דער ארעסטאנט "דרייליך"

קען איינער פליז ארויף פאסטען דעם ארטיקעל פונעם שטערן.

פארוואס באהאלטן זיי די אידענטיטעט פון דעם ראביי?

ווער איז געווען דער "נאך איינער"?
א שולח יד?

אויפן דעקל פון 'דער שטערן' איז דא א צייטונגס אויסשניט פון די מעשה דארט קען מען ליינען דעם נאמען פונעם דאקטאר/ראביי.

וואס איז דער סוד אז דאס איז דער באוואוסטער טענדלער?

איך האב שוין געהערט די מעשה אפאר יאר צוריק פון חבר מיינער וואס האט באגעגנט דעם דרייליך אליין אין תפיסה. (מיין חבר גייט אמאל אין תפיסה ארויסצוהעלפן היימישע ארעסטאנטן). ער האט מיר דאן דערציילט ווי אינטערעסאנט דאס איז געווען אז ער האט באגעגנט א היימישן איד אין תפיסה, מיט א לענגערע ווייסע בארד, און ווען ער האט זיך נאכגעפרעגט פארוואס דער מענטש איז אין תפיסה, האט איהם אן עסקן דערציילט אז דאס איז צוליב דעם וואס ער האט גע'הרג'עט א מענטש, און זיין ווייב האט גע'טענה'ט אז ער זאל זיך מודה זיין, ווייל דאן וועט ער באקומען א גרינגערע שטראף, ער האט אבער זייער מורא געהאט און נישט געוואלט. האט זיך ווייב געוואלט אויף די אייגענע האנט איהם גיין איבערגעבן, און וויבאלד ער האט זייער מורא געהאט האט ער איר אויך גע'הרג'עט.

ווען ער האט געזען אז זיין מצב איז שמאל, איז ער געגאנגען צו רב טענדלער, און איהם געבעטן ער זאל קומען פאלש עדות זאגן אין קאורט, אז אין יענע צייט וואס זיין ווייב איז גע'הרג'עט געווארן, איז ער געווען ביי א שיעור פון רב טענדלער. אבער פארשטייט זיך אז אזוי ווי יעדער נארמאלער מענטש וואס האט א מח בקדקדו, וואס הערט אז א מענטש האט געהאט די קאלטקייט פון אויפהייבן א מעסער אויף א אינגע 23 יעריגע מאמע פון צוויי קינדערלעך (און א דריטע אויפ'ן וועג, וואס דער שטערן האט נישט דערציילט), און איר דערשטעכן אויף טויט, האט רב טענדלער געזאגט דעם אמת אין קאורט.

דאס אלעס האט מיר מיין חבר דערציילט פאר בערך פיר יאר צוריק.

יעצט קומט דער שטערן און מאכט א ויצעקו, כדרך כל הסאטמוירים.

וואס איז די מעשה? דער איד זיצט שוין 26 יאר אין תפיסה, און עס איז געווען איינע פון די באקאנסטע מעשיות, ואין פוצה פה ומצפצף. קיינער פון די א.ג. חרדישע עסקנים האבן נישט געפינען פאר וויכטיג זיך אפצוגעבן מיט זיין קעיס, און אויפדעקן די פאלשקייט און לעכערליכקייט פון די אמעריקאנע קאורט סיסטעם. (וואס לפי דער שטערן פירט זיך עס בערך אזוי ווי סאטמארע חדר אין טרופ עוו.). קיינער פון זיינע אייגענע משפחה האט נישט געפינען פאר וויכטיג צו מאכן א וויי געשריי היתכן אן אומשולדיגער איד זיצט אין תפיסה. וואס געווענטליך אין אזעלכע פעלער, זענען דא נאנטע קרובים און גוטע פריינט וואס נעמען אן דעם באשולדיגט'נס ווערסיע. [ווי מיר טרעפן ביי יגאל עמיר ואכ"מ]. און דער גרויסער ביזנעס קאנסאלטענט דרייליך, מיט אזויפיל גוטע קאנעקשאנס אין 47 סטריט, און מיט עשירים, האט נישט געפינען די געלט אפילו צו דינגען א נערמאלן לאיער. עפעס זאגט דאך דאס.

אויך שרייבט דער שטערן, אז מען האט די האר פון דעם מערדער. "און האפנטליך" וועט מען קענען אינדענטיפיצירן דעם אמת'ן מערדער דורך די די.ען.עי. פרעג איך ענק א שאלה, די סיסטעם פון די.ען.עי. איז נישט היינט געבוירן. עס איז שוין א היבשע פאר יאר וואס דאס גייט אן. און אין די לעצטע פאר יאר, הערט מען יעדע פאר וואכן אין די מידיא, ווי נאך איינער איז באפרייט געווארן, ווייל מען האט געטראפן אז ער איז נישט געווען דער מערדער. נו ווי קומט דאס אז א מענטש וואס זיצט און שרייט שוין 26 יאר אז ער איז אומשולדיג, אז מען האט נאך נישט געמאכט דעם טעסט.

נאר וואס דען, יעצט האט מען א מערכה מיט רב טענדלער. און אזוי ווי דער מנהג אין סאטמאר איז אז מען טענה'ט זיך נישט לענין, און מען הערט נישט אויס יענעמ'ס צד. טוט מען די זעלבע זאך דא, אנשטאט צו פירן די מערכה אויף מציצה בפה כענין. פארקירעוועט מען די מערכה אויף א פערזענליכע אטאקע אויף רב טענדלער.

איי וויאזוי מאכט מען דעם עולם גלייבן? נישט קיין פראבלעם, מען דינגט א גוטן שרייבער אין דער שטערן. נו דער שטערן איז דאך א תמימות'דיגער מאגאזין וואס שרייבט נאר מעשיות, עס איז ריין פון פאליטיק. און דארט שרייבט מען די מעשה פאר די קינדערלעך און ווייבער צו ליינען, און ווערן צושרויפט און צושוידערט פון די מעשה וואס איז נישט געמאכט פאר די שוואכע הערצער. און מען ווארפט אריין פול מיט גיפט אינמיטן ווי למשל: א בלוט בלבול דורך א "מומר". א.א.וו. און פיר וואכן שפעטער ווען מען קומט ארויס מיט גרויסע פלאקאטן, וואס א גראפיקער דיזיינט מיט צובליטיגטע הענט וואס כאפן אן די גראטעס פון תפיסה, מיט אביסל בארב ווייער אין די זייט. און טרערן רינען אראפ פון אויבן ביז אונטן וכו' וכו' קומט דער עולם נישט נאר צו לויפן און געבן געלט, נאר מען ווערט נאך גערעגט אויף רב טענדלער. (ווער עס געדענקט נאך ווי די מערכה מיט דעם גר צדק, האט זיך אויך אזוי אנגעהויבן).

וואס דאס אלעס טוט נאר איין זאך. עס זאגט מיר אז בעצם איז נישט דא קיין מערכה קעגן רב טענדלער איבער דעם ענין פון מציצה בפה, אזש מען האט געמוזט אפיר קראצן שמוץ אויף איהם. ווייל אויב נישט, קענסטו זיך דאך טענה'ן איבער מציצה בפה, וואס ווילסטו פון דעם דרייליך פרשה.

משיח השם
די האסט געווארפן א גאר שארפע באשולדינגוג קעגן דעם אויסגאבע "דער שטערן" אז ער האט געשריבען הויל ליגענט
ד"א דער שטערן איז אנגענימען ביי א סאך ליינער אלץ גאר א גיטע אין קראנטע אויסגאבע,

האסט געשריבען דיינע ווערטער מיט א קלארער איבערווייז אז די ווייסט וואס די רעדסט?
אדער האסט געהאט זייטיגע חשבונות דערמיט?

רבותי!ווער ווייסט דעם אמת???
איז די מעשה פינעם שטערן אמת אדער שקר?????

איך זע אז די אויפגעקלערטע נוסח משיח ה' פארשטייען גאנץ גוט צו מאכען ליצנות פון יעדער ערלכיע רב, אבער ווען מען קומט ארויף אויף א חשד קעגען איינער פון זייער'ס ווערן זיי ווילד ווי די געסטע קנאים.

איך האב נישט געליינט דער שטערן, איך געדענק נאך די מעשה, איך ווייס אז די פרוי'ס משפחה האט געגלייבט אז ער האט איר געהארגעט, אבער עס איז אלעמאל געווען קלאר אז די מעשה האט נישט קיין שום עדות נאר עדותו של טענדלער.

אין עס איז קיינעם נישט געווען מסתבר אז ער זאל אליין פארציילען טענדלער די מעשה.

אגב איך האט געהערט אפאר יאר צוריק אז ער איז געהארגעט געווארען אין תפיסה, פון דא זעט אויס אז עס איז געווען א פאלשע קול.

IM SHOCKED

בשעתו איז געוועהן דער גאנצער דעת הקהל פון רוב היימיש אידען אז ער האט זיין טראגעדיגע פרוי קאלט בלוטיג געשטאכען אויף טויט דער TRIAL איז געוועהן לאנג און די פרטים האט מען באריכטעט אין די MEDIA. ביי מיר איז ער א פשוט'ע רוצח!

ס'איז לע"ד סתם א טריק יעצט אריין צו שלעפען טענדעלר'ס עבירות פון מציצה וכו' וכו' (די ליסטע איז לאנג) דא איבער דעם קעיס.

מיר האט אן עסקן פארציילט אז דרייליך אין JAIL איז זייער מקפיד אז מ'זאל נישט רעדען אין מיטען קדיש אדער שמ"ע...האהאהא

יוסי

קען זיין אז עס איז ריכטיג וואס די זאגסט , אבער אויף וואס בויסטו דאס? פון דעם וואס דער קאורט האט אזוי געזאגט?

זיי האבען מברר געווען מיט עדות וכדומה אז די מעגסטעס גלייבען?

יוחי.

כ'ווייס נישט וואס דער אמת איז, און דאס וואס מען האט "געשמועסט", איז פונקט אזוי קראנט ווי אלע שמועסערייען.

די זעלבע טענה וואס דו וכדומה האבן אז דאס איז א סאטמערע מעשה אקעגן טענדלער, די זעלבע טענה זאג איך אויף דיר אז דאס איז א ליבעראלע טענה אבי זיך אנצונעמען פאר טענדלער.

כ'בין נישט קיין פוסק, אבער כ'גלייב אז אפילו אויב די מעשה זאל זיין הונדערט פראצענט אמת איז דאס פארט נישט קיין היתר צו גיין מסר'ן דעם איד. מיר האבן נישט היינט קיין בי"ד וואס קען דן זיין דיני נפשות.

ובפרט אויב איז אמת די ווערטער וואס דער שטערן ציטירט - וואס דאס דארף זאך זיין אפענע טראנסקריפטן - דאן איז דאס פאר מיר פונקט גענוג צו פארשטיין געבן פארוואס ער האט זיך ארויסגעלאזט אין א מלחמה, איבערצושפילן די לאנגיעריגע רעפארם מלחמה אקעגן די ארטאדאקסישע אידן, און יא - אקעגן די תורה הקדושה.

אהן אריינגיין אינעם ויכוח.

כ'האב איינמאל אין לעבן געלייענט דעם מאגאזין אויף אידיש "דער שטערן", און פונקט געעפנט ביי אן ארטיקל אונטערן קעפל: ווען מאנהעטן האט זיך געדארפט איבערדרייען.

ס'איז מיר גענוג געווען עס זאל מיר בלייבן אין געדאנק אז אין דעם מאגאזין איז נישטא קיין איין ווארט אמת.

אין צוגאב, אין י ע ד ן ארטיקל איז דערמאנט: טעלעוויזיע, ראדיא, אינטערנעט (אויסער ע, בי איי און פרעזידענט) און דאס ליינען אונזערע קינדער! כלומר: א מאגאזין "בגופן שלנו".