מפי השמועה, (נאך איידער די לעצטע דעוועלאפמענט אז ריכטער ריעד וועט "מעגליך" זיצען אויפן אפעלאט פאנעל), בלייבט נאר די איינציגסטע רעאליסטישע צוגאנג צו פילפאכיג פארמערן די דרוק אויפן יוסטיץ דעפארטמענט אונטערן יו עס אטוירני דזשענעראל עריק האלדער. ספעציפיש דורך קאנגרעס און סענאט מעמבערס פון זיין אייגענעם פארטיי פון איבער גאנץ אמעריקע.
לעת עתה, איז דאס די איינציגסטע ממשות'דיגע השתדלות וואס קען בעז"ה ברענגן רעזולטאטן!
נישט אז ס'איז ווערד פריצייטיג אויפצוגעבן אויפן אפעלאט.. די געניטע אדוואקאטן אין שפיץ פון מר. לעווין וועלן אראפלייגן א גאר שטארקע קעיס בעז"ה! אבער.... די היסטארי איז נאר ליידער נישט אויף רובאשקין'ס זייט..
די יו עס קארט אוו אפיעלס - אכטער דיסטריקט איז שטארק קאנסערוואטיוו גענויגט און מיט גאר א שמאלן רעקארד פון איבערדרייען שטרענגע דעסיזשענס איבערהויפט אז דער פסק קומט ארגינעל פון א קאלעגע קאנסערוואטיוו - ריכטער ריעד.. (נאמאנירט דורכן פריערדיגן פרעזידענט בוש 43 ) זי איז שטארק איינפלוסרייך און איז די "טשיף דזשאדש - יו עס דיסטריקט קארט נארטערן אייאוע".
די יוסטיץ דעפארטמענט זענען די וואס דארפן צו שטיין על המשמר אויפן גאנצן פעדעראלן יוריסדריקשן סיסטעם.
אלזא, אין אונזער פאל, אויב דער שטורעם און דרוק ווערט גענוג גרויס און קאנטראווארסיעל, קען קאנגרעס/סענאט אפהאלטן פארהערן אין זייערע דזשודישיערי קאמיטעען און באאויפטראגן דעם יוסטיץ דעפארטמענט טיף אריינצוקוקען אינעס קעיס אוואו גענוג און נאך עוולות זענען באגאנגען געווארן. (כבר היה לעולמו. עיין טערי שייווא קעיס- פלארידא ועוד ועוד)
אין פאקט איז דאס א לאנגער קאנטראווירסיעל אישו, אויף ווי ווייט עס גרייכט די פאוער פונעם "קאנגרעשיענאל אויבערסייט אוו דזשאדשעס ענד דזשאסטיס".
אלענפאלס בלייבט אונז-פשוטי עם נאר איבער מתפלל זיין צום בוכ"ע דער מתיר אסורים און כל יכול פארן וואוילזיין און ישועה בקרוב פאר שלום מרדכי בן רבקה, אכי"ר!
