דראמא: וויענער רב שטעכט אריין מעסער אין לב אהרן

זיין מיינונג איז קיין מיינונג עס גייט דעם עולם גארנישט אן וואס ער זאגט און האלט, די רעדע איז דא פון זיין כח און פון זיין פסק הלכה, אמאל האט מען געציטערט פון זיינס א ווארט און היינט נישט, אפילו רבנים ווייזן שוין היינט אז זיין מיינונג איז קיין מיינוג און שניידן אים אריין ביזן זיבעטען ריפ.

צי די וואס טענה'ן אז די כח איז וויליאמסבורג איז צובראכן געווארן וועגן די עירוב: איר האט א גרויסע טעות די כח אין וויליאמסבורג איז נישט צובראכן געווארן נאר טאקע ביים א.ג. עירוב שטעלט זיך ארויס וואספארא כח סאטמאר האט.
 
אין הכי נמי עס זענען דא געציילטע מענטשן וואס טראגן יא - אבער די וואס טראגן יא זענען טאקע די פון שוואכסטע און גרעסטע אפפאל ליידער, אבער פון די אנדערע זייט וועט איז פאקטיש נישטא קיין איין איינציגע רב וואס טראגט מיטן עירוב, האט איר שוין געזען איין איינציגע ר טראגן שבת? נאך מער, איז דא איין איינציגע רב וואס האט שוין געזאגט "מען מעג טראגן אין וויליאמסבורג!" ?? אלעס מעשיות וואס מען פארקויפט אז דער האט געהערט פון זיין שכן'ס שוואגער אז ר' פישעלע הערשקאוויטש לרפו"ש לאזט טראגן (איך גיי נישט אריין אין דעם ווי גוט ער איז מיט סאטמאר וואס דאס פארלאנגט א אפהאנדלונג פאר זיך).

דא רעדט מען פון דעם כח וואס ר' אהרן האט אמאל געהאט און יעצט פארלוירן איבערהויפט נאך וואס די רבנים איינס ביי איינס גייען יא צום חתונה אפילו עס איז דא א קלארע פסק פונעם פעיראל דיין אז מען טאר נישט גיין ווייל עס איז נישט ר' אהרן'ס טעיסט. משא"כ ווען סאטמארע רבי זצ"ל האט געזאגט מען טאר נישט גיין צום בחירות האט זיך קיינער נישט איינגערעדט אז קיינער גייט טאקע נישט גיין.
 
מען האט נישט געמאכט קיין פנקס, און נישט געווארפן פאשקעווילן אויף די וואס גייען יא צום בחירות. אבער אין קרית יואל ווי ר' אהרן איז יארן לאנג געווען אויפן בענקל און אנגעשראקן אלע וואס האבן געטאן אנדערש ווי זיין טעיסט האט זיך קיינער נישט געוואגט צו גיין קעגן זיין רצון. היינט קען מען זאגן קלאר אז ר' אהרן'ס כח איז צובראכן געווארן נישט נאר די מענטשן פייפן און לייכן פון אים נאר אפילו די רבנים לאכן אויך פון אים און גייען יא צו חתונות אפילו לשיטת הפעיראל דיין און לאוב איז אסור צו גיין.