עס דענקן אלע ווען דער דזשיגאן עם הארץ האט מיט גרויס פאמפע געלייגט דעם שטיין צו א נייעם פראיעקט אין ירושלים, א געוויסע מוצאי שבת חודש אלול תשס"ז אום 4 פארטאג'ס. עס האט געזאלט הייסן אז ער גייט בויען דירות פאר שפאט ביליג פאר זיינע געציילטע שווענץ אין ירושלים.
פארגאנגענעם דאנערשטאג נאכט זענען אבער די אהרונים צוזאמגעזאמעלט געווארן צום ברך משה שוהל, און מ'האט די אינגעלייט פארציילט די ביטערע נייעס אז דער פראיעקט איז אפיציעל באנקראט, אפילו עס איז שוין געווען א פראכטפולער סקיצע און דער בלאט, וועלכע האט שוין געהאט די אויפשריפטן נדבת יצחק ראזענבערג. ביי די אסיפה דאנערשטאג האט אויפגעטרעטן א. י. הערשקאוויטש און געמאלדן אז א דירה וואס האט געזאלט קאסטן 150 אלפים, סובסידירט 60 פראצענט, ווי מ'האט פארשפארן ביים אנפאנג פונעם פראיעקט, וועט קאסטן 430 טויזענט דאללער, די זעלבע פרייז ווי עס קאסט א דירה אויף די מארקעט. ווער עס קען נישט צושטעלן אזא סכום, קען נאך ארויסצוען און צוריקבאקומען דאס געלט וואס מ'האט אינוועסטירט ביז יעצט
אין אנדערע ווערטער, פונעם גאנצן "אבן הפינה" אויף "עדיסאן", וואו דער דזשיגאן עם הארץ איז געקומען צו פארן אלול תשס"ז, און דאס התרגשות וואס שמואל שלמה טעללער האט געהאט אז דער עדיסאן שטח גייט אריבער צו סאטמארער הענט, און מ'האט דאס געמאלדן אין אלע צייטונגען אין ארץ ישראל מיט עקסטאז האט זיך אויסגעלאזט ווי דאס רבנות חוהמ"פ תשנ"ט, און עס גייט קיין קריה נישט זיין. וואס וועט יא זיין אין געהעריגע דירות פאר מענטשן וואס ווילן צאלן די פולע פרייז, גארנישט מיט סאטמאר. און די אלע אינגעלייט וואס האבן נעבעך געמיינט אז מדזשיגאן תצא הישועה, דארפן קומען צום ביטערן אנערקענונג אז חוץ א קבלת פנים אויף ככר השבת פארן דזשיגאן עם הארץ, האט דער גאנצער פראיעקט גארנישט געדארפט זיין, זיי זענען נעבעך געגאנגען כצאן לטבח.
נשלח ב-6/6/2011 19:02
אפדעיט:
יצחק ראזענבערג זייענדיג אין ארץ ישראל אויף ל"ג בעומר האט זיך געטראפן מיט הרב בערלין, (זייענדיג אונטערן רושם פונעם דורכפאל וואס זיי האבן געליטן מיט רב בערלין ביי ר"נ קארעליץ בי"ד) כדי צו פארהאנדלען ווי אזוי מ'קען ווייטער פירן דעם פראייעקט.
הרב בערלין האט זיי פארגעשלאגן אז מ'זאל עם פארקויפן דעם גאנצן פראייעקט, דאן וועט ער בויען פאר אלע סאטמארער יונגעלייט( וועלכע האבן איינגעצאלט געלט), א דירה פאר 250 טויזענט דולר, טייערער ווי יצחק ראזענבערג האט פארגעשלאגן מיט 5 יאר צוריק (פאר 140 אלפים, אבער נישט קיין 420 אלפים ווי מ'שלאגט איצט פאר).
