א שרעקעדיגר שנארער וואס לאזט נישט נאך...
דער נודנאק איז שוין ווידער דא!
טייערע אידן, אפשר העלפט איר מיר דא מיט אן עצה.
איך וואון אין וויליאמסבורג, די לעצטע פאר וואכען האב איך נישט קיין מנוחה.
עפעס א געוויסער גרוש, א הויכער מאן, שטארק באוואקסען און מיט א גאר א פרומער טראגע, לאנגע פיאות און א מאיומדיגער צורה, א גאקאנטער פיגור פון די וויליאמסבורגע נשמהלעך. האט זיך אראפגעלאזט אויף מיין געגענט, ער לויפט פון איינעם צום צווייטען פאר גרויס געלט. פרעגט מיך נישט פארוואס ער דארף אזויפיל געלט, אבער זיין געשליפען נוסח איז אז ער גייט ארום פאר א בנש"ק, א הייליגער משפחה וואס לעבט און שווערע אומשטענדן מיט גאר גרויסע חובות.
אין אמת'ן גייט שוין דער גרוש ארום יארן לאנג נאך געלט, אייביג מיט אן אנדערן אויסרייד, אבער אין די לעצטע פאר וואכען האט ער זיך פארלייגט דייקא אויף מיין גאס. ער איז מוראדיג ווילד און אגרעסיוו אין זיין צוגאנג ארויסצושלעפן געלט, יעדער נאכט ווען איך קום אהיים צו מיין דירה, איך נעם מיך ארויס די שליסלען צו עפנען מיין טיר, שפראצט ער מיר ארויס ווי פון אונטער די נאז, פרעגנדיג ווי וואונט דער און דער? ווען איך ענטפער אים אז קיינער וואונט נשיט דא. הייבט ער אן א שמועס און מיט זיין חנופה רייד, ביז ער קומט צום ווארט און בעט מיר פאר געלט. ווען איך ענטפער אים אז איך האב נישט ענטפערט ער מיר אז ער וועט מיך ארויפבאגלייטען ביז צו מיין הויז אויפזוכען עפעס ביים רעביצען געלט, ווען איך דריי מיך ארויס מיט אלע מיטלען דערלאנגט ער מיר א "האנט שעיק" אנציווינטשען א ברכה אז מארגען זאל איך שוין האבן...
וואס טוט מען דא? איך ווייס ער גייט קומען היינט. אפשר האט אייך שוין אויך באטראפן דעם אומגליק? ווער קען מיר העלפן?
 |
|
|
