מיין אנאליז:
ווייניג סינגעלס וואס קומען ארויס זענען באמת געלונגען, מקען זאגן כמעט אלע (חוץ עלה קטן שלי פון אברהם פריד למשל) זענען נישט מצליח און בלייבן שטעקן, דאכט זיך אז קיוויתי ד' פון שלוימי כהן איז נישט אנדערש
פערזענליך בין כנישט קיין גרויסע חסיד פון שלמה כהן, הגם זיין ערשטע טעיפ למעלה איז געווען זייער גיט צאמגעשטעלט מיט אפאר שטארקע ניגונים גיטע מוזיק און גיטע כאור, בין כנישט משוגע געווארן פאר זיין דינעם קול, בכלל האב איך אים סאך בעסער ליב געהאט אויף חיים באנעטס טעיפס ווי למשל מכניסי רחמים און אנדערע
הערנדיג דעם נייעם ניגון הנה לא ינום באמערקט מען שטארק אז ער איז שוין היינט סאך מער עקספיריענסד און איז באמת שולט אויפן ניגון ווי סדארף צו זיין, ער האט די זאך אין די הענט און פירט דעם רעדל, זיין קול איז שוין אויסגעארבעט און ער זינגט דאס זייער גיט
די ניגון אליין איז נישט שלעכט, אבער קיין סאך מעלות קען מען אויך נישט טרעפן, סהייבט זיך אן מיט כאור וואס זינגט א שטיקל הקדמה מונה סטייל (גאנץ זיכער נישט פון פינקי), דערנאך הייבט שלמה כהן אן הנה לא ינום ולא יישן, שומר שומר ישראל, נאכדעם קומט אזא מיטעלע פאל ווי ער זינגט הארציג לישועתך קיוויתי השם, און נאכדעם די הויעכע און שענסטע פאל ווי ער גייט צוריק צו הנה לא ינום ולא יישן שומר ישראל
סאיז א טיפיקל סטייל חסידישע לעבעדיגע ניגון, די תנועות זענען די זעלבע איבערגעקייעטע פון די לעצטע פאר יאר און מקען שווער טרעפן עפעס שטארקע שטיקלעך, פינקי האט אריין געלייגט אפאר קנייטשן סזאל נישט זיין סתם נאך א ניגון, למשל די צווייטע לישועתך קיוויתי השם און די פאר מאל קיווויתי, אבער די בעסטע און אינטערעסאנטסטע איז מסתמא די שומר שומר שטיקל ביי די הויעכע פאל, סאיז זייער צוגעפאסט פאר די פארענטשעס ווען מכאפט זיך אן ממאכט צו די אויגן און מהייבט זיך אביסל..
די מוזיק פון רובי באנעט איז אויפן פשוטן שניט ווי די מוזיק לויפט נאך דעם ניגון, די אנהייב און אסאך אנדערע שטיקלעך זענען געהעריג געשטיקעלט פון אנדערע אראנדזשירונגען וואס ער האט געמאכט (בעיקר ענדלט עס שטארק צו זיין מענדי דזשערופיס ארץ אשר תמיד), אויף אפאר פלעצער איז די טרומפייטער ממש געפערליך ווי סשרייט אריין אין אויער אן קיין טעם אבער דאס האט לכאורה אויך אסאך צוטון מיט די מיקס, סך הכל האט ער גארנישט מחדש געווען
די כאור איז גראדע יא זייער שיין, סמישט נישט אריין ווי סדארף נישט און האלט זיך אין די ראמען, ווי געזאגט איז עס מונה סטייל אבער זייער צוגעפאסט, די שטיקלעך ווי זיי זינגען צוזאמען מיט שלוימי איז ספעציעל שיין און אוודאי אויך די הארמאני
סהייסט אז די ניגון גייט זיין אינעם קומענדיגן טעיפ וואס מארבעט שוין אויף דעם פלייסיג, סארבעטן מונה ראזענבלום מיט רובי באנעט צוזאמען, ממילא וואלט איך פערזענליך ענדערש געווארט אויפן גאנצן טעיפ אבער אויב זענט איר הונגעריג נאך עפעס פריש יעצט נאך ספירה און איר גלייכט שלמה כהן, דעמאלטס וועט איר זיכער הנאה האבן דערפון
 |
|
|
