*** טליתבייטעל ***
נשלח ב 21:27 28/11/2004
--------------------------------------------------------------------------------
צו אלע מיינע חברים דא אויף הייד פארק.
נאך פילע באראטונגען צווישן מיינע צוויי יצר'ס, בין איך געקומען צום פעסטן באשלוס אז איך גיי ענדליך אראפ פונעם אינטערנעט.
איך האף דאס אויסצופירן גענצליך אי"ה אין די קומעדיגע טעג ווען דער קאמפיוטער ווערט ארויסגעווארפן בשן ועין פון מיין הויז.
איך וואלט דאס נישט געטוהן ווען נישט מיינע חברים האבן אנגעהויבן צו מערקן אויף מיר פארשידענע שינויים וועלכע לאזט זיך נישט ארויסשרייבן אויפן פאפיר, די גאנצע אידישקייט איז געווארן ביי מיר אסאך קעלטער פון וואס איך בין געווען, און נעכטן האט מיר דאס מיין בני בית אנגעמערקט!.
נאכ'ן אריינקלערן גוט בין איך געקומען צום מסקנא אז דאס וואס די רבנים שרייען שוין אזוי לאנג וועגן די אינטערנעט האב איך ליידער געשפירט אויף די אייגענע הויט!.
ביים לערנען און דאווענען האב איך אויסגעקוקט ווי פלייש פון פריזער. און אזוי אויך ביי יעדע זאך. אגאנצען טאג האב איך נאר געקלערט פון הייד פארק און נאך סייד'ס וועלכע איך האב אנגעטראפן. די עיקר האב איך געקלערט פון מיינע צוויי סוקסעספולע מערכות וואס איך האב דא לעצטנס מצליח געווען אויף הייד פארק און איבערגעקערט א שטאט.
גלייבטס מיר דעם באשלוס קומט מיר אן זייער זייער שווער, איך געדענק נישט אזא נסיון אין מיין גאנצע לעבן. אבער טאקע דערפאר שרייב איך דאס ארויף דא ברבים, כדי אז ווען איך וועל עובר זיין דערויף זאל איך ווערן ללעג ולקלס. וכמבוא' בגמ' אצל המעשה דנורא דבי עמרם, אז ווען ער האט געהאט א נסיון האט ער געשריגן: א פייער ברענגט ביי מיר אין שטוב!, אזוי אז יעדער איז זיך צוזאמענגעלפאן האט ער זיך געשעמט עובר צו זיין.
איך שריי דא אויך:
א פייער ברענט!, א פייער ברענט ביי טלית-בייטל!, און יעצט ווען יעדער וועט זעהן מיין מיאוסע דורכפאל וועל איך זיך זיכער שעמען עובר צו זיין אויף מיין קבלה.
דאס שרייבן דא אויף הייד פארק און אויף אנדערע סייטס האט מיר גענצליך געמאכט פארגעסן אז איך בין א מענטש, דאס גאנצע לעבן איז מיר געווארן ווי איין שטיק אינטערנעט, ביינאכט האב איך זיך געחלומט פון דעם, צופרי ביים זיך ווייקן אין מקוה האב איך נאר געקלערט פון דעם, און אגאנצען טאג האב איך נישט עפעס אנדערש געקלערט.
איז ממילא זייט נישט ברוגז, נישט מיינע חברים און נישט מיינע שונאים דא, איך האב נישט קיין שום ברירה!, איך וועל אן קיין שום ספק ווערן פארגעהאלטן אויך אויף מיין ביז-איצטיגע אקטיוויטעטן אויפן אינטערנעט ביים בי"ד של מעלה, און אויך אויף ווייטער אויב גיי איך אן.
(נ.ב. די איינציגסטע זאך וואס איך בין באזארגט איז נאר די ר"ן דטיפת חלב וואס וועט יעצט בלייבן אן א אייגענטומער, איך בעט דעריבער די מנהלי הפורום אויסצומעקן יענע אשכול, אדער איבערנעמען די זכות דערפון און שטרענג קער נעמען אז די תנאים זאלן ווערן איינגעהאלטן -ביז יעצט האב איך שוין באקומען לערך 30 פארלאנגען אין תיבה אישית דערויף)....
*** עד כאן ****
אצינד שטעלט אריין אייערע צאתכם לשלו' וואונטשן אין דעם אשכול
כל הכבוד,
נו כורמיזא קען אויך א טעות האבען, איין נאכט ווען מ'האט געטשעט האט מיר זיידעיאנטשע א פרעג געטאן, ווען באנוץ איך זיך מיט טלית בייטעל און ווען מיט כורמיזא? האב איך אים געענפערט אז א 'טלית בייטעל' פאסט זיך בעסער פאר א 'אינגערמאן'. ווייזט אויס אז כ'האב געגרייזט.
נשלח ב-29/11/2004 00:18
כורמייזא
אדרבה
איפכא מסתברא
!!!!!!!!!!!!!!
נשלח ב-29/11/2004 01:50
טלית בייטל וואס איז דיין נייע ניק?
קענסט עס מיר שיקן אין ת"א אריין.
איך גיי מיך אי"ה אויך אריינציען אין אפיס, אזוי אז מיין שטוב וועט זיין אינטערנעט ריין בע"ה.
נשלח ב-29/11/2004 02:21
כל הכבוד טלית בייטל, עס איז א שווערע החלטה אבער אמאל פעלט עס אויס.
נשלח ב-29/11/2004 02:31
אשריך וטוב לך.
לו חכמה ישכילו, וואלטן מיר אלע געדארפט זיין דיינע נאכגייער.
נשלח ב-29/11/2004 02:37
כורמיזא
אבער וואס איז מיט גילוי??
געדענק, שמור לי ואשמור לך!
נשלח ב-30/11/2004 03:05
WAY 2 GO
נשלח ב-30/11/2004 03:44
פון נאך א זאלי פטור געווארן ב"ה.
נשלח ב-30/11/2004 08:43
ער האט אבער געשריבען מענטשליך אין א לשון נקיה
עס איז דא א דעה אז ער האט תשובה געטון אין געווארן א אהרוני
אלענפאלס איך האב הנאה געהאט פון עיהם אין איך ווינטש עיהם צאתכם לשלום
נשלח ב-30/11/2004 15:52
אז מען רעדט שוין אויפען ענין פון סכנת אינטרנט האב איך געוואלט פרעגען אויב איינער פון אייך וייס א וועג צו מאכען אז מען זאל נאר קענען דו אינטרבט מיט א קאוד אדער כדומה?
נשלח ב-30/11/2004 20:45
WHERE IS ZEIDIYUNTCHY?
נשלח ב-30/11/2004 20:57
צו רבישקינט:
וועגן די סכנות פון די אינטערנעט.
עס איז היינט דאס גוטע שנעלע צענזורירטע אינטערנעט, פאר די וואס מוזן האבן אינטערנעט פאר ביזנעס,
פרוביר JNET אדער YeSHIVA NET
עס איז שוין געווען מערער אשכולות וועגן JNET און קענסט דאס נאכזוכן אין די אלטע ארכיוון
איך זעה אז דער געטריער מנהל דזשובי האט אויסגעמעקט דעם טיפת חלב ר"ן פון טלית בייטל לכבודו, איך אפלאדיר זיין פארשטענדעניש און איבער געגעבנקייט צו יעדן גולש בכלל, און זיין רעספעקט פאר די וואס האבן דעם קוראזש זיך פורש צו זיין און באגיין אן הייד פארק און אינטערנעט בפרט!!
כה לחי!
yones איך וועל איגנארירן דיין נארישע תגובה אין דעם אשכול, אזוי ווי איך איגנאריר אלע נארישע פאליטיק-געשטימטע תגובות, כ'וועל דיר נאר זאגן אז ס'איז נישט געווען אין פלאץ...
נ.ב. איך דריק אויס אנטוישונג אז די התעוררות תשובה פון די ביטערע טראגעדיע, האט אויסגעוועפט אזוי שנעל, בעת וואס מ'דארף דאך נאך אזויפיל רחמי שמים. און ליידער האט מען געהערשט שוין אזויפיל פרישע טראגעדיעס זינט דאן.
אוי! רבוש"ע האב שוין רחמנות, פרוביר מיט גוטן, אפשר וועט דאס בעסער העלפן!!!
נשלח ב-6/12/2004 02:50
"הדרן עלך טלית בייטל"
מיט גרויס באדויערן האבן מיר אנגענומען די בשורה אז אונזער חשובע מעמבער טלית בייטעל וואס האט אזויפיל צוגעגעבן פארן פארום דא האט זיך פון אונז אפגעשיידט, לשבחו יאמר אז ער האט זיך הארציג געזעגנט פאר זיין דראסטישען שריט און נישט אנטלאפן ווי א רויבער אינמיטן די נאכט
טלית בייטעל מיר זענען שטאלץ מיט דיר און מיט דיין דראסטישע החלטה זיך אפצורייסן פונעם אינטערנעט/היידפארק עדיקשאן און ווערן צוריק א נארמאלער מענטש (געט עי לייף!), אלץ אנדענק זאלסטו וויסן אז כוועל בלי"נ פון דיר נישט פארגעסן
ואשמור לך!
