| נשלח ב-16/12/2010 20:34 |
 |
| |
הודו לה': ביהמ"ד און ביה"ח אין שטאט סיגוט אפגעקויפט!
דורך מרן כ"ק רבינו שליט"א ובני המשפחה, וועלכע בויען איבער דאס אוהל הקדוש.
פרטים יבואו.
|
|
|
|
| נשלח ב-30/1/2012 09:42 |
|
| |
| פינחס_יואל כתב: |  | וואס איז געווארן מיטן התחדשות חצר הקודש סיגעט? שוין א לענגערע צייט נישט געהערט קיין באריכט |
|
סאטמאר חסידים פארען אויפן פערד און וואגען אין שטאט סיגעט
* xcodebase="http://download.macromedia.com/pub/shockwave/cabs/flash/swflash.cab" height="400" width="700" classid="clsid:D27CDB6E-AE6D-11cf-96B8-444553540000" > <*
|
|
|
|
| נשלח ב-29/1/2012 23:26 |
|
| |
וואס איז געווארן מיטן התחדשות חצר הקודש סיגעט? שוין א לענגערע צייט נישט געהערט קיין באריכט
|
|
|
|
| נשלח ב-7/2/2011 21:04 |
|
| |
דינער השנתי לטובת המתיבתא הק' ומעמד צאתכם לשלום
הרה"ח ר' שמואל שלמה טעללער שליט"א יו"ר
דער עולם ביים איבערגעבן נדבת לבם
הרה"ח ר' דוד שמואל גאלבערגער הי"ו און הרה"ח ר' מענדל בער פאוועל הי"ו חברי הנהלת המתיבתא ביים ארומגיין צווישן עולם
דער רבי שליט"א ביי די דברות קודש
די משמשים בקודש ביים שרייבן די קוויטלעך
♦♦♦
|
|
|
|
| נשלח ב-2/2/2011 00:39 |
|
| |
רענאוואציע'ס אין אוהל און אין ביה"ח אין די שטאט סיגוט
♦♦♦
|
|
|
|
| נשלח ב-31/1/2011 20:59 |
|
| |
| היראים כתב: | | זאג שר וואס באדערט דיך באמת?
אוי כ'האב פארגעסן עכט ביזטו אן ארוני אין דיך שטערט נאר די צעטליך..... |
|
כ'מיין מ'זאל דעם לוזער לאזען רעדן
זאל יעדער זעהן זיין ווייטוג
ער כאפט זיך ארויף אויף די פראפאגאנדע ווייל ער האט נישט אויף וואס זיך ארויפצוכאפען נעבעך
ער זיצט נעבעך אין זיכט, (מן הסתם ווייזט ער נישט וויאזוי מ'זיכט...)
די פראפאגאנדע צו מאכען געלט איז אייביג געווען אזוי אין איז איבעראל אזוי, אפגערעדט צו ס'דא גזמאות צו נישט
אין די ווייז ווייטער פאר'ן עולם דיין ווייטוג
כה לחי'
תוקן על ידי rebyankel ב- 31/01/2011 21:03:58
|
|
|
|
| נשלח ב-31/1/2011 20:00 |
|
| |
פייוובארא
איך פארשטיי זייער גוט פארוואס דער רבי פארט, און דערפאר בין איך געגאנגען נעכטן צו די המשכה מסיבה,
אנדעם וואלט איך נישט געגאנגען, נאר די פאקט אז די רבי פארט און אז מען קען מיט געבן א קוויטעל, האט מיר
געמאכט גיין, און איך בין זיכער אז עז מען גייט דארט אויספויעלן ישעות ורפאות און די רבי שליט"א איז א שליח פון
אונז אלע
אבער! פראפאגאנדע מעג געטיען ווערן דורוך ערוואקסענע מענטשן, אדער צום ווייניגסטענעס זאל עס האבן א עיני פקיחה פון ערפארענע שרייבער,
צוויי זאכען האט געכאפט מיין אויג פון די אלע צעטליך
איינס, אז און סיגוט גייט זיין א מעין קיבוץ גלוית!
צוויי, אז דער רבי פאר אויפטרייבען געלט!
די וואס האבן געשריבען די אלע צעטליך אויפציטרייבען שטיצע, האבן צוגעגליכען די מעמד וואס גייט פארקימען
און סיגוט צו מעין קיבוץ גלוית - ווייל אלע ראשי קהלה פון בכל מקומות מושבתיהם גייען דארט זיין - אויב דאס מיינט
קיבוץ גלוית, ווייס איך שוין נישט וואס צו אינזין צו האבן ווען איך בין מתפלל יעדן טאג ביי וקבץ גליותינו, ולא נחה דעתו
פינעם שרייבער, נאר אז דאס גייט גאר זיין די הויךפונקט פינעם נסיעה, מעין קיבוץ גלוית און סיגוט, ווייל מנחם גרשון מיט אהרן וועלץ און ישעי וואלף לעוו, אינאיינעם מיט מאיר הירש וכילו וכילו אלע גייען זיין אונטער איין דאך, דערפאר
איז עס מעין קיבוץ גלוית, און יעדע סאטמערער חסיד דארף זיך שפירען געהויבן דארט צו זיין!
איך געדענק נישט, אז מען זאל שרייבען אויף א שבועות ביין רבין, ווי עס עס קומען זיך צוזאם אלע אידן בכל
מקומות מושבותיהם, אז עס איז מעין קיבות גלוית, און איך זע נישט פארוואס סיגוט איז מער קיבוץ גלוית ווי שבועות
און די צווייטע זאך בנוגע פאנדרעזען האב איך שוין געשריבען,
ממילא, יא! איך ווייס אז דער רבי פארט נישט אויפטרייבען געלט, און איך וויייס אז עס איז זייער א געהויבענע נסיעה
אבער אזא גרויסע חסידות מעג ווען האבן - לדעתי - א שטיקעל קאנטראל, אויף די פראפאגאנדע וואס גייט ארויס און
זייער נאמען, נישט אלעס דארף געטיען ווערן דורוך פעיטום בחורים
און מען ווערט נישט קיין זאלי ווען מען קריטיקירט עס, עס איז מיין רעכט אלץ מעמבער זיך אפצושייען פון ביליגע פראפאגאנדע
תוקן על ידי השר_מקוצי ב- 31/01/2011 20:39:43
 |
|
|
|
|
| נשלח ב-31/1/2011 03:44 |
|
| |
שרמקוצי, וואס מאכסטו א עסק פון אזא נארישקייט? (אין אזא פאל קענסטו נישט האבן טענות אז מען זאגט דיר זאלי.)
דו פארשטייסט פארוואס די רבי פארט, מען פארט אויף מקומות הקדושים, מקום אבותינו ורבותינו, מתפלל זיין פאר זיך און פאר כלל ישראל, אויף ישועות ורפואות.
אבער דערצו איז דא א סיבה פארוואס די עסקנים האבן אראנדשירט די נסיעה אויף אזא אופן, א נגידישע נסיעה, כדי די נסיעה זאל אריינברענגען געלט צו דעקן די קאסטן פונעם היסטארישן הצלת ביה"ח.
דו וועסט קיינעם נישט טשאלענדשען מיטן כאפן דעם שרייבער ביים ווארט, אז ער האט זיך אויסגעדרוקט נישט ריכטיג. איך זעה נישט וואס דיין כוונה זאל זיין מיט אזא נארישע פירכה, ווי כאילו דא ליגט עפעס א נאסע לאלעך אויף די גאנצע זאך.
אז דו ווילסט דוקא, קענסטו פעולן מען זאל דעם שרייבער נישט באצאלן.. אבער זאג קלאר אויב איז דאס דיין כוונה...
|
|
|
|
| נשלח ב-31/1/2011 02:06 |
|
| |
בקיצור, ער פארט מתפלל זיין, אלץ מיטעל אריינצוברענגן געלט?
דאס הייסט. אז אלמלא, ער מאכט דא דאס געלט וואלט ער נישט געפארן?
געווענליך, ווען א רבי א מנהיג אדער מרביץ תורה, פארט אויף מקומות הקדושים, שרייבט מען נישט אז די
נסיעה איז אויסשליסליך אריינצוברענגן געלט, און דאס, און נאר דאס איז די ציל! אזוי פארשטיי איך עס
_________________
|
|
|
|
|
| נשלח ב-31/1/2011 01:59 |
|
| |
| השר_מקוצי כתב: | |
עס באדערט מיר אז מען שרייבט אזעלכע צעטליך,סקען עס אריין ירא הקהל!!!
דו האסט דאך מ'סתם אלע אפציעלע צעטליךביי דיר,דארפסט עס ניטאמאל אריינסקענענן ,ברענג עס נאר אהער
תוקן על ידי השר_מקוצי ב- 31/01/2011 00:48:18 |
|
כ'ווייס נישט אויב די שפילסט נער אדער די ביזט גאר
סיי דיין ציהל אין סיי דיינע תגובות שרייען אייןס פין די 2
דיין שפילן ארוני באשטעטיגט עס נאך מער
פארוואס פארט די רבי שליט''א אויף סיגוט אויב נישט צו מתפלל זיין על קברי אבותיו וכו'
די סיבה פארוואס ער האט דאס 'יעצט' אינטערגענומען איז בלויז צו שאפען געלט למען כבוד אבותיו והצלת הבית החיים
תוקן על ידי היראים ב- 31/01/2011 02:01:46
|
|
|
|
| נשלח ב-31/1/2011 00:42 |
|
| |
עס באדערט מיר אז מען שרייבט אזעלכע צעטליך,סקען עס אריין ירא הקהל!!!
דו האסט דאך מ'סתם אלע אפציעלע צעטליךביי דיר,דארפסט עס ניטאמאל אריינסקענענן ,ברענג עס נאר אהער
תוקן על ידי השר_מקוצי ב- 31/01/2011 00:48:18
|
|
|
|
| נשלח ב-31/1/2011 00:35 |
|
| |
זאג שר וואס באדערט דיך באמת?
אוי כ'האב פארגעסן עכט ביזטו אן ארוני אין דיך שטערט נאר די צעטליך.....
|
|
|
|
| נשלח ב-31/1/2011 00:22 |
|
| |
און אלע סאטמערע שולן איז די וואך געהאנגען גרויסע "אפציעלע" מודעות, אז די איינציגסטע ציל פארוואס די רבי פארט איז צוליב פאנד רעזען געלט איבער צי בויען מקום מנוחתם פון רבותינו, די זעלבע "אפציעלע" מודעה איז אויך געווען און די "דער בלאט" אריינגעשטעלט, מיט די ווערטער אז כידוע האט די רבי אונטער גענימען די נסיעה מיט איין אויסשליסליכען ציל אריינציברענגן געלט איבער צי בויען די ביהמ"ד דארט און סיגוט, דערפאר בעט מען אלע וואס ארענדזשירען אהין נסיעות, זאלן זיך פארבינדען מיטען וועד, און זיכער מאכן אז מען באקימט א VIP קארטעל אריינצוגיין עסן, כדי קיינער זאל ח"ו נישט שטערן דעם רבין שליט"א פון זיין אויסשליסליכען צול אריינצוברענגן געלט!!!
דערפאר איז מאדענע פארוואס תמימי לב רעדן זיך נאך איין, כאילו די רבי פארט להפקד בדבר ישעיה ורחמים
מקום אבותינו ורביתנו, מקום אבותיו, בשעת ווען די וועד מיט זייער לעדערהעט שרייבען קלאר אז די "אויסשליסליכען"
ציל פון די נסיעה איז נאר אריינצוברענגן געלט
|
|
|
|
| נשלח ב-31/1/2011 00:05 |
|
| |
ספעציעל דעגזינירט ארט איז צוגעגרייט פאר "קוויטל שרייבער" ביי דעם מעמד "המשכה" א' תרומה הבעל"ט
קוויטלעך וועט מען קענען איבערגעבן גלייך נאכן מעמד לידיו פון מרן רבינו שליט"א
דער היי-יעריגער דינער לטובת הישיבה גדולה איז א קאמבאנאציע פון עטליכע כנסיות וואס יעדע איינע פאר זיך איז כדאי לעצמו צונויפצוברענגן א מאסיווער שטראם פון אלפי חסידי סאטמאר תושבי ברוקלין רבתי.
פון די הויכפונקטן אינעם יום הישיבות וועט זיין דער מעמד "צאתכם לשלום" ארויסצובאגלייטן דעם מנהיג העדה מרן רבינו שליט"א איידער דער רבי שליט"א לאזט זיך ארויס אויף די נסיעה פוקד צו זיין מקום מנוחת אבותיו הקדושים זי"ע וואס ליגן באהאלטן אינעם עיר האבות סיגוט יצ"ו, לרגל יומא דהילולא קדישא פון זקינו מרן הגה"ק בעל קדושת יום טוב זי"ע.
זייענדיג בלויז געציילטע טעג איידער דער רבי שליט"א לאזט זיך ארויס אויף די נסיעה, איז דא א שטארקע אינטרעסע ביים ציבור צו קענען איבערגעבן קוויטלעך פארן רבי'ן שליט"א, וואס דער רבי זאל פארליינען אינעם הייליגן אוהל מקום מנוחתם פון די קדושי עליון זקיניו צדיקי בית סיגוט לדורותיהם זי"ע וועלכע האבן כל ימי חייהם גע'פועל'ט ישועות פאר אידישע קינדער, ובמותם לא נפרדו איז דער אוהל הקדוש אין סיגוט גוט באקאנט ביז צום היינטיגן טאג אלס מקום קדוש וואו אידן זענען הפלא'דיגע ענינים להוושע בכל עניניהם לטובה.
לכבוד דעם גרויסן מעמד וועלן די משמשים בקודש בבית כ"ק אדמו"ר שליט"א וואס שרייבן קוויטלעך, זיצן אויף א ספעציעלן ארט אינעם ראז קעסיל זאל, וואו מען וועט קענען שרייבן קוויטלעך, און נאכן גרויסן מעמד וועט זיין א ספעציעלע געלעגענהייט דורכצוגיין כבני מרון מקבל צו זיין מברכת צדיק בברכת פרידה, און דערביי איבערצוגעבן די קוויטלעך לידיו פון רבי'ן שליט"א.
די קוויטל שרייבער וועלן זיצן אויף זייער ארט אין זאל במשך דעם גאנצן מעמד, און עס איז ראטזאם צוצוקומען צום טישל וואס פריער, כדי צו פארמיידן לענגערע שורות.
♦♦♦
ספעציעלע "נסיעה גורל" וועט געצויגן ווערן פאר אלע משתתפים מיטן סכום פון 250$ אויפן ארט
משתתפים וועלן אריינגיין אין גורל צו קענען מיטהאלטן נסיעה צוזאמען מיטן רבי'ן שליט"א
אין א קאמבינאציע פונעם "יום הישיבות" מיטן מעמד "צאתכם לשלום" וועט ביים גרויסארטיגן מעמד המשכה געצויגן ווערן א ספעציעלער גורל מיט וועלכע דער זוכה בגורל וועט אי"ה האבן די מעגליכקייט מיטצוהאלטן דעם מסע הקודש "בעבור אבותינו" צום עיר האבות סיגוט.
ווי אלע יארן ביז היינט ווערט דער גרויסארטיגער מעמד ספעציעל פאררופען כדי צו שאפן די פאנטאסטישע סכומים אין וועלכע די הנהלת הישיבה נויטיגט זיך צו קענען אנגיין מיט די הייליגע ארבעט. ספעציעל נויטיגט זיך די הנהלת הישיבה אין גרעסערע סכומים "קעש אויפן פלאץ" וואס פעלט זיך קריטיש וויכטיג אויס פאר די טאג-טעגליכע הוצאות פון אנפירן אזעלכע מאסיווע פראיעקטן ווי די היכלי הישיבה גדולה אין קרית יואל.
כדי מזרז צו זיין דעם ציבור מיטצוברענגן וואס מער "קעש אויפן פלאץ" איז דאס יאר ווייטער פראקלאמירט געווארן די גרויסארטיגע קעש גורלות, ווי באזונדער באריכטעט, אבער דאס יאר איז צוגעקומען דער ספעציעלער "הויפט-געווינס" א גורל אויף א טיקעט קיין רומעניע מיטצוהאלטן דעם מסע הקודש.
אלע וואס וועלן זיך באשטייערן מיטן סכום פון 250$ ביים מעמד הדינער, וועלן אי"ה אריינגיין אינעם גרויסארטיגן "נסיעה גורל". דער גורל וועט געצויגן ווערן תיכף נאכן מעמד הדינער, און דער גליקליכער זוכה בגורל וועט תיכף נאכן מעמד קענען זיך אנהייבן רישן אויף די נסיעה, זיך ארויסצולאזן אויפן וועג אינאיינעם מיט די פילע מיטרייזענדע ובראשם דער רבי שליט"א.
♦♦♦
|
|
|
|
|
| נשלח ב-30/1/2011 23:53 |
|
| |
אנ"ש שפירן פאר א זכי' אפצוקויפן "שעות" אין דעם ריזן תורה פאבריק 2 שעה א טאג אין די ישיבה אין ראם פון "קונה עולמו בשעה" קאמפיין
וואס א טאג נענטער צום דינער מעמד "המשכה" ומעמד " צאתכם לשלום" הערט מען מער צוריק די גוטע גריסן מבין כותלי היכלי המתיבתא, מיט וואס דער ברייטער ציבור אנ"ש ווערן נענטער באקענט, דורך די געטרייע עסקנים, וועלכע באזוכן טעגליך ביים ציבור אין בעפארברייטונג צום דינער למען החזקת הישיבות.
ביי די באזוכן פרעזענטירן די עסקנים פאר'ן ציבור דעם ספעציעלן "נחת פעקל" דורך וועלכן דער ציבור באקומט ארויס א קלאר בילד איבערן הלך ילך אין די היכלי הישיבות, און דעם גענויעם ציפער פון תלמידי הישיבות וועלכע גרייטן זיך אין די קומענדיגע חדשים זיך צו שטעלן צום פארהער אויף גאנצע מקצועות התורה.
הערענדיג דעם באריכט איבער די ישיבות הקדושות, געניסט דער ציבור פון שעות של קורת רוח, דערזעענדיג זיך מיט קלארע פאקטן ווי שטארק די ישיבות זענען געשטיגן הן בכמות והן באיכות אין די לעצטע יארן, ובפרט זינט מען האט פריש איינגעטיילט די ישיבות אויף באזונדערע אפטיילונגען, וואס דאס גיט די בעסטע מעגליכקייטן פאר יעדן תלמיד הישיבה צו שטייגן דרגות רמות, און מ'זעט ב"ה ווי די ארבעט האט אזוי גינסטיג נושא פירות געווען צו הייבן די ישיבה אויף אזא הויכע דרגה, ווען כהיום יום איז די מתיבתא הקדושה א מעכטיגע תורה פאבריק וואו עס ווערן דורכגעטוען רוב מקצועות התורה, און דערפאר שפירט זיך א שטארקע זכי' ביים ציבור צו ווערן שותפים אין אזא בית היוצר און האבן א חלק אינעם לעכטיגן עתיד עלינו ועל בנינו ועל דורותינו.
די הנהלת הישיבה קוקט דאס יאר שטארק ארויס אויף די ווארימע שטיצע פונעם ברייטן ציבור, ובפרט שטייענדיג אצינד בשנת העיבור ווען עס איז נאך א חודש ווען עס פארבלייבט א דעפיציט נאך אלע הכנסות וואס איז דא, וואס איז אין צוגאב צו דעם דראסטישן געהעכערטן בודזשעט פון די ישיבה, פאר וועלכן עס פארלאנגט זיך זה לעומת זה א דראסטישע העכערונג אין די נדבות פונעם ציבור.
בעיקר זעהט זיך אן היי-יאר א שטארקע באוועגונג ביים ציבור צו נעמען אנטייל און אפקויפן דעם מינימאלן זכות "קונה עולמו בשעה" פאר 576$ לשנה - 48$ לחודש, וואס מיט דעם קויפט אפ דער נדבן 2 שעה א טאג אין ישיבה, וואס באטרעפט ס"ה 1,400 שעה לימוד התורה, עבודה וגמ"ח פון 700 בחורי חמד כ"י. דער נדבן קען זיך אויסקלויבן וועלכע טאג מען זאל מזכיר זיין א נאמען לזכות אדער לע"נ וכדו'.
איבריג צו זאגן וואס ס'מיינט אפילו "איין" שעה פון א בחור אין די ישיבה, וויפיל קנינים תורה, עבודה וגמ"ח, וואס אט די איינע שעה איז דער סאמע יסוד פאר'ן גאנצן לעבן און פאר די ווייטערדיגע דורות, כש"כ ווען מ'האט א חלק אין אסאך מער שעות, וואס ווי גרויס איז דער זכות.
עס איז טאקע צו ערווארטן אויף ווייטער אז דער גאנצער ציבור וועט באגרייפן וואספארא גאלדענע זכי' עס ליגט אונז פאר די הענט און שפירן פאר א פליכט כאטש זיך איינצוהאנדלן די מינימאלע זכותים און אזוי ארום העלפן אויפהאלטן די ריזיגע תורה פאבריק פאר אונזער אייגענע המשכה.
-עשה למענך אם לא למענינו-
♦♦♦
|
|
|
|
|
| נשלח ב-30/1/2011 23:53 |
|
| |
מעמד צאתכם לשלום" וועט באגלייטן דעם רבי'ן שליט"א צו די היסטארישע נסיעה קיין סיגוט
דער גראנדיעזער מעמד "המשכה" אנטשפרעכט צו זיין גאר א גייסטרייכער, ובפרט ווען דער מעמד ווערט קאמבאנירט צוזאמען מיט א מעמד "צאתכם לשלום" איידער דער רבי שליט"א לאזט זיך ארויס אויף די היסטארישע נסיעה "אהיים קיין סיגוט", פוקד צו זיין מקום מנוחת אבותיו הק' זי"ע, ובראשם ביים ציון המצוינית פון זקינו הגה"ק בעל קדושת יום טוב זי"ע לרגל די יומא דהילולא וואס געפאלט אויס כ"ט שבט, דאנערשטאג פרשת תרומה הבעעל"ט.
דער רבי שליט"א פארט אי"ה ארויס פון ניו יארק א קורצע צייט נאכן מעמד הדינער, און דער גרויסארטיגער מעמד וועט זיין קאמבאנירט מיטן גרויסן מעמד "צאתכם לשלום" לכבודו פונעם רבי'ן שליט"א ופמליותו.
לרגל די היסטארישע מאורע וועט א קבוצה חשוב'ע מצוייני תלמידי הישיבה זיך געזעגענען מיט'ן רבי'ן שליט"א מיט א 'קשיא' אויף די סוגיא וואס מ'לערנט יעצט אדורך אין די ישיבה, ווי עס איז דער סדר פונעם רבי'ן שליט"א, אזוי ארום אנצוהאלטן א קשר עליון דאורייתא מריחוק מקום ומקירוב הלב.
ביים דינער וועט מען אי"ה באריכטן איבער די בעפארשטייענדע נסיעה און פרטים פון די העפטיגע רענאוואציע ארבעט וואס איז דורכגעפירט געווארן אינעם בית עלמין אין די שטאט סיגוט, ווי אויך איבערן אפקויף פונעם שול הויף אין סיגוט א.א.וו.
גלייכצייטיג וועט ביים דינער זיין א געהויבענע געלעגענהייט צו קענען שרייבן "קוויטלעך" וואס דער רבי שליט"א וועט מיטנעמען מיט זיך, דאס פארצוליינען אינעם אוהל הקדוש פון זקיניו הק' זי"ע.
ביים מעמד וועט אויפטרעטן דער בארימטער ידען בקורות בחצרות סיגוט-סאטמאר הרה"ג פה מפיק מרגליות ר' יעקב ווייס שליט"א ר"מ פאפא, וועלכער וועט איבערגעבן פארשידענע אינטרעסאנטע היסטארישע פרטים איבער די הייליגע גזע העצי התמרים זי"ע און "מה נורא המקום הזה" פונעם אוהל הק' און די היסטארישע שוהל-הויף וכדו'.
דער התרגשות'דיגער מעמד וועט באגלייט ווערן דורך די בארימטע 'סאטמארער קאפעליע' וועלכע וועלן פארזינגן ניגוני התעוררות לרגל הנסיעה לקברי צדיקים.
נאכן גרויסן מעמד וועט דער גאנצער ציבור האבן די געלעגענהייט דורכצוגיין ביים רבי'ן שליט"א זיך צו געזעגענען איידער דער רבי שליט"א לאזט זיך ארויס אויף די נסיעה לקברי צדיקים, און מקבל צו זיין מברכת קדשו.
-כי מלאכיו יצוה לך לשמרך בכל דרכיך-
♦♦♦
|
|
|
|
|
|
