערט זיך שוין די ימי הרחמים והרצון (דאס וואס די אהרוינים רופן "ימים נוראים"). איך וויל איבערבעטן די אלע וואס ווערן גערודפט אלס פארמעגליך, אמת אז עס איז נישט מיין שולד, פארט קען זיין אז איך בין א שטיקל גורם אין ענקער פארגאסן בליט, דעריבער בעט איך אייך איר זאלט ארויסזאגן בפה מלא "מחול לך". ווער נאך ווי איר פארשטייט די וויכטיגקייט אראפצורייסן די פאלשע סבלנות שלייער פונם שופך דם העולמי?!