פארלאפענעם חול המועד פסח האט דער דזשיגאן עם הארץ געמאלדן בקול רעש גדול אז ער גייט זיך נעמען צו די דאסטער'ס וואס די אידישע מאמע'ס גייען. ‎​
 
די אהרונים זענען געווארן אויפגעהייטערט, א פרישע מערכה אויף די אגענדע, מ'וועט מאכן די זאלי'ס פאר גויטע'ס ווייל זיי גייען נישט מיט דאסטער'ס וואס דעם דזשיגאן עם הארץ שמעקט. מ'וועט פראטעסטירן און בויקאטירן געשעפטן וועלכע וועלן נישט פארקויפן דאסטער'ס וואס דער דזשיגאן עם הארץ גלייכט. הקיצור, א פולע "דאסטער עפאכע". ‎​
 
מאנכע האבן שוין אפילו געוויסט צו זאגן אז מענדעלע שומר הנשים בבית המלך האט אראפגערופן געשעפט אייגענטומער און פארהאנדלט מיט זיי דער גענויער שניט און סטייל וויאזוי די נייע דזשיגאנע דאסטער'ס וועלן אויסקוקן. בנציון לאוב האט שוין פארארדענט די בחורים און שלעגער אז ווען מ'זעט א דאסטער נישט לויטן שניט פון דזשיגאן, איז א מצוה דאס אראפצורייסן פון די פרוי ברבים. ‎​
 
א גרויסע שריפה, באלד אזוי גרויס ווי דזשיגאן האט געמאכט ביי די שייטלעך פרשה און ווי ער מאכט יעדן ל"ג בעומר אנגעטון מיטן גארטל, איז געווארן אויספלאנירט, וואו דארט וועלן אלע אהרונים אריינווארפן זייערע אלטע דאסטער'ס. אפילו די שפיי'ער רעבעצין איז געווארן איינגעשפאנט, מיט א הבטחה אז זי וועט שפייען אויף יעדע פרוי וואס וועט נישט גיין מיט דעם מהודרת דאסטער. ‎​
 
אבער מ'האלט שוין באלד 3 חדשים שפעטער, און דער מערכה שלאפט און שנארכעצט. דער ערשטער שפאלט האט זיך אנגעהויבן ווען דער בלאט וועלכער איז דער פאן טרעגער פון די אלע פאני מערכות האט זיך אפגעשאקלט נאך איין וואך מעלדן די נייעס, און געשיקט די דאסטער עסקנים צו די עקסטרעמע "אוצרות" אויסגאבע. זאלן זיי זיך ספראווען מיט די משוגעים. ‎​
 
א גרויסע מיטונג וועלכער דזשיגאן האט פאררופן, און דאסמאל אן די געוועזענע דיינים פון סאטמאר, האט זיך אנגעהויבן און געענדיגט מיט א באריכט אויף בחדרי חרדים אז די זאליס זענען ל"ע "נישט" געקומען צו די אסיפה, און דאס צייגט קלאר אז זיי זענען פאלנע גוים וואס ווילן זייערע פרויען זאלן זיין גויטע'ס. ‎​
 
קען איינער ביטע אפדעיטן וואו די מערכה האלט, צי האט עס שוין אפשר געפייגערט ווייל דער דזשיגאן איז צוריק געווארן ביזי מיט אריזאנע ווייץ, דעריבער האט ער נישט קיין צייט מער פאר די דאסטער'ס?

הרב האורח, זייער שיין אריין געפירקלט אין מיינע ווערטער... איך בעט אפי' נישט קיין הסבר, כ'העל זיין צופרידען אויב כאטשיק די ווייסט וואס די האסט געשריבן.