עס איז אומגלויבליך ווי ווייט די שנאה פון די "חרדים" צו די ערליכע אידן פירט זיי !!!
אין דער צייט וואס די מערכה האט גארנישט צו טון מיט די מערכה אקעגן ציונות, און מען רעדט דא פון א זאך וואס נישט נאר רירט עס אן אונזערע הייליגסטע און טייערסטע, איז דאס אויך בכוונה א מלחמה גלוי' קעגן דעם יסוד אין די אמונה פון השארת הנפש.
און אין דער צייט וואס זייער גאנצע זיצן אין כנסת האט גארנישט געהאלפן אין די מערכה, טראץ זייערע פארשפרעכונגען אלע יארן אז זיי "וועלן אויפטון מיט גוטן", האט שמעלקא האלפערט (וועלכער איז דער ממונה אויף די ארכעאלאגן!) געמוזט זיך צושטעלן צו די פראטעסטירער, און ווערן אפגעלאכט און אוועקגעפירט פונקט ווי איינער פון די "פאנאטישע אפגעריסענע" ירושלימ'ער.
אין דער זעלבער צייט, קענען די וועלכע טראגן פאלש די מאסקע פון "חרדים" חוזק מאכן און שטערן די מערכה, און די יונגעלייט בעלי מסירות נפש, מיט זינלאזע און נארישע תירוצים, ווייל אפשר זענען דאס נישט קיין אידן, און נאך. קאפירנדיג ווארט ביי ווארט די לעכערליכסטע תירוצים פון די סאדיסטן אונטערן נאמען "משטרה".
דער חזון איש זצ"ל איז געגאנגען באזוכן ר' עמרם בלוי אין תפיסה, און זיינע א.ג. נאכפאלגער פרובירן צו שטערן די וועלכע האבן דעם מסירות נפש און קוראזש נישט נאר אקעגן די ריזיגע טראקטארן נאר אפילו אקעגן די גאס - די פרייע און פרייע-חרדים !
און זיי טרויען זיך נאך צו פרעגן, וואס עס האט זיי געשאדט דאס נעמען געלט פון די אפיקורסים.
תוקן על ידי - זאליweaky - 19/04/2005 2:23:12
 |
|
|
