לכבוד די חשובע ליינער און סובסקרייבער שיחיו, פון איבער דער גארער וועלט,
איר האט אוודאי געוויס מיטגעהאלטן די וואך, אז מיר זענען אדורך גאהר טעכנישע פראבלעמען אין אונזער סיסטעם, וואס דאס האט געפירט דערצו אז מיר האבן נישט געקענט סערווירן אונזערע חשובע ליינער מיט די חומר אזוי ווי טאג טעגליך.
שווערע הארעוואניע איז אריינגעלייגט געווארן דורכאויס די וואך – און ווערט אצינד נאך אלס אריינגעלייגט, אז מיר זאלן אי"ה ווייטער קענען ממשיך זיין צו ברענגען פאר אייך נייעס'ן מודעות און בילדער אזוי ווי ביז אהער.
אעפ"כ – כאטשיק די סיבות זענען בכלל נישט געווען מצדינו, נאר אויסדריקליך טעכנישע פראבלעמען – שפירן מיר פאר א פליכט זיך צו אנטשולדיגן פאר אייך אז ס'איז למעשה אדורך אזאנע פאהר טאג, און דער שטאב פונעם מערכת ארבעטן זייער שווער און שוינען נישט קיין געלט, צייט און כח אז ס'זאל אינעם עתיד נישט פאסירן בעזהשי"ת.
אויך מוזן מיר מודה זיין, אז מיר האבן - אייך חשובע ליינער שיחיו – אונטערגעשאצט, מיר האבן נישט געוואוסט ביז אהער ווי ווייט דער ציבור ווארט אויף אונזער טעגליכע ארבעט און ווי ווייט מ'קוקט ארויס דערויף, און מיר האבן נישט איננאכט גענומען ביז היינט ווי שטארק די חשובע ליינער און סובסקרייבער שעצן אונזער גאהר שווערע ארבעט, ביז אצינד - וואס מיר האבן אריינבאקומעו אזויפיל בקשות און פארלאנגען ווייטער צו באקומען אונזערע אימעיל'ס.
ע"כ אין די געלעגנהייט פאדערן מיר און מיר בעהטן פון אייך, שוינט נישט קיין קאמענטארן, קאמפלענטארן און קאמפלימענטארן, נאר ווען איר האט עפעס הגהות טיילט דאס תיכף מיט מיט אונז כדי מיר זאלן אייך קענען בעסער סערווירן.
אויך ווילן מיר מודיע זיין אז מיר שיקן אצינד איבער אלע חומר פון די פארגאנגענע טעג וואס עס איז – צוליב די פראבלעמען – נישט אנגעקומען צו יעדן.
מיט דאנק און מיט האפענונג אויף אייער פארשטענדעניש
המערכת
◊◊◊◊◊◊◊◊
