זאלונים צייגן געפיהל צו קנאות ביי דורכגעפאלענע עצרת א' ויק"פ

נאכן לעצט-געווארענער שידוך צווישן די הייליגע זאלונים-פראקציעס און נטורי קרתא פון אר"י, איז נעכטן פארגעקומען די "תנאים" צו דעם שידוך, ווען עס איז אפגעהאלטן געווארן א עצרת רבתי אין ראדני סטריט לטובת די כולל פון לובעצקי, מראשי נטורי קרתא באה"ק, וואו עס איז געווען ערוואטעט די באטייליגונג פון פילע טויזנטער "אמתע" סאטמארע חסידים, וועלכע האבן געזאלט צייגן זייער הייסע ווארימקייט צו די אמת'ע קנאים.

דער מעמד איז טאקע געקרוינט געווארן מיט א געוואלדיגע סוקסעס, ווען עס האבן זיך באטייליגט אלע חסידי הגז"ל ביי וועמען קנאות פארנעמט אן ארט, על אפם וחמתם פון די רעדאקציע פון דער איד, און דער ציבור איז געשאצט אויף קרוב צו דריי הונדערט! (300) כן ירבו.

פאר אונז תושבי וויליאמסבורג דארף מען דאס נישט דערציילן, אבער פארן ברייטן ציבור איז גוט איבערצוגעבן אז די לעצטע פאר טאג זענען אונזערע גאסן געווען באגאסן מיט ריזיגע פלאקאטן פון אלע סארטן, מיט אויפשריפטן וועלכע רופן איינמאל פאר אלעמאל צו דעמאנסטרירן אונזער גרייטקייט פאר די שיטה הקדושה, דורכן שטיצן די ערליכע אידן און זיך קומען באטייליגן ביי א מעמד קבלת פנים לכבודם פון א דעלעגאציע פון רבנים וראשי כוללים.

למען הטראסק האט מען אויך צוגעלייגט, אז דער גאב"ד ירושלים אליינס וועט אויך אויפטרעטן דורך א הוקאפ.

בנוסף לזה, איז דער "קבלת פנים רבתי" אויך געווען געווידמעט לכבודו פונעם מנהיג הדור הרב שמידל שליט"א, א זאך וואס האט אויך צוגעגעבן א בוסט און ווארימקייט ביי די ערליכע רייען זיך צו באטייליגן אין די מאסן ביי דעם עצרת רבתי.

דער עצרת האט בעיקר געזאלט דינען ווי א הכתרה פאר די אינערליכע סיקריקים פראקציעס אינערהאלב די זאלונישע פארטיי, (וועלכע פירן א קאמפ מיט משה גבאי, דער איד און אצינד שוין אויך דער אוצר, ואכמ"ל), און זיי האבן באשלאסן אויסצונוצן דעם געלעגנהייט צו צייגן ווער עס פירט די פארטיי, און דעמאנסטרירן אז זיי האבן דעם ציבור אין די הענט. 

פאר די סיבה זענען אלע קנאים פראקיצעס געווען פאראייניגט, אז מען מוז דא איינמאל פאר אלעמאל דעמאנסטרירן א גוטס, און הייבן די געשלאגענע געמיטער פון די צומישטע זאלונים וועלכע ווייסן נישט וויאזוי אפצוטייטשן די לעצטע טעגליכע סתירות בהלכות קנאות, א זאך וואס קען חלילה שעדיגן די קנאות'דיגע מאנטל פון די פארטיי און צוברענגען אז די גאנצע באלון זאל פלאצן (א געפלאצטע באלון קען נאך פלאצן? מי יודע...), און מען האט זיך פאראייניגט צו צייגן אז די "עכטע קנאים" זיי זענען די מנהיגי הפארטיי.

דעריבער איז דער מעמד פראפאגאנדירט געווארן סיי דורך די "SatmarHQ" פראקציע אויף טוויטער, סיי דורך די "חומת הדת" פראקציע אויף זייער האטליין, און סיי דורך די "אתרא קדישא/נטורי קרתא" פראקציע אויף זייער האטליין (וועלכע איז אויפגעשטאנען תחיית המתים מיט 2 וואכן צוריק ספעציעל צו דעם גרויסן געלעגנהייט).

אלזא, היינט א טאג דערנאך, הערשט א גרויס פרייד ביי די עסקנים, אז נאך גרויס מיה און פלאג, נאכן אויסגעבן א געשאצטע עשרים אלפים ככר פארן מעכטיגן קאמפיין, האט מען ב"ה זוכה געווען אפצורעכטן אזא סוקסעס, ווען יעדע טיש אין ראדני האט פארמאגט באזונדערע 3 אקופירער!, און נאכדעם וואס אלע שטיבלעך זענען געווען פארמאכט, און די בלעמער איז געבליבן אויף זיין פלאץ, האט מען ב"ה מצליח געווען אז אזויפיל ווי 300 ערליכע זאלונים זענען געקומען ראטעווען די מצב, און טיילווייז אנפילן דעם פארבליבענעם חלק פונעם גרויסן ביהמ"ד.

דאס איז געווען א געוואלדיגע חיזוק פאר די עסקנים, זעענדיג אז מיט שווערע געלטער קען מען נאך היינט צוטאג מצליח זיין צו פאראייניגן 300 זאלונים וועלכע זענען געטריי פאר די "זאך", פאר די "נקודה"!, און מען לאזט זיך נישט פארפירן פון די זעלבסט-געקרוינטע פירער וועלכע ווילן אוועקפירן די פארטיי נענטער צו סאטמאר'ע נארמאליזים...

די עסקנים דרוקן זיך אויס מיט צופרידנהייט: משה פר"מ האט אונז גאראנטירט א ליידיגן ביהמ"ד, און מיר האבן באוויזן אויסצושפילן דעם צורר היהודים, און אזויפיל ווי "קרוב צו האלב זיצן" זענען למעשה געווען באזעצט! 

לא אלמן ישראל.

============

(נ"ב: די פרעסע פארבאט אויף די בילדער וועט האפנטליך אראפגענומען ווערן אין די נאנטע טעג, ביטע ווארטן מיט געדולד. מיט אנטשולדיגונג, העסקנים.)

גראדע בין איך א מעמבער אין 17 פראקציעס, דאס איז קנאפ א נפק"מ. איך וויל אבער פארשטיין פארוואס נאר פייוובארא איז קעגן שיקן געלט פאר טייערע כולל אינגעלייט, ווען להבדיל אלף אלפי הבדלות כ"ק מרן גאב"ד ירושלים שליט"א שפירט יא פאר וויכטיג צו שרייבן א בריוו בכתי"ק אין שטיצע פונעם כולל, און האט גערעדט אויף א הוקאפ זונטאג נאכט מ'זאל דעם כולל שטיצן. וואס האבן די טייערע כולל אינגעלייט זיך פארזינדיגט פאר פייוו בארא אז זיי דארפן אויסגיין פאר הונגער?

די זאלונים שיקן געלט צו ליידיגיין אגאנצן טאג, פארברענען מיסט קאסטענעס און צעברעכן טראפיק ליכט.

ארונים שיקן געלט פאר ועד חינוך הטהור שע''י עדה החרדית און פאר מערכות קעגען גיוס בני הישיבות

נו מילא, אהרונים אין אלגעמיין איז דאך דא עטליכע אין פופציג טויזענט און זאליס נאר עטליכע הונדערט. וואס האט ער טענות? ‎​
 
והשנית פארוואס ווען די זאליס שיקן געלט קיין ארץ ישראל הייסן זיי סיקריקים, און ווען די אהרונים שיקן הייסן זיי מסירות נפש אידן?

לכאורה באדערט אים אז נאר פון די ארונים האט מען צוזאמענגעשטעלט און אריבערגעשיקט קיין ארץ ישראל 50 טויזענט דאללער פאר די מערכה קעגען גיוס בני הישיבות, און די זאליס פטר'ן זיך מיט קליין געלט.