דו שרייבסט אביסל צו צומישט, איך בין נישט קלאר וואס דו ברענגסט ארויס מיט דיין צווייטע העלפט תגובה

לאמיר דיר אבער ענטפערן קורץ אויף דעם חלק וואס איך האב יא פארשטאנען בהשקפה ראשונה

ווען ס'איז געווען א מערכה דא אין וויליאמסבורג אין די נ' יארן וועגן פלעסטיק אויף די שטריימל, איז געווען צדדים לכאן ולכאן, און יענץ קענסטו אפשר מדמה זיין אביסל צו קליווער גט למשל (נישט ממש ווייל ס'האט נישט געהאט מיט א מענטש פערזענליך אבער בערך)

אבער ווען א רב טוט א זאך, נישט לקולא, נאר גאר לחומרא, און ס'קומט א צווייטער, און נישט ער קומט ארויס מיט א תשובה אדער בירור להלכה אז דאס איז נישט גוט, נאר ער שטעלט זיך מיט צוויי גרויסע אויגן און זוכט צו כאפן יענעם ביי א גרייז וויפיל מאל ער קען (אין די צייט וואס די הנוהגים לקולא זענען גארנישט בעסער אפשר גאר ערגער) דאן קומט די מחלוקה מחמת טמטום הלב

פארשטאנען?

למען כבוד שוכני עפר פרוביר דיר נישט אריינצולייגן אין די היסטאריע אין קראלי אין מונקאטש, ווייל דאן וועסטו געוואר ווערן אז אפילו ווען אלע לה"ר קעגן רבינו שליט"א זאל זיין אמת קומט עס נאך נישט צו לקרסוליהם וואס מען האט דאן געטון, אביסל האב איך געהערט פון עזריאל גליק א יליד קראלי

_________________

If it's good marketed you'll buy it, but if it's real you'll FEEL it

איך ווייס נישט ווי דו באלאנגסט, און איין תגובה קוקט אויס אהער און איין תגובה קוקט אויס אהין, נישט קיין גרויסע נפק"מ, אבער לשבחך יאמר אז דיינע תגובות ווערן געשריבן צו די זאך, ווי א באזעסענער מענטש, וואס ווערט נישט אנגעהיצט פון יעדן שקר וואס ער הערט.

און מיין אויסברוך וואס איך האב פריער געשריבן, האב איך כלל נישט געמיינט דיר, ס'איז סך הכל געווען אויף די פאר יונגע (בלי ספק זענען זיי נאך בחורים) שרייבערס, וואס שרייבן מכל העולה על רוחם, ובפרט די לעצטע פאראגראף האב איך געקאפיט פון א אנדערע אשכול וואס איך האב געשריבן.

און איך זאג יעצט בתור הקדמה כללית אויב וועט נאך אויסקומען זיך צו טענה'ן אין דעם אשכול, ווען איך אטאקיר באופן כללי דעם צד וואס שרייען כל המשנה, מיין איך די וואס 'שרייען' כל המשנה, און נישט די וואס פרעגן, מען מעג פרעגן, מען מעג פרובירן אויסשמועסן בדרך שאלה ותשובה. און בדרך כלל מיין איך נישט דיר, ס'האט מיר פשוט וויי געטון ווי די אנדערע האבן געשריבן אין אנדערן פארום, און אנגעווייטאגטערהייט בין איך אריינגעקומען אין דעם פארום

יעצט א קורצן ענטפער, אונטער א באהאלטענער ניק קענסטו שרייבן אז דו ביסט העכער די פופציג און א פערזענליכער ידיד פון בני סיגעט, און געגעסן פלייש נאר וואס דו האסט געזען דעם שוחט וכו' וכו', קיינער קען דיר נישט איבערצייגן פארקערט, און אויב דיינע ווערטער זענען ליגנט איז עס אויך נישט דער גרעסטער ליגנט דא אויפן פארק, און דאס אלעס איז נישט מאסגעבנד ווי לאנג עס רעדט בן בלי שם.

איך קען דיר פונקט אזוי אראפלייגן אז איך בין מיטגעגאנגען מיטן רבין ז"ל צו די שחיטה תשי"ט אין מיעל מארט און די רבי האט געוויינט און פארפירט פארוואס מען מאכט נישט שחיטה מונחת (כ'מיין איך דארף נאר נעמען אביסל שימוש פון עזריאל גליק)

למעשה, לאז מיר רעדן צום פוינט און פאקטן

פאקט נומער 1) פון ווען עס איז געווען די קרית יואל'ע שחיטה פלייש (אויפן אופן ווי איך האב דערמאנט אויבן) האט מען נאר די פלייש גענוצט בבית רבינו

פאקט נומער 2) פון ווען ס'איז געווען די שערוריה מיט יחזקאל גליק האט דער רבי נישט אנגערירט קיין בשר בהמה, נאכמער, ביי די שבע ברכות פון נכדי הברך משה פלעגט מען אים צושטעלן א באזונדער טעלער טשאלנט. ער האט נישט געזאגט ס'איז טריפה, ובפרט נישט בו בזמן ווען זיין טאטע האט עס געגעסן, אבער ער האט געזאגט אז ער קען נישט נעמען אזא פלייש אין מויל, וואס ער ווייסט אז די שוחטים דערפון קענען זאגן ליגנט.

(אין א זייטיגע נאטיץ, איך וויל נישט דא פארפארן, אבער אויב כדבריך אז דו קענסט גוט דעם רבין וועסטו פארשטיין וואס דאס איז אזוי הארב ביי אים, און נישט אומזיסט האט דער ברך משה מעיד געווען אויף אים אז ער וועט נישט משנה זיין בדיבורו פאר כל חללי דעלמא, יא יא, אט דער סטעיטמענט וואס דער הייליגער דברי חיים האט געשריבן אויפן שינאווער רב, האט דער ברך משה געזאגט אויפן רבין, יעצט דער ברך משה איז דאך טריפה ביי ענק, לאמיר נעמען איינעם פון ענקערע גדולים, אין די אנהייב ל' יארן ווען רבינו שליט"א איז געווארן א מורה הוראה ביי התאחדות הרבנים און מען האט פארגעהאלטן ריח"מ פר"מ ביי וועם די רבי האט גענומען שימוש היתכן מען לאזט צו אזא יונגע מורה הוראה, האט ריח"מ געזאגט, איין זאך קען איך אייך זאגן, אויב וועט ער עפעס נישט וויסן וועט ער זיך נישט שעמען צו זאגן אז ער ווייסט נישט, און ברבים האט ריח"מ געזאגט ביי די הכתרה, ער האט שוקד געווען על דלתות התורה, געלערנט בהתמדה, ער האט געזיכט נאכצוגיין דעם אמת... ער איז א בן פון קדושי עליונים, וואס האבן שוין מער ווי צוויי הונדערט יאר באלויכטן דעם כלל ישראל ... ס'איז געווען האמת נר לרגלם, זיי האבן בלויז געזיכט דעם אמת, ממילא די מדות גייען איבער צו די קינדער.. און האמת וועט זיין נר לרגלו אזוי ווי זיינע אבות הקדושים, אזוי ווי ער האט מקבל געווען").

פאקט נומער 3) ס'איז שוין אויבן דערמאנט געווארן אז דער רבי שליט"א האט נישט אטאקירט דעם קאשויער רב בזמן המערכה פון די פלייש, ביי די חלב פּרשׁה איז ער בּכלל נישׁט געווען פארמישׁט, און אפילו אויבּ ער האט געהאלטן אז עס איז א פּראבּלעם מיט די חלב ( דאן איז געווען א מדובּר נאר וועגן די חלק האחוריים צו מען דארף עס מנקר זיין צו נישׁט, עס בּכּלל נישׁט געווען א מדובּר וועגין כּשׁרות הבּשׁר בכלליות) האט ער נישׁט געקענט זאגן גארנישׁט מפּני כּבודו שׁל אביו.

יארן שׁפּעטער בּיי די סקול דיסטריקט פּרשׁה האט ער נאכגעזאגט בּשׁם זיין טאט׳ן אז קאשׁויער רב האט געזאגט אז 30 יאר האט מען געגעסן טריפות, אויף דעם האט ער געזאגט עפ״ל, דאס איז די קלארע מציאות הדברים

ואגב, האט רבינו שליט"א אים 3 מאל איבערגעבעטן, איינמאל מיט א בריוו 2 וואכן נאך די דרשה, דאס צווייטע מאל האט ער געשיקט ר' אברהם יקותיאל יערמיאש פון ב"פ אין שנת תש"ס, און א דריטע מאל האט ער זיך אויפגעשטעלט ברבים לאחר פטירתו און אים מפייס געווען בפני כל עם ועדה, און דאס מיינט א איש האמת, ער האט דעמאלטס אין תשס"ה פאר קיינעם נישט געדארפט געפעלן.