שאק: אדמו"ר מהר"א צו ריכטער שמידט "איך וויל נישט גיין צו דין תורה!"

צען יאר א' שמות און ר' אהרן איז נאך אלס מסרב לדין.


ריכטער שמידט פון ברוקלין סופרים קאורט, וואס האט אין די לעצטע 3 חדשים אריינגעלייגט כחות עצומות צו שליכטן דעם סאטמאר'ן סכסוך בבית דין המרוצה לשני הצדדים, האט ערהאלטן פאריגע וואך פרשת ויחי א בריוו פון צד מהר"א וואס שטעלט קלאר זייער שטעלונג אז זיי ווילן נאר גיין צו דין תורה אויב וועט מען דן זיין איבער דאס רבנות פון וויליאמסבורג אבער נישט קיין שום אנדערע זאך.
 
עס איז געווען וואס האבן געהאלטן אז די פארהאנדלונגען וועלן צופאלן צוליב די אינערליכע רייבערייען ביי די ארונים, נאכדעם וואס די וויליאמסבורגער ראשי קהלה האבן געבלאזן אז מען רעכנט זיך נישט מיט זיי, און מ'האט זיי נישט געגעבן קיין מאנדאט ביי די פארהאנדלונגען. אבער צום סוף האט זיך ארויסגעשטעלט אז עס האט זיך אפגעשטעלט צוליב ר' אהרן'ס הארטקייט כלפי פארהאנדלען אויף קרית יואל, און האט אפיציעל געמאלדן בכתב אז היה לא תהי' קרית יואל וועט נישט גיין צו דין תורה.

א קורצע כראנאלאגיע פון די פארהאנלונגען.


דער ריכטער איז געווארן אריינגעשלעפט אין דעם סכסוך נאכדעם וואס די ארונים האבן פרובירט אוועקצוכאפן א בנין אין וויליאמסבורג וואו עס געפינט זיך די סאטמארע בית המדרש אויף סאוט אכט סטריט, דער זעלבער וואס האט יעצט געגנב'עט דעם בנין דורך איבערשרייבן פאלש דעם דיעד, האט מיט זעקס יאר צוריק געקלאגט אין ערכאות די קהלה אז ער איז א שותף אין דעם בנין, און ווען דער סכסוך איז אנגעקומען צו ריכטער שמידט האט ער געפרעגט די צדדים צו זענען מסכים צו גיין צו א בית דין, האט די קהלה מסכים געווען אבער דער הולך לערכאות האט זיך נישט געשטעלט לדין, דעריבער ווען סאיז געווארן א פרישע פראבלעם מיט דעם בנין ווען דער הולך ערכאות האט דאס פרובירט גנב'ענען איז דאס צוריק אנגעקומען צו דעם זעלבן ריכטער.
 
ריכטער שמידט וואס האט א לאנגען רעפוטאציע פון סעטלען קעיסעס, האט געפרעגט די צדדים צו מ'קען שליכטן דעם סכסוך ביי דין תורה, וואס די קהלה האט געזאגט אז זיי האבן שוין געחתמ'ט מיט 6 יאר צוריק, אבער דער גנב וואס איז שוין מסרב 6 יאר לדין האט געלייגט תנאים אז אויך אנדערע סכסוכים פון קהלת סאטמאר זאל גיין צו דין תורה. דער ריכטער האט זיך נישט געפוילט אז ער איז אריבערגעגאנגען צום סאטמאר רבין אין וויליאמסבורג אין געפרעגט צו ער איז מסכים אז דער סכסוך פון בנין סאוט אכט זאל גיין צו דין תורה, דער סאטמאר רבי האט געזאגט אדרבה ואדרבה. ריכטער שמידט איז אריבערגעפארן קיין קרית יואל, און דער קרית יואל'ער רבי האט זיך אנגעגרייט א פאר טאשטיכלעך, און זיך גענומען וויינען ווי ביי די מאמעס לוי', איך וויל גיין צו דין תורה מגנב'עט מיר אלעס אוועק, דער טאטע האט מיך געמאכט פאר רב חול המועד פסח תשנ"ט איבער גאנץ סאטמאר, און מ'האט מיר אוועקגעגנב'ט וויליאמסבורג, איך וויל נאר גיין צו דין תורה אויף סאוט אכט אויב מען וועט שטעלן צו דין תורה אויף גאנץ וויליאמסבורג. ער האט שטארק אראפגעריסן די בתי דינים וואס שלעפן צייט און געלט, און געזאגט אז בוררות פאר סאוט אכט איז ארויסגעווארפן געלט מיט צייט, נאר מ'זאל גיין צו א בית דין.
 
ריכטער שמידט איז צוריקגעגאנגן קיין וויליאמסבורג צום סאטמאר רבי'ן, און געפרעגט אויב מען איז מסכים צו גיין צו דין תורה איבער גאנץ וויליאמסבורג, האט סאטמאר רבי געענפערט אז ער האט אלעמאל מסכים געווען צו גיין צו דין תורה אויף וויליאמסבורג אבער ער האט תביעות נגדיות אין קרית יואל און בארא פארק, און ער וויל אז די שטרי בירורין זאל זיין אויף אלעם. דער ריכטער האט צוריקגעברענגט די תשובה פאר קרית יואל'ער רבי האט ער געענפערט אין קרית יואל אין נישטא קיין שום תביעות, איך גיי נישט צו דין תורה אין קרית יואל. דער קרית יואל'ער רבי האט אויך געזאגט פארן ריכטער אז ער קען מער נישט רעדן פון דעם נושא, און מהיום והלאה זאל ער זיך פארבינדן מיט דוד עקשטיין, אלישע הורוויץ און ברוך מרדכי גאלדבערגער.
 
נאך עטליכע וואכן פון ארומשלעפן, איז ענדליך געקומען דער ענפער פאריגע וואך פרשת ויחי אז קיין דין תורה וועט נישט פארקומען אין סאטמאר אויב מען וויל דן זיין אויף עפעס וואס ר' אהרן האט א שליטה, דהיינו קרית יואל נישט.
 
בקיצור הדברים: דאס וואס ר' אהרן האט געזאגט תשס"ב פאר הגה"צ ר' משה מנחם טירנויער, און דאס וואס ר' שאול פערלשטיין האט געהאלטן אין איין זאגן ברבים אז זיי ווילן נישט גיין צו דין תורה האבן זיי יעצט ארויסגעשריבן בכתב פאר ריכטער שמידט.
 
היינט די צענטע יארצייט פון אלף שמות, ווען די סלאגאנען יחידים המשתלטים על הציבור און מסרבים לדין זענען געאשאפן געווארן, שטעלט זיך ארויס אז סאיז שקר און בלאף, זיי זענען יחידים וואס ווילן זיך משתלט זיין אויפן ציבור, און זיי זענען די ריכטיגע מסרבים לדין. די וואלן אין וויליאמסבורג איז שוין געווען תשס"ו ווען די נייע מוסדות האבן זיך געעפענט, און עס האט זיך ארויסגעשטעלט אז זיי זענען בערך א דריטל פון סאטמאר, דאס זענען די יחידים המשתלטים, און יעצט זענען שוין אפען מודה אז זיי זענען מסרבים לדין אויך.

ווען א איד זאגט איך גיי צו דין תורה אן קיין הגבלות, דער אנדערער געט א ליסטע מיט הגבלות דאס בין איך זיך מתחייב אבער דאס נישט, ווער איז דער מסרב?

אין דעם פאל זאגט אנשי רז"ל מיר גייען צו דין תורה און לאזן בית דין דן זיין אויף גאנץ קהל, און אנשי ר"א זאגן מיר לאזן דעם בית דין נאר דן זיין איבער וומסב אבער נישט קר"י, זענען זיי די מסרבים,

משהלע, העט איך ווען דיך נישט געקענט פון פריער וואלט איך ווען ארויסגענומען פון דיין פאריגע תגובה אז דו ביסט א זאלי,

דא האסטו ממש אראפגעשריבן די נשמה פון די קאנפליקט,

די ארונים האבן שטענדיג געדרייט איבער וואס די מחלוקה איז, איינמאל איז עס געווען א פריוואטע קאנפליקט צווישן עטליכע קהלס לייט, און איינמאל איז עס געווען וויאזוי משהלע רופט דאס אהן דא: "וער איז קהל, ווער זענען די דיינים און ווער איז מרא דאתרא, (רבי)"

די שטעלונג פון די זאלונים, פון אנהייב קאנפליקט ביז יעצט, איז געווען דאס, אויב איז דאס א פריוואטע קאנפליקט, צווישן עטליכע קהלס לייט, וויאזוי די ארונים האבן אין איינע פון די וועגן עס פרובירט אראפצושטעלן, און האבן אזוי אויסגעשטעלט די הזמנה, דאן באלאנגט דאס פאר די רבני ודייני הקהילה אזוי ווי עס שטייט אויף אלטר משהס בריוו, און ווי איר זענט מודה אס דאס איז ריכטיג, אויב איז דאס אזוי ווי דו שרייבסט יעצט וזה לשונך: "על זה אנו דנים, ווער איז קהל, ווער זענען די דיינים און ווער איז מרא דאתרא, (רבי)" דאן מוז יעדער אונטערשרייבן שט"ב אין די זעלבע צייט אויף די זעלבע אופנים.

דאס איז ווי מען זאגט אין א nutshell די עיקר פון די דין ודברים לגבי דעם ענין פון די"ת

 

_________________

פארוואס תשמ"ו בקרית יואל האט ר' אהרן נישט געוואלט גיין צו דין תורה מיט אלטר משה ושינדל גאלדבערגער, און געשיקט א בריוו אז נאר רבני ודייני הקהלה ובראשם כ"ק אדמו"ר שליט"א קענען דן זיין אויף דעם,

מה נשתנה תשמ"ו בקרית יואל אז אלטר משה ושינדל גאלדברגער האבן באקומען א מכתב פון ר' אהרן אז מ'קען זיך נאר מתדיין זיין ביי רבני ודייני קהלה ובראשם כ"ק אדמו"ר שליט"א,

[quote]זיי נישט ברוגז משהלע, אויב איינער דארף עפעס קודם ברענגען זענט עטס די וואס דארפן, עטס זענטס די וואס קלאגן לאמיר זעהן אויף וואס עטס קלאגטס ווער עס קלאגט און וועם מען קלאגט, עד כאן למען השקר...

אבער למען האמת, נישט דאס איז געווען די מדובר דא, איך וועל פרובירן צו מאכן א קורצן ס"ה וואס די מדובר דא איז געווען, לויט ווי איך דענק האט מען דא געזאגט, אז מען איז געווען ביי ריכטער שמידט, און ריכטער שמידט האט אנגעהויבן צו פארהאנדלען אז די צדדים זאלן קומען צו א די"ת, און עס האט זיך אפגעשטעלט ביי ר' אהרנס אונטערשריפט, און ביי קר"י, שקר שקר שקר, דיין ספין!!!,  האט זיך דא אנגעהויבן א גאנצע טענה'ריי די ארונים האבן אנגעהויבן צו שרייען אז ער דארף נישט אונטערשרייבן, און מען טאר נישט אונטערשרייבן אויף קר"י, וואס אויף דעם ארויף האט מען געענטפערט פארוואס ער דארף יא אונטערשרייבן, און פארוואס מען דארף יא אונטערשרייבן אויף קר"י, אויף דעם איז געקומען די תירוץ, אז איה"נ ר' אהרן דארף יא אונטערשרייבן, און מען קען יא רעדן פון קר"י,אבער מען דארף שיקן אויף יעדע זאך אן עקסטערע הזמנה, אויף דעם האט מען געענטפערט, אז עס איז שטותים און מען האט אויפגעוויזן אז מען מוז נישט שיקן אויף יעדע זאך אן עקסטערע הזמנה, דאס הייסט א ספין, יעצט ווייסטו שוין וואס א ספין מיינט?

אינצווישן איז אריינגעקומען נאך טענות בנוגע די אלטע צוריקגעצויגענע הזמנה, וואס די ארונים האבן דא גע'טענה'ט אז וויבאלד זיי האבן עס די ערשטע געכאפט, האבן זיי די רעכט צו זאגן ווער עס דארף זיך אלס שטעלן, און וואס מען דארף אלס אריינשטעלן, און וויאזוי מען דארף פירן די די"ת, אפגעזעהן צו עס מאכט סענס צו נישט, און אפילו אפגעזעהן צו עס שטייט אין די הזמנה צו נישט, די עיקר איז אז געוויסע ארונים האבן געשיקט פאר געוויסע זאלונים אן הזמנה, און מכאן ואילך מוזן די זאלונים נאכטאנצען די ארונים. עס איז דערנאך אויפגעוויזן געווארן די לעכערליכקייט פון די נארישקייטן, און מען איז אריין אביסל בפרטיות אין די פאלשקייטן וואס מען פרובירט צו נוצן מיט יענע הזמנה (מען האט געפרעגט וואס פונקטליך איז די תביעה אויף יענע הזמנה און ווי עס שטייט דארט, איז געקומען א מאדנער ליצנות ענטפער קאר טעלעפאן) , און ווי אויך האט מען אויפגעוויזן אז דער גאנצער הזמנה ווארפט נישט אפ קיין איין זאך וואס די זאליס טענהן, און פארענטפערט נישט קיין איין טענה מצד האהרונים, מכש"כ וכש"כ ווען דער הזמנה עקזיסטירט שוין נישט, און דער בי"ד האט צוריקגעצויגן דערפון, ווייל מען האט זיי נישט געפאלגט, איז זיכער נאריש צו פרובירן צו צוימען די זאליס מיט זייערע טענות צוליב יענע הזמנה.

ווי אויך איז אינצווישן אויסגעקומען צו רעדן וועגן בארא פארק, ווי אהרן וועלץ האט איבער 3 יאר מסרב געווען געווען צו קומען צו די"ת, נאכאמאל, דיינע אויסגעזויגענע שקרים, און די ארונים האבן פרובירט אנצושמירן אויף ריכטער דעמערעסטס פסק, אז דארט שטייט אז ר' מענדל שווימער האט נישט געוואלט קומען צו די"ת, און דאס האט מען ברוך השם אויך אויפגעוויזן אז עס איז פאלז פון קאפ ביז פיס. אויפגעוויזן?, ווי ווען וואס, איך האב ארויף געלייגט א קאפי פונעם ארגינעלן פסק פון ריכטערן דעמערעסט און זי שרייבט זייער קלאר אז ר' אהרן וועלץ שרייט חי וקיים אז ער וויל זיך שטעלן צו דין תורה און מענדל שווימער שרייט געוואלד אז ער וויל בשום אופן נישט גיין צו דין תורה, און זי צווינגט מענדל שווימער זאל זיך תיכף ומיד בלי שום התחמקות שטעלן צו דין תורה, סא, ווי האסטו איבערגעצייגט?, דיין ספין טוישט נישט דעם מציאות, 

אויף למעשה איז אויסגעקומען שוין עטליכע מאל דא ווי די ארונים שרייען אז עס הייבט זיך נישט אהן די גאנצע מעשה אז ר' אהרן וויל נישט אונטערשרייבן און מען וויל נישט רעדן פון קר"י, און מען איז גרייט צו ברענגען אפילו שט"ב פון ר' אהרן אויב מען ברענגט פון ר' זלמן לייב, אויף דעם וויל איך זאגן קודם כל נישט דאס איז געווען די פראבלעם דא אויף וואס איך האב זיך ארומגע'טענה'ט, איך האב נאר אפגעענטפערט די ספינס וואס מען האט פרובירט צו ספינען אז מען דארף נישט גיין צו די"ת און אז ר' אהרן דארף נישט אונטערשרייבן, און די שקרים וואס מען האט פרובירט צו פארקויפן, פון אלטע מעשיות, דאקומענטן, פסקים, פון ביז היינט, און ב"ה איך מיין אז עס איז געווען מיט א שטארקע הצלחה, ספין ספין ספין.

אויב וויל מען רעדן איבער די מציאות וואס מען האט טאקע געזאגט אדער נישט געזאגט פאר ריכטער שמידט, בין איך גערן מסכים, אז מען זאל דא ארויפלייגן די דאקומענטן וואס ביידע צדדים האבן אריינגעגעבן פאר דעם ריכטער, איך האב נישט קיין צוטריט דערצו, איך האב נאר אלע קונטריסים וואס עס איז שוין ארויסגעקומען ביז היינט פארן פובליק פון ביידע צדדים, ובעיקר פון די ערשטע יארן פון די מחלוקה, וואס פון דארט שעפ איך מיינע אינפארמאציע, אויף וואס איז געווען ביז היינט, אדרבה אויב האט איינער די פאפירן פון ביידע צדדים וואלט געווען זייער א גלייכע זאך אויב מען קען עס דא ארויפלייגן און דעבאטירן, כפי השמועה האבן ביידע זייטן אריינגעגעבן זייער ווערסיע פון שטרי בירורין, און עס וואלט געווען א גלייכע זאך אז ווער עס האט צוטריט דערצו זאל עס ארויף לייגן.
דער מציאות איז זייער פשוט, די ראשי הקהילה פון די אהרונים שרייען געוואלד אז מען האט צוגעכאפט די בנינים בגניבה און מען זאל זיך שטעלן לזבל''א, זיי האבן מודיע געווען ווער זייער בורר איז, נו, וויאזוי איז דער סדר העולם, דער צד השני וואס זענען ענקערע ראשי הקהילה ענטפערן צוריק ווער זייער בורר איז, און מען גייט צו דין תורה, דארט ביים בית דין שרייבן ביידע צדדים אינטער שטרי בירורין, און יעדער צד קען פארלאנגען ווער נאך זאל לדעתם דארפן אינטער שרייבן, און דער בית דין איז מחליט מי ומי החותמים, רבי אהרן האט קלאר געזאגט, און צו דעם ביסטו לכאורה מודה, אז אויב דער בית דין וועט פארלאנגען זיין אינטערשריפט, וועט ער אינטער שרייבן, און אזוי אויך, יעדער צד זאגט פארן בית דין וואס זייער טענה איז, און פון וואס מען  דן זיין לדעתם, און ווייטער וועט דער בית דין מחליט זיין, ס'איז נישט ביד איין צד איינצוטיילן פון וואס מען זאל רעדן און ווער עס זאל אינטער שרייבן, אלזא,  אינזער בורר איז הרה''ג רבי מענדל זילבער שליט''א, לאמיר הערן ווער ענקער בורר איז, און זאלן זיי אויסוועלן א שליש, און מען הייבט אן א דין תורה, פון וואס מען זאל רעדן, און ווער עס זאל אינטער שרייבן וועט דער בית דין מחליט זיין, יעצט לאמיר הערן דיין ספין,  

/quote]