ווי באקאנט האבן די פאלשע קנאים פון וומ"ס זיך אריינגעמישט אין א נושא וואס בי"ד העדה האט געשיקט צו די"ת, און ארויסגעגעבן א קול קורא קעגן די גור'ע וועגן די בתי וורשא מערכה.
אין די צייט וואס דארט שלאגט מען זיך אויף א שטיקל קרקע, און אפגעזעהן ווער עס איז גערעכט אין די פוילישע סכסוך, זענען ביידע צדדים אייניגע מערדער, ווי מען קען זיך איבערצייגן פון די קליפ'ס וואו מען זעהט וואס די סיקריקים האבן אלס דארט אפגעטוהן פארן אויבערשטנס וועגן, פארברענט דירות, און געשפריצט טרערן גאז, און באפאלן אלמנות אין זייערע הייזער, אוטן וואס נישט, אבער היות די סיקריקים האבן באשטימט אז דאס איז א מערכה למען כבוד שמו יתברך, האט זיך די בג"ץ ד'וומ"ס צוגעשטעלט דערצו אן קיין פראגן.
אצינד וויל איך אויפמערקזאם מאכן די עשקני"ם, אז עס איז צייט פאר א פרישע קול קורא.
הערט וואס עס האט פאסירט:
פארגאנגענעם פרייטאג האבן די טעכטער פון די סלונימער געהאט די זכיה צו כאפן א מתנת חינם פון די הייליגע סיקריקים, ווען זיי זענען אריבער די מאה שערים גאס, גייענדיג מיט שייטלען, און עס האט זיך געעפנט א פענסטערל פון א שטוב וואו עס וואוינט א הייליגע סיקריק, און פון דארט האט מען אראפגעגאסן... "אויל" אויף די קעפ פון די פרויען.
למען כבוד שמו יתברך...
זענען געקומען סלונימער אינגעלייט, און אן קיין רחמנות, וווי פאלנע רשעים, אריין אין יענעם הויז פון וואו די הייליגע אויל האט זיך געגאסן, און אנגעמאכט דארט א חורבן, צובראכן ווענט און איבערגעדרייט דאס גאנצע הויז.
רשעים ארורים...
וואו איז די קול קורא קעגן סלונים? יאללא...
