צבי.
זאלסט מיר אנטשולדיגן, אבער דו רעדטסט ווי א ....
ווער רעדט וועגן פילן צער ???
מען רעדט וועגן פאליטיזירן מיט די שוידערליכסטע און גרויליגסטע אין די אידישע געשיכטע, וואס איז רעקארדירט.
איך בין הונדערט פראצענט זיכער, אז די בילדער וועלן לאנגע יארן ליגן אויף די אנטיסעמיטישע וועבסייט'ס, וועלכע וועלן זאגן אז די אידן האבן ביי די נאצי'ס ימ"ש אויך נאר אנגעשטעלט א שפיל !
----------
און אז מען רעדט שוין יא, וועל איך איבערזאגן וואס איך האב שוין געשריבן ערגעץ אנדערש.
מיין הארץ איז ווירקליך פול מיט רחמנות אויף די אידן.
אבער נישט אויף דעם וואס מען טוט יעצט מיט זיי.
ווען א משוגענער גייט ארויף אויף די ברוקלין בריק און וויל זיך אריינווארפן אין וואסער, און די פאליציי האלט אים צוריק, אפילו ווען יענער וועט שרייען און וויינען וועט קיינער נישט רחמנות האבן אויף אים.
איך בין פול מיט רחמנות אויף זיי איבער די אלע יארן אין וועלכע זיי האבן זיך געפייניגט און געלעבט אין אילוזיעס, ווערנדיג געקארמעט מיט די גרעסטע מינות און כפירה, און זיי האבן נאך געמיינט אז דאס איז די תורה.
איך בין פול מיט רחמנות אויף די וועלכע זייער גאנצע וועלט איז אויף זיי צושמעטערט געווארן אין א אויגנבליק, און זיי דרייען זיך ארום ווי אויפן עולם התוהו, נישט וויסנדיג וואו זיך צו ווענדן.
און זאל דער אויבערשטער רחמנות האבן אויף אונז אלע, און שיקן משיח בן דוד (דעם ריכטיגן...), וועלכער וועט אונז אויסלייזן פון דעם גשמיות'דיגן און רוחניות'דיגן גלות.
 |
|
|
