רבינו שליט"א האלט זיך אויף אין "נארט מיאמי" אויף א קנאפע צוויי וואכן, נאך יארן וואס די גבאים און מקורבים בעטן זיך אז רבינו שליט"א זאל אוועק פארן נאך די עבודה פון תשרי, וואס חוץ די 24 עבודה ברוחניות און בגשמיות האט דער רבי געדארפט דאס יאר אהער שטעלן די ישיבה גדולה מיט איר אומנאטורליכע וואוקס כ"י, מיט נאך צענדליגער פרישע איינגעשטעלטע, די פרישע פליגל פון ישיבה קטנה ח"ג וואס האט זיך יעצט אריבערגעצויגן אין א ניי פלאץ, די נייע הערליכע מוסדות הקדושים אין בארא פארק, חוץ פון די יערליכע ארבעט פון די פארצווייגטע סאטמארער מוסדות איבער די וועלט וואס בליען קע"ה מיט זעלטענע סייעתא דשמיא..
דער רבי פלעגט נישט וועלן גיין אין מרחקים, ספעציעל נישט אויף פלעצער וואס אין רוח חכמים נוחה, פלעגט ער גיין אויף אפאר טעג אין מחנה דברי יואל וכדומה, וואו מענטשן פלעגן כסדר שטערן מיט וויכטיגע זאכן, אצינד האט רבינו שליט"א מסכים געווען צו גיין אין דעם שטילן שטעטל "נארט מיאמי" ווייט אוועק פון די פריצות'דיגע פלעצער, ווי מ'זעט בלויז הימל גראז און ביימער, חסידי סאטמאר האפן אז יתחדש כנשר נעוריו, און מיר ווארטן בכליון עינים אויפ'ן צוריקקער פון רבי'ן שליט"א בקרוב אי"ה.
 |
|
|
