משה רבינו און רביה"ק: נאר מים חיים קאלער סאדע

גביר אדיר

עס איז מיר זייער אינטערסאנט וואס דו שרייבסט, ווייל איך האב אלעמאל געוויסט, אז ער איז געווען די "ערשטע" סאדע קאמפאני מיט א הכשר,

וועלכע קאמפאני איז געווען בעפאר אים???

אפשר בוסטו מיר מסביר א חילוק פון די אידן וואס ווילן טרונקן סאדע מיטן א גוטן הכשר, און זיי הענגן זיך אן אויפן רבי'ן ז"ל וואס האט געבויעט די כשרות המאכלים אין אמעריקע, צי די אידן וואס געבן זיך אן אז זיי עסן אריזאנע מצות ווייל דאס האט דער רבי זי"ע געוואלט, שעכטן טעקסעס פלייש ווייל דאס האט דער רבי זי"ע געוואלט און עסן נאר קרית יואל'ע טשיקענס ווייל דאס האט דער רבי זי"ע געוואלט?

פאר איינעם וואס פארשטייט נישט איז שווער מסביר צו זיין די נפק"מ צווישן די שאלות פון 'איסורי דאורייתא' מיט וואס די לאנג איילענד ווייץ איז פארוויקלט, צו די 'איסורי רבי ז"ל' מיט וואס די סעלצער איז פארוויקלט.

טרונקן סאדע אן א הכשר קען נישט פונקט אזוי זיין פארוויקעלט אין איסורי דאורייתא? נוץ נישט דעם שרעקעדיגן ווארט "דאורייתא" מיך אויפצואווייזן אז נאר ר' אהרן מעג נוצן דעם רבי'ן ז"ל ווען אים איז באקוועם, אבער ווען יענער נוצט דאס איז א ליצנות.

דעפאר האב איך געשריבן:

פאר איינעם וואס פארשטייט נישט איז שווער מסביר צו זיין

א בחינה פון א קשיא אויף א מעשה. שטומט?

מען דארף זיך רייבן די אויגן צו זען לאן הגענו
מיר האבן געהאט א הייליגן רבין, א גאון הגאונים, א כרכא דכולה ביה, און נוצן נוצט מען זיין נאמען צו טרינקען אביסל קאלאר סאדע
אבער באמת איז דאס נישט אזא פליאה
ווייל ס'קלערט זיך צו זאגן אז מען רעדט פון צוויי באזונדערע רבי'ס
ס'איז דא א רבי וואס האט געהייסן עסן דוקא חיטים מצומחות, עסן פלייש מיט א השגחה ממליחה ואילך, שופך דם זיין פאר ווער ס'גייט נישט אין שפאן, פריקת עול פון איש כל הישר בעיניו יעשה ווייל ס'איז נישטא מער קיין מנהיגים.
אט דער רבי האט געהייסן טרינקען מים חיים סאדע

אונז קען מיר אבער נישט אזא רבי!!!!!!!!!!!!!!!!
אונז קען מיר א רבי וואס האט זיך מוסר נפש געווען אין אמעריקא פאר הידורים אין כשרות, א רבי וואס האט פארן צורך פון דור געעפענט א מיידל שולע אפילו זיין טאטע און זיידע האבן עס נישט געטון, א רבי וואס האט זיך אוועקגעגעבן פאר יעדן פארביטערטן איד אים צו העלפן, א רבי וואס האט אונז געלערנט אז דרך ארץ קדמה לתורה, און רבי וואס האט אונז געלערנט מדות טובות, א רבי וואס האט אונז געלערנט איז קנאות מיינט נישט פראות, און דער רבי איז פאר איים קיין נפקא מינה וועלכע קאלאר סאדע מען טרינקט און וועלכע קאמפאני ס'פארדינט געלט דערויף, דער עיקר ס'זאל האבן א גוטע השגחה און מען מאכן א ערליכע ברכה שהכל נהיה בדברו.
אט דעם רבין האבן מיר געקענט!!!!