|
|
| נשלח ב-22/7/2011 20:26 |
 |
| |
איך בין איבערגעשלאפן מיין נעכטיגער תגובה און איך שפיר אז איך האב פארגעסן צו אויספירן א קריטיש וויכטיגער פאנטשליין,
ביטע נאכקוקן און סיי וועלכען ענגלישע דיקשענערי דער באדייט פונעם ווארט SHAM, אויך די ווארט HOAX
יעצט די פאנטשליין:
נאכן זעהן די היסטאריע וויזוי די זאליס האבן געטאן אלע פסלנות'דיגע דריידליך, וואס דער איינציגער ציל איז נאר געווען "זיך צו משתמט זיין פון דין תורה", ס'איז קיין ספק אז די אלע תנאים און פארלאנגען וואס צד מהרז"ל האט פארלאנגט, ווי למשל קרית יואל, אדער אז מ'טאר זיך נישט רופן קהל יטב לב, מ'דארף אביסעלע טינט, וכדומה, דאס איז אלעס געווען א אויסגערעכנטע בלאפערישע אנשטעל, צו שפילן געימס, און זייער באהאלטענע ענדגילטיגער ציל איז נאר געווען, צו טאן אלעס אין די וועלט אז ס'זאל קיינמאל נישט אנקומען צו קיין דין תורה, און זאל נאר אנקומען אין געריכט, איך בין דעם נישט מסופק קיין כי הוא זה,
איז דען דא איין הוה אמינא בעולם צו קלערן אז דער גאנצער א"ג ר' משה מנחם "פלאן" איז נישט מער ווי געווען א SHAM, און א HOAX,
וואס פלאן ווען פלאן? וואס שלעפסטו דא אריין ר' משה מנחם טירנוער מיט ר' ישראל האגער? אפשר זאל מען אראפשלעפן להבדיל מעיאר בלומבערג און אבאמא,
וואס שפילסטו תם? וואס מאכסטו עס מער קאמפליצירט ווי עס איז?
"קום צו דין תורה", פינטל,
קום צו די זעלבע סארט בי"ד ווי אלע פאראטנווארטליכע ערליכע אידישע קהלות גייען ווען זיי האבן קהלה סיכסוכים, אזוי ווי סאטמאר בארא פארק, וכדומה, און לייג דארטן פאר אלע טענות ומענות,
הדבר פשוט מאוד,
תוקן על ידי ראדני_קינג ב- 22/07/2011 21:00:48
Why Can't We All Just Get Along?
 |
|
|
|
|
|
| נשלח ב-23/7/2011 00:00 |
|
| |
נאך די אלע שיינע (?) דרשות, האלט איך זיך נאך אלץ ביי מיינס. דאס אלעס איז שנאת חנם, און קיינער האט נישט קיין רעכט פיינט צו האבן א צווייטן. מ'דארף זיך אפשר נישט חבר'ן, און אפשר מוחה זיין אדער מוסר זאגן אויב עס וועט העלפן (כשם שמצוה לומר וכו'), אבער נישט פיינט האבן.
ווען 2 פרעמדע אידן העטן געגאנגען צו ערכאות ה"י, וואלט עס אונז אינטערעסירט אין די לינקע פאה. מיר האבן בעסערע דאגות ווי זיך זארגן דערויף, ווייל כבוד שמים איז גאנץ אונטן אויף אונזער גרויסע ליסטע. אבער אז דער נאר איז מיינער, ס'איז "מיינע" בנינים, "מיין" רבי, "מיין" כבוד, אה, דאן פלוצים איז מען מוחה אויף כבוד שמים, עס באדערט זייער שטארק די ערכאות.... נאכאמאל: וועמען ווילט איר איינרעדן? מיר זענען דאך אלע א נוגע בדבר!!
רבותי, טייערע אידישע קינדער, ידידי היקרים. עפנט אויף אייער אויגן און קוקט ארום. מיר זענען דאך אין אזא נידריגע מצב. דאס וואס השי"ת באקלאגט זיך "על כבוד בו"ד מחיתם על כבודי לא מחיתם" מיינט נישט מן השפה ולחוץ, השי"ת האט געצערנט פארוואס עס טוט נישט באמת וויי, רביה"ק וועלכע האט באמת געבלוטיגט פאר כבוד שמים, עס האט אים וויי געטאן, ריתחא דאורייתא, נישט קיין אייגענע נגיעות, ער האט געדארפט מוחה זיין, אבער מיר האלטן דאך נישט דערביי! עס טוט אונז נישט וויי! סתם שרייען צוליב אייגענע כבוד און שרייען כבוד שמים איז לפענ"ד ערגער ווי בכלל נישט מוחה זיין, ווייל אזוי כאטשיג ביסטו אמת'דיג מיט דיינע מעשים, בסתר כבגלוי, אבער לעבן אין אזא עולם השקר, מיינען זיך אינגאנצן און נוצן דעם אויבערשטנ'ס תורה פאר אן אויסרייד צו האקן אויף יענעם? דאס איז דאך א קרדום לחפור בה! מען באנוצט זיך מיט די תורה פאר אייגענע הנאות, און נאך איסור'דיגע הנאות. לשה"ר, שפיכות דמים, מלבין פני חבירו, מען איז שוין צוגעוואוינט נאכאנאנד דאס צו הערן, אבער דאס זענען שרעקליכע עבירות!
ווען וועלן מיר תשובה טאן?
|
|
|
|
|
|
