_________________

ער איז נישט קיין לץ, איך וואלט אים ענדערש דיאגניזירט אלץ א צובראכענע נשמה, וואס שרייבט אוינטער'ן איינפלוס פין  א מילדע דעפרעסיע

אין מיינע אויגן איז דער קונצען סתם א פוסטע לץ. ווי באקאנט האט דער בער גע'אסר'ט דעם אינטערנעט פאר זיינע חסידים א צייט צוריק, און זייט דעמאלס איז מער נישט צום האבן קיין איין בעלזא ניק אויף בחדרי חרדים פארום. איז קיין עכטער בעלזער קען דער קונצען זיכער נישט זיין. און אפילו ער איז יא פון די ליידיגייער'ס אין בעלזא וואס האבן אינטערנעט, גלייב איך שווער אז א עכטער חסיד וויל אז אזא אשכול זאל בלייבן אויבנאן אגאנצן טאג, נאכדערצו ווען מ'רופט זיין רבי'ן ביים בלויזן נאמען אויפן קעפל. אלא מאי קום איך צו די מסקנא אז דער קונצען איז א פשוט'ער לץ וואס האלט זיך אונטער אויפן חשבון פון בעלזא.
 
איינער איז מיט מיר?

ספר "ברוך מתיר אסורים"

דו ספר מיט בריוון פון אלע גדולי ישראל פונעם געגנט איז ארויס געקומען נאכדעם וואס דו סאטמערע חסידים (בראשות רבם  הבעל דברי יואל) האבן מוציא שם רע געווען און מוציא לעז געווען אויף דו ספינקא חסידים (כפי הנהוג בסאטמאר וכדרך הבעל דברי יואל "אלה שכרעו לבעל" "כת שבתי צבי" "אהרן עשה את העגל" "ועוד" וכ"כ  הבעל בירך משה, "נאלאגען" וכו' וכדרך בניו דהיום שמוצאים דיבתם הרע אחד על השני שכל אחד שאינו הולך בתלם איתם אינו בגדר כלל ישראל "פסולי חופה" "חמץ'דיגע מצות" ועוד).

קראלי רבנות

אין יאר ה'תרצ"ד ווען דער דאמאלסדיגער קראלי רב - הרב יואל טייטלבוים - איז געווארן רב אין סאטמאר, האט קאנדידירט פאר דעם קראלי רבנות, הרב שמואל גראס, ער האט געהאט די שטיצע פון דעם פריערדיגען רב'ס אנהענגער, מערסטענסטייל סיגוטער חסידים. דערגעגען האט קאנדידירט רבי אביש'ל, וואס ער האט געהאט די שטיצע פון זיין שווער'ס אנהענגער, מערסטענסטייל ספינקער חסידים. ווען רבי אביש'ל האט געווינען ביי די וואלן, האבען זיינע קעגנערס נישט געוואלט אקסעפטירן די רעזולטאטן.

דער אויסרייד אויף וואס רבי אביש'לס קעגנערס האבן זיך פארריפען איז געווען א פאראגראף אין די שטאטוטין פון די געמיינדע איינגעפירט דורך א פריערדיגען רב אין קראלי רבי שאול בראך, אז די וואס פירן זיך נישט הונדערט פראצענט לויט די שטאטוטין פון די געמיינדע זענען נישט בארעכטיגט צו וועהלן פאר א נייעם רב. אנווייזנדיג אויף דעם פאראגראף האבן רבי אביש'לס קעגנערס געאורטיילט אז ווארשיינליך זענען א מערהייט פון די מענטשן וואס האבן געוועלט רבי אביש'ל נישט געווען בארעכטיגט צו וועהלן, און ווארשיינליך זענען א מערהייט פון די מענטשן וואס האבן יא געוועלט קעגען רבי אביש'ל יא געווען בארעכטיגט צו וועהלן.

רבי אביש'ל האט געהאט גרויס עגמת נפש פון דעם קריגעריי, ספעציעל פון די נאכפאלגן וואס זיינע קעגנערס האבען אויסגעאיבט אויף אים, ער האט געוואלט אוועק פון דארט, נאר זיינע אנהענגער האבען אים נישט צוגעלאזט. אין יאר ה'תרצ"ה איז געדריקט געווארן א קונטרס "ברוך מתיר אסורים" ארויסגעגעבען דורך דער ארטאדאקסישער קראלי געמיינדע ווי זיי באשרייבן דעם גאנצן פייער און האבן דארט אפגעדריקט די בריוון פון די רבנים וואס האבן געהאלטן מיט רבי אביש'ל און מיט שארפע אויסדריקען פארדאמט זיינע קעגנערס. צווישן זיי איז, זיין שווער דער חקל יצחק, רבי שמעון סופר פון ערלוי, דער לבושי מרדכי, דער מונקאטשער רב, דער איהעלער רב ר' דוד דוב מייזליש בעמח"ס בנין דוד, און נאך א גאנצע ליסטע.

רבי אביש'ל האט אויפגעשטעלט די ישיבה "בית אברהם" אין קראלי, ווי ער האט פארגעלערנט שיעורים פאר אומגעפער הונדערט בחורים.

איז מיין איך אז עס איז אסאך שווערער צו פארשטיין פארוואס זיין טאטע האט שלום געמאכט מיט דעם בעל דברי יואל וואס האט אום שטארק בא'עוולט, וויא צו פארשטיין כ"ק אדמו"ר מספינקא שליט"א גיין קיין בעלזא 

זיין טאטע וואס אונדערהיים האט ער זיך שארף אויסגעדריקט אנטקעגן דעם בעל דברי יואל, האט מפני דרכי שלום משלים געווען מיט אום נאכן קריג.

זיין זוהן כ"ק אדמו"ר מספינקא שליט"א, גייט בדרכי אביו,  בפרט אז זיין טאטע האט קיינמאהל נישט געהאט עפעס אנטקעגען כ"ק מרן אדמו"ר מבעלזא שליט"א, און דו אזוי געריפענע קול קורא מיט חתימות וואס מאנכע האבן פארשפרייט און טיען פרשפרייטן האט נישט קיין עכטע חתימה פון אום (נאר מען האט געטייפט זיין נאמען), משא"כ דו אלע בריוול'ך וואס דו רבנים (וואס זייערע נעמען געפינן זיך דארט) האבן געשיקט צו כ"ק מרן אדמו"ר מבעלזא שליט"א האט זייערע אייגענעם כתב מיט א ריכטיגע חתימה.

ס'נישט

_________________

עס איז אמת אז טייל פין די ספינקער ברודערס זענען מצליח, אבער עס האט גאנישט צוטאן מיט זייער טאטן. רוב פון זייער טאטנס נאנטע געשוואיורענע מענטשן זענען געבליבן אינעם קיעפ ביהמ"ד - נישט קיין חילוק פארוואס. 
און לעומת זה די אידן וואס פלעגן סתם אזוי אריינפאלן מפעם לפעם צום טיש אדער שלש סעודות, האבן בדרך כלל מיט זיינע קינדער גאנישט איינגעלייגט.
סך הכל האבן זיי אנגעפאנגען פון סקרעטש מיט נייע מענטשן, און מיט א גענצליך נייע אופן פין הנהגה, און יעדער בר דעת ווייסט און זעהט אז עס איז בכלל נישט קיין המשך פין זייער טאטן. עס קען זיין וואויל און חשוב אבער מיט די אמאליגע ספינקא האט דאס נישט קיין שייכות.