ביקור קודש אין מאנטריאל
ערשטן טאג – יום א' פ' קרח
היינט – זונטאג אינדערפרי האט מרן רבינו שליט"א געדאווענט שחרית גאנץ פריה בביהמ"ד הגדול אין קרית יואל ווי דער רבי שליט"א האט געלייגט תפילין פאר הבחורים חתני הבר מצוה, הב' בן מוה"ר מנלי' שעהר הי"ו פון וויליאמסבורג, און הב' חתן הבר מצוה בן מוה"ר יצחק שטויבער הי"ו פון קרית יואל. פאר'ן דאווענען איז פאהרגעקומען דער ברית לבן הנולד לר' שלמה אהרן סופר הי"ו פון קרית יואל.
•♦•
ארום 9:45 האט זיך דער פריוואטער פליגער וואס האט געפירט מרן רבינו שליט"א אויף קאנאדע געהויבן בשטומ"צ פון סטוארט לופט-פעלד, און דער פליגער האט בעזהשי"ת געלאנדעט אין די פריוואטער "סקיי סערוויס" אפטיילונג אינע'ם דערוואל לופט-פעלד.
אנקומענדיג אין לופט פעלד האבן שוין אפגעווארט אן ענגער צאהל חשובי אנ"ש וועלכע האבן שלום גענומען פון רבי'ן שליט"א און תיכף פון דארט איז דער רבי שליט"א געפאהרן אויף קרית טאהש ווי דער רבי שליט"א האט אפגעשטאהט א באזוך ביי כ"ק אדמו"ר מ'טאהש שליט"א ולרפו"ש.
ביי דעם באזוך איז אויך אנוועזענד געווען בנו הגה"צ אב"ד טאהש שליט"א, הגה"צ ראש הכולל ד'קרית טאהש שליט"א חדב"ן האדמו"ר מ'טאהש שליט"א, און הגה"צ ר' יואל צבי מאשקאוויטש שליט"א דומ"ץ ד'קרית טאהש, ווי עס איז אנטוויקעלט געווארן גאהר א שיינער שמועס בסיפורי צדיקים און איבער די שטעטלעך אינדערהיים.
נאך א לענגערע שמועס האט דער טאהש'ער רבי שליט"א פארטיילט פירות און דאן האט מען זיך ווארעם געוואונטשן און דער טאהש'ער רבי שליט"א ארויסבאגלייט מרן רבינו שליט"א ביז צו די טיר.
פון דארט איז דער רבי שליט"א געפאהרן אויף מאנטריאל ווי דער רבי שליט"א האט צוערשט באזוכט ביי גיסו הגה"צ אב"ד דקהלתינו מאנטריאל שליט"א ווי דער רבי שליט"א איז געווען פארשפארט פאר א לענגערע צייט, און דאן האט זיך דער רבי שליט"א אומגעקערט לבית האכסניא אין שטוב פון הרבני החסיד מוה"ר ברוך אברהם פערלמוטער הי"ו.
אין די אכסניא זענען געקומען די משפחת ראפאפורט החשובה מיט'ן ספר תורה וואס ווערט דורך זיי היינט אריינגעגעבן צום ביהמ"ד דקהל יטב לב אויף די האטשיסאן גאס, ווי דער רבי שליט"א האט גומר געווען דעם ספר תורה און דערנאך האט מען געטרינקען לחיים.
אצינד אין די נאכמיטאג שעה'ן באזוכט דער רבי שליט"א ביי די רבני העיר שליט"א.
די ווייטעריגע באריכטן וועלן אי"ה נאכפאלגן.
•♦•
ביקור קודש
פון מרן רבינו שליט"א אין קאנאדע
חלק א'-
בילדער דורך: משה שפירא
פריוואטער פליגער וועלכע'ס האט געפירט מרן רבינו שליט"א
לאנדעט אין לופט פעלד אין קאנאדע
הרה"ג ר' מענדל ווערצבערגער שליט"א דומ"ץ ד'קהלתינו
און נאך נכבדי אנ"ש נעמען שלום פון רבי'ן שליט"א אין לופט פעלד
♦♦♦
