| נשלח ב-18/11/2004 20:05 |
 |
| |
צום סיום פון 11'טער מחזור "דף היומי"
באריכטן אד"ג צום בעפארשטייענדן סיום פון 11'טער מחזור דף היומי.
ווער לערנט "דף היומי"?
ווער וואלט געוואלט לערן "דף היומי?
ווער האלט אז מען טאר נישט לערנען "דף היומי"?
ווער האט א מימרא פון גדול בענין "דך היומי"?
טראץ וואס "איך בין איין סאטמארער" בין איך אבער דאך איבערצייגט אז "דף היומי" האט געברענגט א רעוועלאציע אין עולם הקביעת עתים לתורה, און טויזענטער פשוט'ע אידן, ארבייטער, און פראפעסיענאלן דאקטוירים-לאיערס א.ד.ג. לערנען יעדן טאג א בלאט גמרא א דאנק די "דף היומי" אונטערנעמונג.
גאר א גרויסע וואוקס צום לערנען דעם דף איז צועקומען מיט די ערשיינונג פון די ארטסקראל גמרות, וואס ערמעגליכט פאר יעדן וואס האט נישט אדער האט נשט געקענט לענרען א בלאט גמרא, ספעציעל די אלע וואס האבן נישט געלערנן אין ישיבות אין זייער יוגענט אז זיי זאלן זיך אויך ערלויבן צו לערנען דעם דף, און שוערע טויזענטער לערנען היינט [דעם דף] אין דעם זכות.
|
|
|
|
| נשלח ב-18/11/2004 20:21 |
|
| |
ווער האט א מימרא פון גדול בענין "דך היומי"?
איך האב געהערט אזא ווארט:
ברויט איז גוט? אוודאי יא.
פוטער איז גוט? אוודאי יא.
וואס איז מיט הערינג? איז עס גוט? אוודאי יא.
אלזא, אז מען וועט אייך געבן א שטיקל ברויט + פוטער + הערינג, אבער א מייז האט אריינגעביסען דערין, וועסטו דאס וועלן? אוודאי נישט.
די זעלבע זאגן זיי אויף דעם דף היומי, גמרא איז פיין, און מיט רש"י נאך בעסער, ווער רעדט נאך מיט תוס' איז עס ממש געוואלדיג, אבער וואס קען מען טון אז א מייז האט אריינגעביסן דערין?
|
|
|
|
| נשלח ב-19/11/2004 04:42 |
|
| |
"משוגענער" איך האב אמאל געהערט א מימרא פון א חשוב'ן רב, אין א דרשה, ער האט געזאגט
אז מען לערנט תורה אפילו ס'איז נאכנישט אינגאנצן אויסגעהאלטן, למשל ס'איז נישט לשמה, ס'איז על מנת שיקרא רב, (אדער לעניננו ס'איז דף היומי) קען מען כאטש שפעטער תשובה טוהן, און ווערן אן ערליכער תלמוד חכם
אבער אז מען לערנט נישט!
אפילו מען וועט תשובה טוהן שפעטער
וועט מען בלייבן אן אלטער פרומער עם הארץ!!
ליבערשט זאל א יונגערמאן לערנען אביסל דף היומי, און לערנען א אידיש ווארט, ווי איידער זיך דרייען פוסט און פויערן, און נישט אנקוקן א יודיש ספר, אבער קיין "דף היומי" וועט ער חס ושלום נישט לערנען.
דו ווייסט גאנץ גוט אז ליידער זענען פארהאן בי אונזערע קרייזן אסאך אינגעלייט און אלטע לייט וואס קוקן קוים אן א אידיש ספר און אזא פנים האט זייער יודישקייט אויך, ווייל אז מען לערנט נישט, קען מען נישט זיין קיין ערליכער יוד. הלואי ווען עס זאל זיין א קנאות'דיגע אלטערנאטיוו צום דף היומי, אדער זאךלן זיי יא לערנען דעם דף און זיין אידן
|
|
|
|
|
| נשלח ב-19/11/2004 20:05 |
|
| |
בעל תשובה שרייבט: מען דארף מאכן א קנאות'דיגע "אלטערנאטיווע" צו דף היומי
ס'איז דא מערערע אזעלכע שיעורים, טראץ וואס קיינער איז נישט אזוי אויפגעכאפט מיט אזויפיל מיטלערנערס זיך צו פארמעסטן מיט'ן דף היומי
קהל יטב לב האט שוין יאר א חבר ש"ס צוטיילט אויף 2-3 בלאט א וואך
קרית יואל האט די שיעורים פון עזר התורה
קאשוי האט א בלאט וואס לויפט א בלאט א טאג חוץ פרייטאג-שבת איז נאר אן עמוד
תולדות אברהם יצחק האט א דף-הקהלה
טאהש האט אמאל געהאט א עמוד יום ביומו, און היינט איז דאס דריי בלאט א וואך, חוץ ימים טובים וואכן ווען ס'איז "חצי שיעור", זיי האבן לעצטענס געמאכט א סיום הש"ס אזוי איז געשטאנען באשריבן ערגעץ
ס'איז זיכער דא נאך, אדרבה ס'איז א גוטע געדאנק צו מפרסם זיין די אלע שיעורים אז יעדער זאל וויסן דערפון און זיך קענען קלויבן וועלכע ער ווילט מיטהאלטן, להגדיל תורה ולהאדירה.
ווער ס'האט אינפארמאציע פון שיעורים - אזוי ווי דער דף - זאל דאס דא מפרסם זיין לתועלת הרבים
אז איר האט א "לוח" פון א שיעור לייגט דאס ארויף אדער א לינק.
|
|
|
|
| נשלח ב-19/11/2004 21:30 |
|
| |
אין סאטמאר איז אמאל געווען א איסור מיט חתימות צו לערנען דעם דף יומי?
|
|
|
|
| נשלח ב-22/11/2004 00:37 |
|
| |
מקורת זאגן (נישט קאנפירמט) אז מ'האט גערופן כ"ק בעלזאר רב שליט"א זאל זיין דער אורח הכבוד.
ניו יארק'ער גרייטס ענק צו צום קומען פון רב שליט"א.
|
|
|
|
| נשלח ב-22/11/2004 00:41 |
|
| |
עמעצער װייסט וואו מען קען באקומען טיקעטס צום סיום?
|
|
|
|
| נשלח ב-22/11/2004 00:46 |
|
| |
בדרך צחת:
מ'זאגט נאך דאכטזעך מיר פון הגאון ר' מאיר שפירא זצ"ל מייסד פון דף היומי, אז מ'האט עם אמאל געפרעגט אז מ'זעהט אז דער עולם שלאפט ביי דף היומי איז וואס איז די אויפטוה דערפון?
האט ער גענטפערט.
וואס איז די חילוק אז איינער פארט מיט א טרעין אדער ער פארט מיט א וואגן, און א וואגן אויב ער שלאפט קען ער נישט פירן ווייטער דעם וואגן, און א טרעין אפי' אויב ער שלאפט קומט ער נאך אלץ אן.
די זעלבע זאך איז מיטן דף היומי ער שלאפט טאקע באט ער פארט מיט מיטן טרעין.
[די מעשה האט מיר פארציילט אונזער'ס א מעמבער מוזיקאנט]
|
|
|
|
| נשלח ב-22/11/2004 00:54 |
|
| |
איינער ווייסט א לינק ווי מ'קען הערן דף היומי אויף אידיש אויפן נעט פון הג"ר מיכל זילבער שליט"א
כאב נאר געטראפן ענגליש אין היברעיש...
למצוה גדולה יחשב
|
|
|
|
| נשלח ב-22/11/2004 01:36 |
|
| |
מען זאגט נאך א משל פון א גרויסן גדול:
אז איינער האט פארקויפט פארדארבענע פיש, האט קיינער נישט געוואלט קויפן, איז ער געפאלן אויף א המצאה ער האט גענומען בלעטער פון די גמרא און איינגעפאקט דערין די פיש, ווען איינער האט געזאגט אז די פיש שטינקט האט יענער געשריגן "דו רעדסט אויף די גמרא!"...
לעניננו די אגודה האט גענומען דעם "דף היומי" צו דעקן דערמיט אלע זייערע שייגעץ שטיק, און דערפאר האבן זיך ערליכע אידן דערווייטערט דערפון.
למשל אין די ערליכע בעלז פון אמאל, האט מען נישט געקענט טרעפן אין בית המדרש די גמרא וועלכע מען האט דאן געלערנט אין דף היומי, מען האט פשוט באהאלטן די גמרות.
|
|
|
|
| נשלח ב-22/11/2004 03:06 |
|
| |
מכבי אש קרית יואל
לדעתי צריכים להחביא את כל הש"ס, הרי בכל מסכת אפשר להכשל לפחות פעם בשבע שנים באיסור דף היומי.
ואם תאמר מה נלמוד? הרי ידידינו משוגנר הוא גם קנאי גדול וגם חובב ספורט, הוא כבר יסדר קצת עיתוני ספורט, וכך ינצלו נפשינו מאיסור חמור של לימוד דף יומי.
|
|
|
|
| נשלח ב-22/11/2004 04:05 |
|
| |
kj
איך האלט אז מען דארף מאכען א פראטעסט קעגען די ווילאמסבורגער שולען וואס לערנעם דעם טרייפענער דף יומי.
תוקן על ידי - ליכטיג - 22/11/2004 4:11:59
|
|
|
|
| נשלח ב-22/11/2004 04:14 |
|
| |
|
|
|
|
| נשלח ב-22/11/2004 06:26 |
|
| |
און נאך א משל אויף דף היומי
אמאהל איז א פייגעל אריינגלאפען אין שטוב, דער בעה"ב כאפט אהן א גרויסע שטעקען און הייבט אן נאכלויפען דער פייגעל, דער פייגעל האט זיך געזעהן אין א גרויסע צרה, וואס טוט מען דא? איז ער געפאלען אויף א המצאה, זיך ארויף געזעצעט אויף'ן שענדעליער בלע"ז, און געקוקט אויף'ן בעה"ב מיט א נצחון, נו לאמיר זעהן, האק מיך יעצט.
דאס זעלבע מיט די אגודה, זיי האבען מורה באקומען פין די שטעקענעס, האבען זיי זיך אנגעכאפט אויף'ן דף היומי, און געזאגט מיט א נצחון, נו לאמיר זעהן האקט אונז יעצט.
אמת'ן גערעדט, היינט איז דף היומי מותר צו לערנען ווייל עס געהערט שוין נישט אזוי ווייט צו דער אגודה. אבער כל זמן עס האט געמיינט געבען שטיצע די אגודה און זיך מיט זיי אנשליסען, איז פאר די אידען וואס האבען געהאלטען אז די אגודה איז פארוויקעלט מיט דעות כוזבות, איז געווען אסור צו לערנען דף היומי.
די אלע "מעשים טובים" וואס די אגודה מעלדט און זייער צייטונג וואלטען פונקט אזוי געטוהען געווארען ווען עס איז נישט דא אן אגודה, ממילא זאלען זיי זיך נישט אזוי גרויסהאלטען.
די אגודה קומט נישט צו, צו דער קלענסטער חסידישער עסקן, יעדע קליינע זאך וואס זיי טוהען אויף טראמפייטערען זיי א גאנץ יאר, און בכלל וואס האבען זיי שוין אויף געטוהען אין די לעצטע צוואנציג יאר? (אוודאי נאך די מלחמה רעדט מען נישט).
 |
|
|
|
|
| נשלח ב-22/11/2004 07:51 |
|
| |
יוחי.
איך וועל מיך נישט אריינלאזן אין לענגערע וויכוחים איבער די אגודה. ביי מיר איז גענוג וואס גדולי ישראל צדיקים וקדושים הקודמים, ווצב"ש דער הייליגער בעלזער רב ר' ישכר דוב זי"ע האבן געהאלטן אז די אגודה איז חזיר טריפה...
במשך די יארן זייט די התייסדות פון די אגודה איז זי געפאלן עשר מעלות אחורנית, די ארגאניזאציע וואס איז מכלומר'שט געגרינדעט געווארן צו קעמפן אקעגן די ציונים זיי זענען היינט גרעסערע ציוניסטן ווי די פרייע...
די אלע סערוויסעס, אפילו רוחניות'דיגע, וואס אגודת ישראל שטעלט צו, איז גארנישט משנה, (סתם דיך צו דערמאנען האט להבדיל די טרויעריג בארימטע כאמאס ארגאניזאציע ספעציעלע אפטיילוגענען צו טיילן עסן פאר ארימע און נאך פארשידענע סערוויסעס, זיי ווערן נישט אויס רוצחים דערוועגן).
אז אגודת ישראל איז פארקויפט פאר די ציונים, און זענען געווארן די פאן טרעגערס פון התגרות באומות, וואס האב איך פון דעם וואס ער האט אונטערגעקויפט דעם באשעפער מיט א "דף יומי"?
די מאסן נומערן פון אנשים ונשים עס באטייליגן זיך ביי די אגודה חגיגות, כשר'ט אויך נישט דעם חזר פיסל...
מיר ווערן בכלל נישט נתפעל פון די אגודיסטישע פראפעגאנדע. ברוך הוא אלקינו וכו' והבדלינו מן התועים.
פרעגסט וועגן שמחת תורה אין סאטמאר, עס איז אמת אז סאטמאר גייט יעצט דורך א שווערן איבערגאנג, אבער זיי רואיג, סאטמאר גייט נישט אונטער...
מען וועט אי"ה דורכשוויצן די שווערע צייטן, (און וועלן לכאורה זיין עטליכע סאטמאר'ס) אבער מיר וועלן זיך ווייטער האלטן מיט עקשנות צום דרך פון גדולי ישראל הקודמים , און בלייבן ביי די ריינע אמונה.
די מסורת אבותינו זיך נישט מתחבר צו זיין מיט די אגודה, איז אסאך גרעסער ווי דער סיבאלישער נאמען "סאטמאר", און דער קאמף וועט נישט אונטערגיין...
והיה המחנה הנשאר לפליטה.
|
|
|
|
|
|
)
