געהויבענער שבת חנוכה בצל הקודש אין וויליאמסבורג
א געהויבענער שבת קודש איז אפגעראכטן געווארן בצל הקודש אין וויליאמסבורג.
ליל שב"ק ארום 8:00 אזייגער איז מרן רבינו שליט"א ערשינען אין ביהמ"ד הגדול צום טיש וואס דער רבי שליט"א האט געפראוועט מיט די קרוב צו 100 בחורי חמד תלמידי ישיבה לצעירים פון וויליאמסבורג.
נאך די פיש האט דער רבי שליט"א משמיע געווען דברות קודש פאר די בחורים, ווי דער רבי שליט"א האט זיי שטארק מעורר און מחזק געווען און אויפגעפאדערט אינעם ענין פון אויפשטיין פארטאגס צו לימוד התורה ועבודת הבורא.
מיט כל מקדש איז מכובד געווארן הגה"צ ר' שמואל בראך שליט"א אב''ד נאנאש, מיט מנוחה ושמחה איז מכובד געווארן הר"ר אנטשיל גראס שליט"א מנהל ישיבה לצעירים וויליאמסבורג.
ביי די תורה האט זיך די רבי שליט"א געשטעלט אויף די קושית ב"י און מאריך געווען בדרוש אין די סוגיא פון דבר שיש לו מתירין.
מיט קה אכסוף איז מכובד געווארן הרה"ג ר' קלמן יושע באבאד שליט"א אב"ד דראהביטש, מיט קה רבון עלם איז מכובד געווארן הרה"ג ר' יוסף דוד שנעעבאלג שליט"א ראה"כ דברי יואל בארא פארק ודומ"ץ טשערנאוויץ, און מיט ברכהמ"ז האט דער רבי שליט"א מכבד געווען בנו הגה"צ אבד"ק דקהלתינו וויליאמסבורג שליט"א. עובדות וסיפורים האט דער רבי שליט"א דערציילט פון הרה"ק שינאווע'ר רב זי"ע וועמענס יארצייט עס געפאלט קומענדיגן וואך.
ביי שלש סעודות האט זיך דער רבי שליט"א געשטעלט אויפן פסוק וטבח טבח והכן, וואס דער שלטי גבורים איז מרמז אויף די נרות חנוכה, און מאריך געווען בדברי מוסר אז אויב מען איז זיך מקבל דעם עול תורה איז דא פרנסה בריוח ובניקל, און דער רבי האט מעורר געווען אויף יגיעת התורה, וואס דאס האבן די יונים געוואלט אוועקנעמען פון אידישע קינדער.
♦♦♦
מוצאי שב"ק ארום 10:00 אזייגער איז דער רבי שליט"א אריינגעקומען אין ביהמ"ד הגדול צו הדלקת הנרות, ביי די אמירת דברי תורה האט דער רבי שליט"א געזאגט דברי אגדה אין די סוגיא פון מצות לאו להנות נתנו.
♦♦♦
נעכטן – זונטאג אינדערפרי האט דער רבי שליט"א געדאווענט שחרית אין ביהמ"ד הגדול אין קרית יואל ווי דער רבי שליט"א האט געלייגט תפילין פאר הבחורים חתני הבר מצוה, הב' בן מוה"ר יעקב קעסלער הי"ו פון קרית יואל, הב' בן מוה"ר חיים אלי' פעלבערבוים הי"ו פון קרית יואל, און הב' בן מוה"ר וואלף שניצער הי"ו פון קרית יואל.
♦♦♦
נעכטן נאכט האט דער רבי שליט"א אפגעראכטן די הדלקת הנרות ואמירת דברי תורה אין ביהמ"ד הגדול אין קרית יואל, ביי די תורה האט דער רבי שליט"א געזאגט א פשט'ל בסוגיא דכבתה משולב מיט די סוגייא פון שלא כדרך הנאתו.
היינט אינדערפרי האט דער רבי שליט"א געדאווענט שחרית אין ישיבה גדולה – שיעור ג' ווי דער רבי שליט"א האט געלייגט תפילין פאר הב' חתן הבר מצוה בן מוה"ר דוד יצחק פאלקאוויטש הי"ו פון קרית יואל.
♦♦♦
ושננתם לבניך פראגראם אין וויליאמסבורג
הונדערטער טאטע'ס מיט זייערע קינדער וועלן אי"ה היינט אנטייל נעמען אינעם "ושננתם לבניך" פראגראם וואס ווערט אהערגעשטעלט דורך די התאחדות אברכים דקהלתינו הק' היינט אווענט אין היכל תהילת יהוסף אין וויליאמסבורג.
דער פראגראם וועט אי"ה פאהרקומען פון 7:30 ביז 8:30 אויפדערנאכט ווי עס וועט אי"ה פארטיילט ווערן ווערטפולע מתנות און גורלות פאר די באטייליגטע קינדער שיחיו.
-ואח"כ באו בניך לדביר ביתך-
♦♦♦
הדהלקת הנרות ואמירת דברי תורה
פון מרן רבינו שליט"א
ליל ב' דחנוכה - יום ה' פ' מקץ - תשע''א
בביהמ"ד הגדול וויליאמסבורג
♦♦♦
תוקן על ידי היראים ב- 07/12/2010 20:25:40
