דער פארשטאנד איז צו ארים, און דער שליסל-ברעט שפראכלאז, ווען מען ברויך רעדן פון אונטערברענגער פון כלל ישרא' בכלל, און עסקנות בפרט.
מיט א קוק אויף צוריק וואס די – אומגלויבליך אבער ליידער א פאקט – "אידישע" רוצחים מיט אומבאגרעניצטע רשעות קעגן כלל ישרא' אין אמעריקע האבן אלץ אפגעטון די לעצטע צוואנציג יאר, איז בעסער ווען מען פאנגט נישט אן צו רעדן, צוליב וואס שעה'ן לאנגע דרשות וועט דאס נישט קענען גענוג דעסקרייבן, און אוואדאי און אוודאי מיטן שרייב קראפט.
ווען דער באקאנטער שונא ישרא' האט מיט די גרעסטע מאס רשעות און רציחה באגאסן די מידיא סטאנציעס מיט כל ערליי בלבולים קעגן כלל ישרא', האט קיינער נישט גע'חלום'ט (אדער נישט גע'וואלט חלום'ען) ווי ווייט דאס וועט שאדן טון יעדן איד אין אמעריקע. אבער מיט א קליינעם בליק אויף צוריק זעהט זיך א שרעקליכער בילד: די צייטן וואס די חרדי'שע אידן זענען געווען פון די באגלייבסטע פערזאנען ביי יעדן גוי אין אמעריקע, אריינגערעכנט די רעגירונג אינסטאנצן אויף סיי וואס פאר שטאפל, האט זיך דאס רעדל ליידער גענצליך איבערגעדרייט, און מען ברויך נישט אראפברענגן קיין שום דוגמא ווי ווייט יענע גרויליגער "וואל סטריט דזשורנאל" ארטיקל האט אראפגעברענגט דעם רעספעקט פון יעדן איד עד דיוטה התחתונה ועד בכלל. יעדער קען פאר זיך אליינס אויסרעכענן גענוג פעלער זינט דאן ווי די אידן ווערן רח"ל געזעהן אלס די ארגסטע פארברעכער סיי ביים דזשורי און סיי ביי ריכטער אומעטום.
יעדער ווייסט פון דעם הלכה בידוע עשו שונא ליעקב, אבער קיינער רעדט זיך נישט איין אז די גוי'אישע שכנים ארום קרית יואל זענען 'פלוצים' געווארן אנגעגעסענע אנטי-קרית יואל אין די צייט וואס אין אמעריקא גייט קיינעם גענצילך נישט אן וואס א צווייטער טוט. ס'איז פאר קיינעם קיין סוד ווען די א.ד. רשעים האבן מיט אומבאגרעניצטע שנאה געשריבן גאר העסליכע ארטיקלען אינעם "רעקארד" קעגן קרית יואל בכלל ובפרט, אויף אזוי ווייט אז היינט צו טאג איז זייער שווער צו טרעפן א גוי אינעם געגענט וואס זאל נישט האבן א וויסטע שנאה צו יעדן איד.
אין א פרישן שטאפל אויסצורייסן די אויגן פון יעדן גוי ארום קרית יואל, און ארונטעררייסן יעדן פאלאטישאן וואס שטייט צו די הילף פון קרית יואל, האבן די זעלבע א.ד. בלוט-זויגער ארומגעשיקט א קארטל אויפן פאסט פון די שכנים ארום קרית יואל, אונטערן כלומר'שטען נאמען פון הרה"ח אברהם ווידער, אז ער בעט מען זאל 'ארויסהעלפן' די קאנדידאטן וואס העלפן קרית יואל, אריינגערעכנט סענעטאר ביל לארקין, וועלכער האט לויט זיי ארויסגעהאלפן קרית יואל אין פארשאפן 11.5 מיליאן דאלאר פארן אשת חיל בנין.
שומו שמים! אויב די שכנים זענען נאכנישט גענוג גרויסע 'פריינט' פאר קרית יואל, האבן די א.ד. אונטערברענגער נישט געדזשאלעוועט קיין געלט, און טוען דאס מאקסימום וואס מעגליך אונטערצוברענגן יעדן הילף וואס קרית יואל זאל נאר קענען באקומען, און זיכער מאכן אז די קנאה שנאת ישרא' זאל וואקסן ווי אויף הייווען.
קרית יואל איינוואוינער זענען מתפלל אז דער חילול השם זאל בעזהש"ת נישט האבן קיין שום אפעקט, ויסתמו פהם של שונאי ישראל בב"א.
אויב איינער האט דער פאשקעוויל זאל דאס ביטע אריינסקענען.
