נטרונא קאלום פין בחצרות סאטמאר
אין ליכט פון די גאהר הייסע טעג אינערהאלב די פאליטישע ארענע בנוגע די מצב אין מיטל-מזרח, ציטירן מיר חלקים פון די מערכת פון מוסד הק' "נטרונא" פון די לעצעטער טעג.
דער גורל'דיגער טאָג, ווען די פּאַלעסטינער גרייטן זיך צו פאַרלאַנגן פון די UN צו באַשטעטיגן זייער זעלבסטשטענדיגער לאַנד, קומט נענטער, און פאליטישער באַבאַכטער זעהן נישט קיין וועג אַרויס .
מאָנטאָג, האָט דער פּאַלעסטינער פירער מאַכמוד אַבאַס זיך שוין געטראָפן מיט'ן UN פירער, באַן קי מון, און ער האָט געזאָגט אַז ער איז אַנטשלאָסן איבערצוגעבן פרייטאָג אַ בריוו אין וועלכע ער וועט פאַרלאַנגן אַז פּאַלעסטינע זאָל דערקלערט ווערן אַלס זעלבסטשטענדיגע שטאַט.
געוויסע סימנים צייגן אַז עס קען חלילה קומען צו אַ צוזאַמענשטויס וואָס קען אויפפלאַמען דעם מיטל מזרח פאַס און אַנטיסעמיטיזם איבער די וועלט ווי קיינמאָל בעפאָר.
קיינער ווייסט נישט ווי אַזוי די קאשע גייט זיך אויסקאָכען, מיר האָפן צום אייבירשטען אז מען זאל האבן אפגעקומען בלויז מיט שרעק. וכאשר בא כן ילך...
די אַנאַליסטן ווייזן אבער אָן אַז איזראַעל איז שוין אַזוי אויך אין גאָר אַ שווערע לאַגע און דער פּולווער פאַס איז געפערליך אָנגעהיצט קעגן איר, וואָס איז לעצטנס געקומען צום אויסדרוק אין די געוואַלדטאַטן אין עגיפּטן קעגן די איזראַעלישע אַמבאַסאַדע, און די פיינטליכע באַציאונגען מיט טערקיי און אומרוען קעגן איזראַעלישע אינטערעסן אין אַנדערע לענדער. די יו.ען. רעזאָלוציע קען לויט אַלע מיינונגען זיין דער מכה בפטיש ח"ו.
וואָס איז איזראַעל'ס עצה? – די מיליטער און די מתנחלים זענען מושטירט געוואָרן צו קעמפן – אָבער מ'טוט גאָרנישט אָפּצושטעלן דעם שרעקליכן מצב.
די איזראַעלישע מיליטער גרייט זיך פאַר ערנסטע געוואַלדטאַטן, און מעגליכע ווילדע דעמאָנסטראַציעס אין די פּאַלעסטינער געביטן וועלכע קענען זיך איבערגיסן אין איזראַעל. דאָך גייען זיי גראָד אַריין אין די סכנות, און שטעלן נישט אָפּ די דערקייקלונג, צוליב זייער דל גאה'דיגע שטעלונגען. די מופקרים שפּילן זיך ליידער און ריזיקירן אידיש בלוט, צוליב זייער שטאָלצע גאוה.
אין די לעצטע טעג האָבן די פּאַלעסטינער שוין געגעבן סיגנאַלן אַז זיי וואַרטן אויף עפּעס נאָכגעביקייט פון איזראַעל, און זיי וועלן צוריקטרעטן. איבערהויפּט האָבן זיי געוואַרט פאַר אַ פאַרשפּרעכונג איינצופרירן בוי פּראָיעקטן אין די שטחים, אָבער נתניה איז פאַר'עקשן'ט און וויל נישט גאָרנישט נאָכגעבן.
אַנשטאָט נעמען למעשה'דיגע שריט, און ווייזען עפּעס נאָכגעביקייט איז נתניה פאַרהאַרטעוועט.....שיק סטעיטמענטס, און רעדט פראַזען אבער קיין שום ממשות'דיגער וויתור..
איין זאַך וואָס דער ציונ'יסטישער ראש הממשלה נתניה האָט געטאָן, איז אַז ער האָט געמאָלדן אז ער וועט אויך קומען האַלטן אַ דרשה אין די UN.
ווי עס ווערט באַריכטעט האָט אָבאַמאַ געלאָזט וויסן נתניה'ן אַז עס איז בעסער אַז ער בלייבט אינדערהיים און גיט נישט קיין רעדעס, וואָס וועט קיינעם אין די יו.ען. גאָרנישט איבערצייגן און וועט בלויז צוגיסן אויל-צום-פייער. די פרעכע מעלדונג אַז ער קומט אויך רעדן האָט בלויז שווערער געמאַכט פּרואוון אָפּצושטעלן די פּאַלעסטינער פון אויפברענגן די רעזאָלוציע.
אַנשטאָט זוכן איינצושטילן דעם מצב, וויל ער שטיין ביים מייקראָפאָן און געבן אַ גוטן ספּיעטש אין די UN, פון וועלכע ער וועט באקומען קאמפלימענטען אז ער האט גוט גערעדט, און וועט אַרויסקומען ביי זיינע ראַדיקאַלע אונטערשטיצער אַלס העלדישער האַרטנעקיגער פירער. ער וועט געזען ווערן אַלס העלד, אָבער די קאנטסעווענצען וואס אידן און כלל ישראל קענען ליידען ח"ו קימערט אים גאנץ ווייניג.
די יו.ען. רעזאָלוציע ברענגט אז די פאַראייניגטע שטאַטן זאל זיך איינצורייסן מיט די גאַנצע וועלט.
די פאַראייניגטע שטאַטן האָט שוין פאַרשפּראָכן צו וועטאָאירן דעם פּאַלעסטינער פאַרלאַנג פאַר אַ זעלבסטשטענדיג לאַנד אינעם סעקיוריטי קאַונסיל, וואו די פאַראייניגטע שטאַטן האָט אַ וועטאָ מאַכט. לויט די אַמעריקאַנער פּרעסע וועט וואַשינגטאָן דערמיט נעמען "דיפּלאָמאַטישע ריזיקעס" און זי קען זיך טרעפן "איזאָלירט אינאיינעם מיט איזראַעל," בעת אַ שטאַרקער רוב אין די וועלט שטיצט די פּאַלעסטינער שטאַט רעזאָלוציע.
אין צוגאָב, קומען איצט רופן פון קאָנגרעסיענאַלע פירער אָפּצושטעלן די אַמעריקאַנער שטיצע פאַר די פּאַלעסטינער אויטאָריטעט אויב זיי פירן אַריין די רעזאָלוציע צו די יו.ען. אַנדערע רופן שוין אַז אַמעריקע זאָל גענצליך איבערטראַכטן די פינאַנציעלע שטיצע צו די יו.ען., און צו אַלע לענדער וועלכע וועלן שטימען פאַר די רעזאָלוציע.
די אַלע פּלענער וועט ברענגן אַמעריקע זיך צוזאַמענצושטויסן מיט פילע וועלט לענדער ווי קיינמאָל בעפאָר. ווען די אַלע לענדער און די יו.ען. האָבן זיך קעגנגעשטעלט אַמעריקע'ס פּלענער אין איראַק, למשל, האָט מען זיי נישט אָפּגעהאַקט די שטיצע, אָבער ווען זיי טשעפּען זיך מיט איזראַעל ווילן די קאָנגרעסיענאַלע פירער – אונטער דרוק פון די ציונ'יסטישע לאַבי און מורא פאַר ציונ'יסטישע וויילער – זיך מער איינרייסן מיט די וועלט ווי פאַר די אייגענע אינטערעסן.
דער אַמעריקאַנער פאָלק איז אויפגעברויזט אַז וואַשינגטאָן צורייסט זיך מיט די וועלט צוליב די כפוי טובה'דיגע און האַרטנעקיגע מדינה.
דאָס רופט שוין אַרויס אַ געפערליכער צאָרן ביי די אַלגעמיינע באַפעלקערונג, ווי מ'זעט אין די פאַרשידענע בלאָגס שרעקליכע אַנטיסעמיטישע אויסדרוקן פאַרוואָס וואַשינגטאָן מוז זיך אַזוי איינרייסן פאַר די ראַדיקאַלע ציונ'יסטישע פירער. פאַרוואָס איז וואַשינגטאָן פאַרנומען טאָג און נאָכט מיט די קליינע מדינה? פאַרוואָס איז עס איר דאגה, ווען די מדינה אַליין שפּייעט צוריק וואַשינגטאָן אין פנים? וויפיל נאך דארף די אמעריקא דערלייגען צוליב דעם איד , פרעגן פילע קאָמענטירער.
פּרעזידענט אָבאַמאַ און זיין אַדמיניסטראַציע געפונט זיך אויך אין אַ געפערליכן קלעם, און זענען געוויס אויך געפערליך אויפגעברויזט אויף נתניה און די ציונ'יסטישע לאָבי, ווייל עס צווינגט זיי אַריין אין אַ קאָנפליקט מיט די וועלט, און איבערהויפּט די אַראַבישע וועלט, מיט וועלכע זיי האָבן געוואָלט נאָנטער ווערן. אבער האַלטנדיג בעפאָר אַ וואַל יאָר ציטערן זיי עפּעס צו זאָגן, אָבער דער אויפברויז אין די אַלגעמיינע אַמעריקאַנער גאַס איז קלאָר שוימיג.
עס איז קריטיש וויכטיג אָפּצושלאָגן די שרעקליכע שנאת ישראל.
נטרונא האָט שוין אַרויסגעלייגט אַ סטעיטמענט פאר די פרעיס, צו פאַרדאַמען נתניה פאַר קומען צו די יו.ען., וואו ער וועט זיך אַהערשטעלן ווי ער פירט אַ 'אידיש' לאַנד, און אַז ער רעדט אין נאָמען פון די 'אידן'.
די תוכן פון די סטעיטמענט איבערגעזעצט בערך, לויטעט ווי פאלגענד;
דער ראש הכופרים ביבי נתניהו האט יעצט געמאלדן אז ער גייט רעדן מיטוואך פאר די גענעראלע אסעמבלי פון די יו. ען. פראבירנדיק מיט דעם אפצוהאלטען די פעלקער אין די יו. ען. נישט שטימען די פרייטאג פאר א פאלעסטינער מדינה.
אמעריקאנער טראדיציאנאלע אידן ווייסן גוט וואס זיינע רעדעס מיינען. אזוי ווי דע פארגאנגענהייט גייט דער ראש הכופרים ניצען די תורה צו בארעכטיגען א איידיאלעשזי וואס איז בעצם אקעגן די תורה - עס איז געמאכט געווארן צו ריפלעסען די תורה מיט נעציאלאניזאם. ער וועט זיכער ארויס נעמען פסוקי התורה "אוט אָף קאנטענטס" אז עס זאל פיטען זיינע צילען. ער וועט זיכער ניצען די כסדר דאס ווארט JEWS נאכאמאל און נאכמאל, און ער וועט אנרופען זיין מדינה א JEWISH STATE, אלעס פאר איין סיבה צו נעמען אידען אלץ זיינע משכונות און מסכן צו זיין אידען אין די גאנצע וועלט, און באהאלטן זיך אונטער די ליילעך פון גאנץ כלל ישראל, זיי זאלן טראגען אחריות אויף זיינע מעשים...ער וועט זיכער ניצען די אידישע קרעדיט קארד אז ח"ו כלל ישראל זאלן מיזען צאלען די ביללס מיט ריבית, ער האט איין בייזיליגע כוונה, צו לייגן אלע אייער אין איין קאָרב, אריינצונעמען גאנץ כלל ישראל אין איין שיף און ער זאל זיין דער קאפיטאן, און אויב עס גייט נישט זיין ריכטונג זאל דער גאנצער שיף קראכען ח"ו, אידן איבער די וועלט זענען דאך זיינע קאַנאָנען פלייש, צו שטופן זיינע אדזשענדעס.
די זאך וואס אינטערסירט אים די מערעסטע: אים צו באקומען וואו מער רעדעס, ווי מער אפלאמיסטען, קאמפלעמעינטס, און צו זיין א העלד אין עקשנות, זיינע דייערי זאל רייך אין פיל מיט דרשות אין רעספעקפולע פלעצער, ווי קאנגראס, יו-ען...פון זיין גוטע דרשות איז קיינמאל קיין גוטס פאר אידן נישט ארויסגעקומען..פון זיין עקשנות האט מען גארנישט גענאסען, אבער עס קימערט אים בכלל נישט אויף די קאנסעווענצען וואס עס קען חלילה קאסטען...ער איז א פאררעטטער אינעם פולען זין פון ווארט...,
מיר אמעריקאנער אידן זענען דאנקבאר צו וואוינען און געפינען שוץ אונטער דער געטרייע יוניידעד סטעיעטס אוו אמעריקא און אונזער פרעזידענט בארראק אבאאמא ירום הודו – און נישט אונטער דער פאררעטטער ביבי.
עס וואלט ווען געוועהן קריטיש וויכטיג אז עס זאל זיין א געלעגנהייט פאר יהדות החרידית זיך ארויס צו ברענגען ביי די יו-ען אסעמבלי און פארלאנגען א ביד: אז די מדינה זאל הייסען ZIONIST STATE נישט JEWISH STATE, די ציונים פארטרעטען נישט כלל ישראל, מיר האבן נישט קיין שייכות מיט זיי, ווי אויך אונזערע ברידער אין ארה"ק ..ווי חלק פון זיי דעמאסטרירען דאס' מיטן נישט נעמען קיין חלק אין זייערע וואוטס, און נעמען נישט געלט שטיצע פון זיי.
לא עת לחשות
דיפּלאָמאַטן אַרבעטן פיבערהאַפטיג און פּרובירן נאָך אין די לעצטע מינוט צוריקצוהאַלטן די אָפּשטימונג, אָבער ליידער צייגן אַלע אָנדייטונגען אַז עס איז אָן ערפאלג.
נטרונא איז היינט געזעסן מיט גרויסע פּאָליטישע און פּובליק רילעישאָנס פּראָפעשאָנעלס ווי אַזוי צו אמבעסטען רעאַגירן באותו מקום ובאותו זמן וואס דער ראש הכופרים וועט רעדן, צו מסיר זיין דעם חרון אף , און עס וועט בעז"ה געמאלדען ווערן אינעם נעקסטען באריכט.
מיר רופען אויס צום דעם גלית הפלישתי – ביבי נתניהו – די קומסט טאקע מיט אַטאָמישע כוחות, און מיר קומען מיט די קליינער שטיינער פון דוד –אַתָּה בָּא אֵלַי בְּחֶרֶב וּבַחֲנִית וּבְכִידוֹן – אבער - וְאָנֹכִי בָא אֵלֶיךָ בְּשֵׁם ה' צְבָאוֹת אלוקי מַעַרְכוֹת יִשְׂרָאֵל אֲשֶׁר חֵרַפְתָּ:
ויה"ר שיתקדש שם שמים על ידינו, און אידן איבער די גאַנצע וועלט זאָלן ניצול ווערן מהם ומהמונם אכ"י, און מיר זאָלן שוין זוכה זיין צו ביאת משיח צדקינו, כי תעביר ממשלת זדון מן הארץ.
צו נעמען א חלק אין די קאסטבארע אונטערנעמונג, ביטע קאָלט 718 887 9339.
קומענדיג נענטער צו ווען די יו.ען. וועט באַטראַכטן די פּאַלעסטינער שטאַט, אַנערקענען שוין אַלגעמיינע אידן אַז פּרעזידענט אָבאַמאַ צורייסט זיך מיט די וועלט פאַר איזראַעל און מ'קען נישט אַזוי צוריקשפּייען אין פנים. ליידער זענען די אָרטאָדאָקסישע אידן געבליבן די איינציגסטע וואָס מ'זעט זיך אַרויסשטעלן מיט אַ חוצפה קעגן פּרעזידענט אָבאַמאַ און ווערט נאר ערגער.
היינט, מיטוואָך, האָט זיך געעפנט די UN דזשענעראַל אַסעמבלי סעסיע. פּרעזידענט אָבאַמאַ – נאָכ'ן קומען אונטער שטאַרק דרוק צו ווערן שטערקער מיט זיין שטיצע פאַר איזראַעל – האָט אין זיין רעדע אָנהייב פון די סעסיע גערופן די פּאַלעסטינער אויפצוגעבן זייער פאַרלאַנג אַז די יו.ען. זאָל באַשטעטיגן זייער שטאַט. "שלום וועט נישט קומען דורך סטעיטמענטס און רעזאָלוציע אין די יו.ען.," האָט ער דערקלערט.
די רעדע האָט געברענגט אַז אפילו דער עקסטרעמער און קעמפערישער ראש הכופרים האָט שוין בעל כרחו געמוזט באַדאַנקן דעם פּרעזידענט, זאָגנדיג אַז דאָס איז "אַ בעדזש פון האַנאַר" אַז ער שטעלט זיך אַרויס קעגן דעם אויטאָמאַטישן רוב וואָס איז קעגן איזראַעל.
*
אגב, דאַרף אויך באַטאָנט ווערן מיט ווייטאָג אַז פּרעזידענט אָבאַמאַ האָט באַצייכנט איזראַעל אַלס "אידישע שטאַט." אָנהייב אין זיין פּרעזידענטשאַפט האָט ער זיך צוריקגעהאַלטן פון עס רופן אַ אידישע מדינה. צום באַדויערן האָט ער עס לעצטנס געטוישט, צו חנפ'ען די ציונים, וועלכע ווילן דייקא אז מ'זאל דאס רופן מיט דעם נאמען – אידיש שטאַט – מיט זייערע טיפע בייזיליגע כוונה אַריינציציען אַלע אידן אין זייער שיף און אַז אַלע אידן זאָלן ליידן פון די שנאה וואָס זיי זייען אָן אין די וועלט. און זיי רייבן זיך איצט די הענט אַז עס איז זיי געלונגען. איוואַט ליבערמאַן דער אויסגעשפּראָכענער ראַדיקאַלער מיניסטער, האָט געזאָגט נאָך אָבאַמאַ'ס רעדע: "פאַר אונז איז די פּאָזיטיווע אַספּעקט אַז ער האָט געזאָגט אַז איזראַעל איז אַ אידיש לאַנד."
דאָס איז דער זעלבער מיניסטער וואָס וויל לייכטער מאַכן אַריינצוברענגן רוסישע גוים אין לאַנד. אָבער ווען עס קומט פאַר די וועלט וויל ער מ'זאָל זיי אידענטיפיצירן אַלס אידישע מדינה, אָנצוזייען שנאת ישראל ה"י.
*
דערווייל רייסט זיך פּרעזידענט אָבאַמאַ איין מיט די פּאַלעסטינער און רוב לענדער אין די יו.ען., צו וועטאָאירן אַ פּאַלעסטינער שטאַט. דערמיט נעמט זיך פּרעזידענט אָבאַמאַ אָן פאַר איזראַעל מער ווי רוב פון איר אייגענע בירגער. די ציונ'יסטישע דזשערוסעלעם פּאָוסט האָט היינט געברענגט אַן אַנקעטע אַז 69 פּראָצענט איזראַעלישע בירגער זאָגן אַז אויב די יו.ען. שענקט די פּאַלעסטינער אַ שטאַט, זאָל עס זייער רעגירונג אַנערקענען.
פּרעזידענט אָבאַמאַ שטעלט זיך אָבער אַרויס דערקעגן - ווערנדיג איזאָלירט פון די וועלט, און מער פאַרפיינטעט ביי די אַראַבישע וועלט וועלכע ער האָט ביז איצט פּרובירט – פאר יעדע פרייז - צו מאַכן מער סימפּאַטיש צו אַמעריקע - צוליב דרוק וואָס ער שטייט אויס פון די אידישע מויל מאַכער אין אַמעריקע. עס איז קלאָר אַז דאָס זיין געצווינגען צו נעמען אַזעלכע עקסטרעמע שריט, איז אים גאָר אַ ביטערער פיל וואס ער קען שווער אראפשלינגען, דאס ענדיגט זיין גאנצער חלום וואס ער האט געהאט אריינקומענדיג אין אמט, אבער א ברירה האט מיט די עזין שבאומות?!.
*
פון די אנדערע זייט, אַנערקענען שוין די איזראַעלים אַז נתניה גייט מיט'ן קאָפּ אין וואַנט אַריין; און די אַלגעמיינע אַמעריקאַנער אידן אַנערקענען שוין אויך אַז עס האָט נישט קיין זין צו קריטיקירן אַ פּרעזידענט וועלכער פאַרטיידיגט די מדינה קעגן זיינע אייגענע אינטערעסן.
די אָרטאָדאָקסישע אידן זענען געבליבן די איינציגסטע וואָס מ'זעט איצט פיגורירן אַלס די גרעסטע קריטיקירער וועלכע שרייען אַז פּרעזידענט אָבאַמאַ איז נישט פּראָ-איזראַעל.
די וואָך איז פאָרגעזעצט געוואָרן אויף נאָך העכערע טענער די שטאַרקע מידיאַ דעקונג וואָס האָט זיך אָנגעהויבן פאָריגע וואָך, מיט די ערוועלונג פון באַב טוירנער צו קאָנגרעס אַדאַנק אָרטאָדאָקסישע שטימען פון ברוקלין, וואָס איז אויסגעטייטשט געוואָרן אין די פּאָפּולערסטע נייעס קוועלער "אַלס נקמה פון אידן קעגן אָבאַמאַ" פאַר זיין נישט גענוג שטיצן איזראַעל.
די וואָך האָבן אַ גרופּע ארטאדאקסישע אידן מיט בערד, ענטפאַנגען דעם רעפּובליקאַנער גאָווערנאָר קאַנדידאַט ריק פּערי אין ניו יאָרק, וואו ער האָט אַראָפּגעריסן פּרעזידענט אָבאַמאַ פאַר זיך נישט גענוג אַרויסשטעלן לטובת איזראַעל. ער האָט פאַרשפּראָכן צו ערלויבן איזראַעל צו בויען ישובים, און נאָך אים האָבן גערעדט דער באַוויסטער אָרטאָדאָקסישער מתנחל'ישער אַסעמבלימאַן וועלכע האט אַרויסגעטרעטן און גאר שארף געטאַטעלט דעם פּרעזידענט. דאס איז דאך זיין אויפגאבע מאז ומקדם צו ברעננען די פיס פאר די אידן אין אמעריקא.
אַ ריזיג בילד ווי פּערי האַלזט זיך מיט אַ איד מיט אַ באָרד, וואָס האָט באַהאַנדעלט זיין גאָר שטאַרקע שטיצע פאַר איזראַעל און קריטיק קעגן אָבאַמאַ, האָט נעכטן באַצירט דעם פּאָפּולערסטן פּאָליטישן נייעס קוואַל פּאָליטיקאָ.
ליידער שטעלט עס אַריין חרדי'שע ברוקלינער אידן אין ספּאַט-לייט, און עס קומט אַרויס מיט'ן שטערקסטן התגרות באומות....געוויסע צייטונגען צייגן שוין אָן אז די ארטאדאקסישע אידן שפילן א ערענסטע ראלע אין די יעצטיגע וואלן קאמפיין , און זיי זענען די מערסטע עקסטרעים און ראדיקאל. עס האָט שוין דערגרייכט אַזוי ווייט, אַז דער נייעס קוואַל 'יעשיוואַ וואָרלד,' וועלכער איז געפערליך ציונ'יסטיש געשטימט, האָט שוין אַנערקענט אַז דאָס איז סכנה. זיי האבן שוין עפעס עפעס אנגעפאנגען צו דערהערן, און עטוואס מעתיק די ווערטער וואס נטרונא איז מפרסם.
עטליכע קאָמענטאַטאָרן דאָרט האָבן שוין אויפגעהויבן אַ וויי-געשריי פאַרוואָס אָרטאָדאָקסישע אידן שפּייען דעם פּרעזידענט אין פנים אַריין, נאָך דערצו ווען ער איז דאָ אין ניו יאָרק. "וואָס האָט פּאַסירט מיט למה תתראו? מיט'ן גלות?" פרעגן זיי. זיי שרייען אויך אַז דאָס איז אַריבער אַ גבולים, און אידן דאַרפן ווייזן איינגעהאַלטענקייט קעגן אַן אייגענעם פּרעזידענט אין גלות, און זיך נישט וואַרפן אין די אויגן פון די גוים. אַ דריטער ווייזט אָן אַז דער פּרעזידענט איז איצט וועלכער וועט אָפּשטעלן די שטימע אין יו.ען. ווי אַזוי קען מען אים אַטאַקירן אין אַזאַ צייט? דאָס פאַרשוואַרצט די פנים פון אַלע פרומע אידן אַלס חיות און מטורפים, וואָס אַלעס וואָס מ'טוט פאַר זיי איז נישט גענוג און זיי זוכן בלויז צו קריטיקירן און זיין כפויי טובה.
ווי פארשטענדליך טוהן מיר זוכן בכלל נישט אינטעדעפעצירן מיט זייערע מיינונגען, און זיי האבן נאך גאָר א ווייטען וועג צוגיין, אבער דאס ווייזט עד היכן הדברים מגיעין אז אפילו דער בקצה המחנה האָט זיך שוין ערוועקט אַז די אַזוי גערופענע חרדי'שע פאַרטרעטער, זענען פאַררעטער. זיי פאַרראָטן כלל ישראל מיט זייערע ראַדיקאַלע פּאַליסיס.
נטרונא אַרבעט אָפּצושלאָגן דעם שרעקליכן חרון אף אויף אַ רייע פראָנטן, אַריינגערעכנט דורך זיך פאַרבינדן מיט די פּרעסע און זיי אָנצייגן אַז די ראַדיקאַלע מויל-מאַכער פאַרטרעטן נישט כלל ישראל. עס איז א מצב פון א אוזן קשבת און מקען אנקומען גאר ווייט יעצט בעז"ה, ווי אויך ווייזט מען אָן אויף די צענדליגער טויזנטער שלומי אמוני ישראל דאָהי אין איזראַעל וועלכע זענען קעגן די רייצארישע רעטאריק. גלייכצייטיג נעמט מען אונטער אַ ברייטע עפנטליכע קאַמפּיין אויפצוקלערן די אַלגעמיינע גאַס די שטעלונג פון ערליכע אידן.........פונקטליכע דעטאלען וועלן נאכפאלגען אין די קומענדיגע באריכטען.....
די קאמפיין נומבער ארויסצוהעלפן, אז די קריטיש וויכטיגע פעולות זאלן נמשך ווערן איז
718 887 9339
פרטים יבואו
*
אין אנדערע באריכטען - איז היינט געמאָלדן געוואָרן אַז דער אייראָפּעער אידישער קאָנגרעס האָט אָנגעהויבן צו אַגיטירן ביי די אָרטיגע אידישע פירער צו רופן זייערע רעגירונגען צו שטימען קעגן דעם פּאַלעסטינער שטאַט אין די יו.ען.
ביז היינט פלעגט מען נישט הערן אַז די אייראָפּעער אידענטום זאָל נעמען שטעלונגען אין אַזעלכע אישוס, און דאָרט איז די געפאַר נאָך באַלדיגער אַז עס זאָל חלילה נישט אויפרייצן די גרויסע אַראַבישע באַפעלקערונגען און בכלל די אַלגעמיינע באַפעלקערונג וועלכע איז מער פּראָ-פּאַלעסטינער. עס איז קריטיש אַז אייראָפּעער אידן זאָלן רופן זייערע געמיינדע פירער אויפצוהערן צו נעמען אַזעלכע שטעלונגען און זאָלן נישט אָנהייבן נאָכמאַכן די אַמעריקאַנער ציונ'יסטישע לאַבי, וואָס קען געפערליך אָנרייצן שנאת ישראל אין דאָרטיגע לענדער.
*
רמלה - דער מצב אין די פּאַלעסטינער גאַסן ווערט שוין ליידער אָנגעהעצט. היינט – צו די עפענונג פונעם דזשענעראַל אַסעמבלי - זענען שוין די גאַסן פול געווען מיט טויזנטער דעמאָנסטראַנטן און דאָס זעלבע איז ערוואַרט אינעם מערב ברעג ביז סוף וואָך. זיי לאָזן שוין פלאַטערן די פענער, ווי צו צייגן אַז זיי קענען קוים וואַרטן צו האָבן אַן אייגענעם פאָן.
גלייכצייטיג קומען אַלאַראַמירנדע וואָרענונגען פון די פּאַלעסטינער, אַז בלויז אַן אָפּשטימונג פאַר זייער שטאַט וועט צוריקהאַלטן פרישע געוואַלדטאַטן און טעראָר אַקטן.
עס איז קלאָר אַ צייט פון מדינות מתגרות זו בזו, מדאַרף'ן מתפלל זיין אַז אידן איבער די וועלט זאלן ניצול ווערן מכל צרה ועקתא, די ממשלת הרשעה זאל בטל ווערן מתוך רחמים וחסדים, און מ'זאָל שוין בקרוב זוכה זיין צום וְתִמְלוֹךְ אַתָּה הוּא ה' אלוקינו מְהֵרָה לְבַדֶּךָ, עַל כָּל מַעֲשֶׂיךָ, בְּהַר צִיּוֹן מִשְׁכַּן כְּבוֹדֶךָ, וּבִירוּשָׁלַיִם עִיר קָדְשיך בב"א.
•♦•
