לא לדרשה קאתינא, איך האב נישט די צייט און נישט דעם טאלאנט זיך אויפצושטעלן רעדן פאר אזא גרויסן ציבור בליעה"ר, אבער ההכרח לא יגונה, זעענדיג אז קיינער בעפאר מיר האט עס נישט געזאגט (און ווער עס האט יא שוין געוואלט עפעס זאגן איז געבליבן שטעקן אינדערמיט...), מוז איך נעמען דעם שופר אין די האנט און איבערלאזן דא מיינע צוויי סענט.
פאר א יאר צוריק, חנוכה צייט, האט זיך אנגעהויבן טומלען אין די ניו יארקער גאסן אז א געוויסער "ארטאדאקסישער" משכיל/ראביי, מיטן נאמען טענדלער, האט אויסגערופן א קאמף אקעגן מצוות מילה, און ער גייט אנהייבן מיט עוקר זיין דעם חלק פון מציצה בפה.
ער האט געלאזט הערן זיין מיינונג ברבים אין א דרשה אין "יעשיווע אוו ספרינג וועלי", וואו ער האט דערקלערט קריג אקעגן 'סאטמאר' (???) וועלכע וועלן אים זיכער שטערן אין זיין קאמף, און ער האט פארשפראכן צו נעמען צו הילף די שטאטישע אינסטאנצן, און ער וועט עס מאכן טאקע יעצט ווען דער בירגערמייסטער איז א רעפארם איד, א שונא הדת, און "כל משרתיו רשעים", דעריבער איז יעצט די גינסטיגע געלעגנהייט דאס צו ערלעדיגן (מען האט נישט אלעס געהערט אזוי קלאר, אבער צווישן די ווערטער האט דאס אפגעקלינגען).
תיכף ומיד האט דאס גאנצע ארטאדאקסישע אידנטום - אויף אלע אירע פיליאלעס און פראקציעס - זיך פאראייניגט, און דערקלערט אז זיי וועלן באמת טון כל מה שביכולתם אפצושטעלן דעם "מכם ובכם", און אומשעדליך מאכן די גיפטיגע ווארצלען פון די קערנדלעך וואס טענדלער זייעט איין ביי די שטאטישע אינסטאנצן.
נשלח ב-2/1/2006 02:55
הרשעים כים נגרשו
אבער דער משכיל/ראביי האט נישט גערוהט, אנגעהויבן האט זיך עס אז ער האט זיך ארויפגעכאפט אויף איין איינציגן פאל וואו א קינד איז געשטארבן נאכן ברית, און ער האט אפגעמאכט אז אין דעם איז שולדיג דער בארימטער מוהל הרב יצחק אהרן פישער ני"ו וועלכער האט אנטי-באדיס, און דאס האט געברענגט אז דאס קינד האט באקומען הערפיס ל"ע, און דאדורך איז דאס קינד נפטר געווארן רח"ל.
עס איז אים ווירקליך געלונגען ארויסצובאקומען א צייטווייליגן פארבאט פון די געזונטהייט אפטיילונגען פון די סטעיט און די סיטי פון ניו יארק, אז הרב יצחק אהרן זאל נישט מעגן מקיים זיין די מצוה פון מציצה בפה בשעת ער מל'ט אידישע קינדער.
דער בלבול איז גלייך אנערקענט געווארן אלס לעכערליך ביי יעדן רעכטדענקנדן מענטש, וועלכער האט גלייך געפרעגט די פשוט'ע סטאטיסטישע פראגע: אויב פינף און ניינציג פראצענט מענטשן האבן אנטי-באדיס, און ניין און ניינציג פראצענט קינדער בלייבן געזונט און שטארק ב"ה נאכן ברית, כיצד יתקיימו שניהם ? [אלא זה לענגו ולקדשו, וזה להומו ולאבדו...].
עס זענען פארשטייט זיך גלייך גענומען געווארן די ריכטיגע מיטלען צו פרובירן אפשלאגן די גזירה, און דער אויבערשטער האט געהאלפן אז די געזונטהייט אפטיילונג פון די סטעיט האט גלייך אנערקענט אין די לעכערליכקייט פונעם בלבול, און האט אראפגענומען דעם פארבאט פון דעם חשוב'ן מוהל. אבער אין די סיטי איז דאס יא געבליבן מיטן פולן קראפט.
אין חודש אב איז אראנזשירט געווארן א אסיפה צווישן דעם בירגערמייסטער פון שטאט, מיט די גרעסטע רבנים אין ניו יארק. זעלבספארשטענדליך, אז די צוויי ברידער וועלכע זענען דער ציל אין די ברענענדיגע מחלוקה האבן פארנומען א פראמינענטן ארט אין דער רשימה, אזוי אויך זענען דארט געווען געלאדנט נאך צענדליגער רבנים חשובים, וועלכע האבן פרעזענטירט א קאלירפולן בילד פון א פאראייניגטן קאמף אקעגן די גזירה.
די אסיפה איז אפיציעל פאררופן געווארן אויפצוקלערן דעם בירגערמייסטער און זיין געזונטהייט מיניסטער פארוואס עס דארף אראפגענומען ווערן דער פארבאט פון הרב יצחק אהרן פישער ני"ו, אבער יעדער האט פארשטאנען אז דאס איז למעשה א זעלטענער - מעגליך איינמאליגער - קאנפערענץ צווישן די אדוואקאטן און פראקורארן פון די אנקלאגע אויף די הייליגע מצות מילה, בעיקר דעם פרט פון "מציצה בפה".
תוקן על ידי - בא_ללמד - 02/01/2006 2:57:57
נשלח ב-2/1/2006 03:10
ויבא גם השטן בתוכם !!!
ליידער דער שטן רוהט נישט, און ער האט גלייך גענומען מטכס עצה זיין וואס מען קען טון צו שטערן די פאראיינגטע פעלזן פעסטע כוחות וועלכע זענען אנטשלאסן אפצושלאגן די גזירה רעה.
ער האט נישט לאנג געדארפט זוכן, ער האט באשלאסן אז די צייט איז שוין רייף צו שניידן די פרוכט פון זיין לאנגיעריגע - געלונגענע, ליידער - הארעוואניע צו פאראורזאכן מחלוקת און פירוד לבבות ביי אידישע קינדער, ספעציעל אין די הייליגסטע קהילה אין דער וועלט - די מעכטיגע סאטמארע אימפעריע.
ביי די ארגאניזאטארן פון דער אסיפה איז געווען א דבר פשוט, אז ביי די אסיפה דארפן זיך געפינען פארטרעטער פון אלע חסידישע קהילות אין ניו יארק, אלס אזאנע האבן זיי פארשטייט זיך געגעבן א פראמינענטן ארט סיי פאר ר' אהרן און סיי פאר ר' זלמן לייב, וועלכע פארטרעטן ביידע גרויסע חלקים פון יהדות החרדית אין ניו יארק.
[במאמר המוסגר מוז צוגעגעבן ווערן, אז דאס גאנצע פאררופן די אסיפה האט געטראגן יענעם פנים, די רבנים האבן נישט געאנט ווער עס רופט, וועמען מען רופט, צו וואס מען רופט, ווען טייל פון די רבנים האבן פארלאנגט פון די רופער צו וויסן פונקטליך וואס און ווערן און וואו, האבן זיי באקומען אפגעהאקטע תשובות און צובראכענע זאצן, אזוי אז עס האט באלד אנגעצינדן א רויט לעמפל ביי די פאראנטווארטליכע רבנים].
אנקומענדיג צו דער אסיפה האט מען נאך געמוזט ווארטן אינדרויסן עטליכע מינוט, וואו די רבנים וועלכע האבן זיך געפעדערט האבן ארומגערעדט איינער מיטן צווייטן איבער פארשידענע ענינים. אינצווישן איז דארט אנגעקומען כ"ק הגאב"ד שליט"א, וועלכער איז געקומען צו פארן פון קרית יואל'ער קעמפ.
דער ברודער, ר' זלמן לייב, האט זיך שוין געהאט געפעדערט, און ער איז געשטאנען אינדרויסן מיט אלע רבנים ווארטנדיג, אבער זעענדיג זיין עלטערן ברודער האט ער מיט אימפעט געגעבן א ווארף ארויף אויף זיך דעם טייערן פעלץ, געכאפט די פיס אויף די פלייצע און אפגעטראגן פון דארט כהרף עין, אזש קוים וואס זיין גבאי האט אים געקענט דעריאגן.
די רבנים האבן זיך צוגעקוקט אין שאק און שטוינונג, נישט גלייבנדיג זייערע אויגן.
דערווייל איז די אסיפה אנגעגאנגען ווי געפלאנט, דעם מהלך האסיפה איז גוט באקאנט און איבעריג צו שילדערן. אין א ווארט, איז ארויסגעקומען דער פאראייניגטער אפענער אויסרוף, אז מען וועט קעמפפן אקעגן די רעגירונג מיט אלע מיטלען וואס נאר מעגליך, און די גזירה וועט בשום אופן נישט צושטאנד קומען.
נשלח ב-2/1/2006 03:29
בעלילה באת עלינו
דער דאזיגער פאסירונג האט אויסערגעווענליך ארויסגענומען פון די כלים די אנפירער פון די זאלי פארטיי, וועלכע ארבעטן שוין יארן לאנג אהערצושטעלן כאילו זיי זענען די איינציגע פארטרעטער פון אידישקייט, ספעציעל אין וויליאמסבורג, און דא איז געקומען אזא פראסק ! מ'האט געקענט אנגיין ווייטער מיט די אסיפה אן ר' זלמן לייב, און נאך מיט ר' אהרן ?!
(עס איז לייכט זיך פארצושטעלן דעם פסוק וואס ר' זלמן לייב אליין האט געכאפט פון זיינע שטוב מענטשן, אבער נישט דאס איז יעצט די טעמע)
דעריבער האבן זיי באשלאסן, אז מען מוז ערלעדיגן דעם גאנצן קרעדיט פאר ר' זלמן לייב, און דאס איז בכלל נישט געווען שווער אדורכצופירן, נאך וואס די צוויי איינציגע מאכער וועלכע האבן - מכלומר'שט - געהאט א ווארט ביים בירגערמייסטער זענען געווען מענצער און גאלדבערגער, וועלכע זיצן שוין לאנג אויפן פעיראל פון די זאליס און משה פריעדמאן, דעריבער האט מען מיט זיי זיך פארשטענדיגט און זיי האבן פארשפראכן פולע קאאפעראציע.
אינצווישן, האבן די ווענט אין אלע בתי מדרשים געשריגן און געמאנט אז מען מוז ראטעווען כלל ישראל פון די ביטערע גזירה, און דער איינציגער לעזונג - פון יענע צעטלען, אונטערן שלייער פון ארגאניזאציע מיטן נאמען "ועד משמרת הברית" - איז געווען, אז מען זאל אונטערשרייבן א געמיינזאמע פעטיציע צום בירגערמייסטער וואו מען רופט אויס א פארייניגטן וויי געשריי און א פארלאנג אפצורופן די גזירה.
די אומשולדיגע פעטיציע האט נישט אנגעזאגט קיין שום פרטים, ווער איז די ארגאניזאציע, ווער שטייט דערונטער, וועלכע רבנים שטיצן אירע פעולות, אפילו די פעטיציע זעלבסט איז געווען א מיליטערישער סוד, מען האט נאר געקענט אונטערשרייבן א צעטל וואס האט געדינט אלס נספח (עטעטשמענט) צו די פעטיציע זעלבסט.
די געהיימניס האט געגעבן אסאך שטאף פאר קאנספיראטארן, אבער ישראל קדושים הם, נתבעים ונותנים, און רוב רובם פון די ערליכע אידן האבן בתום לבבם אונטערגעשריבן די פעטיציע - אייגנטליך דעם נספח צו די פעטיציע, וואס האט צוזאמען געשאפן דעם קאלאסאלן [אנגעגעבענעם...] ציפער פון צוועלף טויזנט אונטערשריפטן, פון אידן וועלכע האבן - פרובירט - דאדורך אויסצודרוקן זייער פראטעסט און וויי געשריי.
עטליכע וואכן דערויף האט געקראכט ווי א דונער די נייעס, ווען דער איד האט טריאומפירט אז דער בירגערמייסטער האט אנגערופן ר' זלמן לייב אים מעלדן אז ער, אדער זיין געזונטהייט מיניסטער, ציט צוריק פון דעם פארבאט אקעגן הרב יצחק אהרן פישער ני"ו !
יענעם מוצ"ש האט דער בירגערמייסטער אפגעשטאט א באזוך ביי ר' זלמן לייב, וואו מען האט איבערגעגעבן פארן בירגערמייסטער די פעטיציע מיט די צוועלף טויזנט אונטערשריפטן !, זאגנדיג אז דאס האט ר' זלמן לייב געשאפן אלס מיטל אפצושרייען די גזירה אקעגן מציצה בפה, אונטער סיי וועלכן שלייער.
נשלח ב-2/1/2006 04:02
עדיין מרקד בינינו
די נייעס האט געפלאצט ווי א באמבע, טויזנטער אידן וועלכע האבן תמימות'דיגערהייט אונטערגעשריבן די פעטיציע, זענען יעצט געוואויר געווארן אז זיי זענען נישט מער ווי ביליגע שפילצייג אין די הענט פון אפאר נידריגע אנגעפרעסענע פאליטיקאנטן, און דאס בלוט האט אנגעהויבן זידן און קאכן ווי א קעסל.
שמיני עצרת צופרי, ווען מען האט געזען די וואולגארישע אויפפירונג און אומלעגאלע אריינמישונג פון די פאליציי אין א אינערליכן סכסוך, זיך שטעלנדיג קלאר אויפן צד פונעם פארלירער, האבן זיך פיל אידן דערמאנט אין דעם שרעקליכן פארראט פון די "עסקנים לשם שמים", און האבן נישט געקענט מער ווי פארברעכן די הענט מיט צער און ווייטאג, טראכטנדיג וואספארא שאדן זיי האבן זיך אליין גורם געווען - אומווילנדיג.
א וואך דערויף איז פארגעקומען א גרויסארטיגע ראלי, אויך מיטן "ציל" צו ראטעווען "מציצה בפה, און אונטערן נאמען פונעם "ועד משמרת הברית" - וואס האט פלוצלונג באקומען 'בעלי בתים', מענצער, גאלדבערגער, און נידערמאן - וואו עס האט זיך ווידער ארויסגעשטעלט די ביליגקייט און נידריגקייט פון די "עסקנים", וועלכע האבן צוליב בייזוויליגע פאליטישע אינטערעסן פארקויפט די גאנצע הייליגע מלחמה ארבעט פאר א נזיד עדשים.
א ביישפיל ?!
(אויסגעמעקט אויפן פארלאנג פון עמיצן) ביי די ראלי, אבער באקומען באצאלט דערפאר האט יונתן מענצער ! ער האט גערעכנט דערפאר פארן בלומבערג קאמפיין - וועלכער האט באצאלט אלע אויסגאבן (פון די מלחמה אקעגן מציצה בפה...) - פינף טויזנט דאלער, פון וואס די גרעסערע העלפט האט געלאנדעט נישט ווייט פון זיין הויזן טאש...
אויך האט מען אויף אידיש טרומפייטערט אויף די העכסטע טענער כאילו דער בירגערמייסטער האט זיך אונטערגעגעבן צו די "עסקנים" אינעם געביט פון מציצה בפה, אבער אויף ענגליש - וואס 'פערצופאל' האט דאן דער בירגערמייסטער פארשטאנען יעדעס ווארט... - האט מען נישט דערמאנט קיין רמז ורמיזה פון די גזירה !
א וואך דערויף איז פארגעקומען די וואלן, און ווידער איז די שטאט פארפלייצט געווארן מיט צעטלען און הויכהילכער'ס אד"ג, אז מען מוז ארויסגיין שטימען פאר בלומבערג, ווייל נאר אזוי וועט ער אפרופן די גזירה אקעגן מציצה בפה. אפילו די לעדערהעד פון "התאחדות הרבנים" האט גערופן צו שטימען פאר בלומבערג.
די "ריזיגע" אויסגאבן פאר דעם קאמפיין זענען געקומען פון דעם הויפטקווארטיר פאר די מערכה אקעגן מציצה בפה - דער קאמפיין אפיס פון מעיאר בלומבערג...
ווידער האבן טויזנטער מבני ובנות ישראל הכשרים ערליך געפאלגט, טראץ וואס עס זענען שוין געווען הויכע מורמלערייען אז עפעס טויג נישט, האט זיך פארט נישט אפגעפינען דער יעניגער וואס זאל אויפן סמך פון א חשד טארפעדירן די - באמת הייליגע - מערכה אקעגן די גזירה פון מציצה בפה.
תוקן על ידי - בא_ללמד - 02/01/2006 4:07:41
תוקן על ידי - בא_ללמד - 02/01/2006 4:10:28
נשלח ב-2/1/2006 06:39
מורא'דיגע ווערטער !
איך האב נאכנישט געזען איינער וואס זאל עס אזוי גוט ארויסברענגען, אבער דו פירסט נישט אויס, וואס זאל מען יעצט טון ? וואס הייסט מען זאל זיך נישט לאזן פארפירן ? פון וועמען ?
זיי דיך מסביר.
נשלח ב-2/1/2006 18:46
ויעבידו את בני ישראל בפה רך !
ליידער בעוה"ר - אין גרויסן טייל צוליב די דירעקטע פארנאכלעסונג פון די "עסקנים לשם שמים" ווי מענצער און נידערמאן - איז מעשה שטן הצליח, און דער פרייער איד טאמעס פרידען, דער געזונטהייט מיניסטער אין ניו יארק סיטי, האט ארויסגעגעבן א גזירה אז מען גייט פירן א מלחמת חרמה אקעגן די מצוות מילה, דערווייל נאר אקעגן דעם טייל פון "מציצה בפה".
אין א ווארט, עס איז א שרעקליכע גזירה, וואס תוצאותיו מי ישורנה, און אם החרש תחרישון לעת הזאת ווייסט איין באשעפער וואו דאס וועט זיך ענדיגן !
נשלח ב-2/1/2006 18:53
עכשיו על של עתה באנו !!!
אלזא, וואס וויל איך מיט די לאנגע מגילות ?!
מורי ורבותי ! מיר מוזן זיך נעמען אין די הענט אריין !
צוערשט ברויכן מיר קלאר מעלדן פאר די "עסקנים", אז מיר האבן אראפגענומען פון זיך זייער אפוטרופסות !
יעדער "עסקן" וואס בעט פון אייך סיי וואס אין דעם הינזיכט, יעדע צעטל וואס רופט צו טון סיי וואס אין דער אנגעלעגנהייט, זאלט איר קלאר שטעלן די פאלגנדע פראגע: מי שמך לאיש ?! וועלכער אנערקענטער רב שטייט אונטער דיר ? ווער פארזיכערט מיר אז דו וועסט נישט ווידער אויסנוצן מיין תמימות, און מיין הייסן רצון צו מבטל מאכן די שרעקליכע גזירה, כדי צו פאראויסרוקן דיין פאליטישע אגענדע ?!?!?!
און בעיקר רוף איך דא אויס צו אלע באמת ערליכע און געטרייע עסקנים, אייכם ?! וואו זענט איר ?! שארצט זיך ארויף די ארבל, און נעמט דעם עסק אין די הענט אריין ! ווארט נישט ביז מען וועט זיך ווידער איבערצייגן אז די פאלשע הבטחות זענען גרונטלאז, און נישט ווערט דאס פאפיר אויף וועלכע מען האט זיי געדרוקט !
נשלח ב-2/1/2006 20:13
העיקר שכחת
די 311, די וואלן, די ענדארסמענט, זאליס 3 וויזיטס פונעם מעיאר, און די גאנצע מיטינג אנגעפירט פון מענצער
אז דער מעיאר זאל רעדן פון איהם און שוין
און די אגודת ישראל'ס הילף אויב מען ארבעט צוזאמען
די באמישע פירונג פון די הפקר חברה איז בולט ווי נאר
וכו'
נשלח ב-3/1/2006 16:44
בא ללמד, אנדערש ווי אלץ, האלט איך אז דא ביסטו נישט גערעכט.
אויב סאיז דא עסקנים וואס טוען אין דעם, טאר מען זיי נישט סתם אונטערייסן, סאו האבן זיי געהאט א דורכפאל, איז וואס? איך ווער עפעס אויס אהרוני ווען די אהרונים האבן א דורכפאל? מדארף טון, אבער נישט אלץ קען מען אויפטון.
אויב דו האסט א אנדערע עצה גיי רעדט מיט די עסקנים, נישט קום דא סתם אונטערהאקן יענעם.
נשלח ב-3/1/2006 16:58
בא ללמד מדארף זיי אויסטון נאקעדיג איינאמל פאר אלעמאל!
זיי מיינען נאר פאליטיק און געלט, און אונז זאגן זיי אז זיי מיינען די באשעפער!
נשלח ב-4/1/2006 02:27
איך האב טאקע פארגעסן ארויסצוברענגען אן אויסטערליש וויכטיגע נקודה, וואס ווייזט אז זיי זענען בכלל נישט אינטערעסירט אין די מערכה.
פארוואס האבן זיי פארפאסט דעם דעדליין ?
מ'האט זיי געגעבן א פונקטליכע דאטום ווען זיי זאלן צוריקקומען מיט די שטודיע, זיי האבן דאך געוואוסט אז פרידען וויל עפעס דא, פארוואס האבן זיי אים געלאזט האבן א תירוץ ארויסצוקומען ?
זיי האבן טאקע נישט געקענט ענדיגן די "שטודיע"... אביסל פריער, אז פרידען זאל זיך נישט קענען ארויפכאפן דערויף ?
נשלח ב-4/1/2006 04:01
בא ללמד.
האסט מיך נאך אלץ נישט גענטפערט.
האסט עפעס א גוטע עצה? גיי צו די עסקנים.
ווי לאנג דו ווייסט נישט וואס עס איז פארגעגאנגען, קענסטו נישט באשולדיגן קיינעם.
אדרבא, געב א עצה?
נשלח ב-6/1/2006 00:18
לויט ווי איך זע, האט דער דאזיגער אשכול יא געשלאגן ווארצלען, אזש דער איד זעלבסט האט געטאנצן פון די הויט...
אן קיין ברעקל בושה, האבן זיי ווידער אפירגענומען זייער עקלהאפטיגער פעדער, וועמען זיי האבן שוין א שטיק צייט נישט גענוצט, און גענומען גיסן פעך און שוועבל על ה' ועל משיחו, און אפילו אויף ננתקה...
די הויפט אטאקע אינעם ארטיקל איז, אז דער רב האט גארנישט געטון, נאר געווארט צו זען אויב די עסקנים וועלן אדורכפאלן, און דאן האט ער גענומען פארפירן אקעגן די עסקנים.
איך וואלט געוואלט פארשטיין א קלייניגקייט, ווען מען האט פאררופן די אסיפה ביי בלומבערג, וואו מען האט געלאדנט אלע רבנים, האט דער רב געפרעגט געוויסע פראגעס פון די ארגאניזירער, אויף וועלכע ער האט קיין געהעריגן ענטפער נישט באקומען.
וואס וואלט פאסירט למשל ווען דער רב זאל דאן זאגן פאר די עסקנים אז ער גייט נישט צו די אסיפה ביז ווען ער באקומט א געהעריגן ענטפער, פונקטליך וואס וואו און ווער עס גייט דארט רעדן ?
לאמיר גיין א טריט ווייטער, וואס וואלט פאסירט למשל, אויב א טאג נאך די אסיפה באשליסט דער רב אז די עסקנים פירן דעם עסק אין באד אריין, ווי מען האט שוין געזען פון די ערשטע מינוט, און ער איז מחליט אז ער נעמט די זאך אין הענט אריין, ער קרויזט אויס אלע אלט-געזעסענע עסקנים, און הייבט אליין אן צו שתדל'ן און פאררופן אסיפות אא"וו ?
וויפיל קיתונות של שופכין וואלטן דאן געגעאסן געווארן אין זיין ריכטונג אז ער וויל אונטערגראבן די מערכה ?!
בשלמא ווען מענצער און נידערמאן זענען מצליח, אדער אפילו אויב זיי זענען נישט מצליח אבער זיי האבן געארבעט געהעריג און פרובירט אלע מיטלען, איז שייך צו האבן טענות אז מען רייסט זיי ארונטער.
אבער אז מען רופט צו אן אסיפה די גרעסטע רבנים אין ניו יארק, און ווען מען שטעלט פשוט'ע שאלות פאר די ארגאניזירער, ווי וואס מען וועט ענטפערן אויב דער מעיאר וועט זאגן כך וכך, און מען באקומט נישט קיין געהעריגן ענטפער.
אז מען מאכט א ראלי וואס ווערט מכלומר'שט פאררופן צוליב מציצה בפה, און דערווייל רעדט מען דארט נישט קיין איין ווארט אויף ענגליש פון די מערכה. און די ראלי ווערט גאר באצאלט דורך דעם בלומבערג קאמפיין.
אז מען האט נישט קיין שכל צו בעטן געהעריג אראפגעשריבן פאר די וואלן אז מען גייט גארנישט טשעפען מיט די מצות מילה.
ועל כולם, אז מען פארנאכלעסיגט צו ענדיגן די שטודיע אינעם באשטימטן דאטום, טראץ וואס מען האט געוואוסט אז פרידען זוכט זיך אויף וואס ארויפצוכאפן, און מען טאר אים נישט געבן קיין געלעגנהייט דאס צו טון.
איז אויסער יעדן צווייפל אז דא האט מען צו טון מיט קארופטירטע געלטגייציגע פארשוינען, וועלכע האבן נאר איין ציל פון שררה און מאכט !!!
און דא איז ווידער דאס פלאץ ארויסצוגיין אין א רוף צו אלע ערליכע עסקנים אין ניו יארק - פון אלע פארטייען און קהילות, נעמט אייך אין די הענט אריין ! נעמט איבער די מערכה באצייטנ'ס, איידער מיר וועלן זיך טרעפן מיט א מעוות לא יוכל לתקון !!!!
נשלח ב-6/1/2006 01:22
דו רעטסט סתם נישט צום זאך.
אויב האט אהרן געזען אז סגייט נישט גוט, פארוואס האט ער נישט אנגעקאלט הרה"ח ר' משה דוד נידערמאן און געזאגט אז ער וויל עפעס העלפן? וואו זענען זיינע לעלוס פון וויליאמסבורג? זיי קענען נאר גיין זאגן אז אין וויליאמסבורג פייניגט מען...?!
נשלח ב-6/1/2006 01:28
וואס וואלט אהרן געזאגט אויב סוואלט געלונגען פאר די געטרייע עסקנים צו ראטעווען מציצה בפה?!
די אהרונים האלטן נישט ביים לייגן א פינגער אין קאלט וואסער צו קיין איין אידישע מערכה, איבעראל קענען זיי נאר זאגן קריטיק און שטערן אלעס.
אהרן אליינס קומט און זאגט א דרשה פאר הונדערטער מענטשן, אז די עסקנים האבן נישט גוט געטון זייער זשאב (ווייל מהאט אים נישט געפרעגט וואס צו טון...)
איז די קשיא פונעם יאר, וואס וואלט דער אהרן געזאגט אויב סוואלט יא געלונגען פאר די עכטע עסקנים לשם שמים צו סטאפן די גזירה פון מציצה בפה?!
דעמאלטס וואלט ער זיכער געלייגט איבעראל די פיקטשערס פון "זיין" וויזיט ביי בלומבערג, ער וואלט געהאלטן א דרשה אז "ער איז געווען דער ערשטער" ווי געווענליך, און די בלאט וואלט געשריגן און פארפירט אז אלעס איז צו פארדאנקען פאר אינדיג און גלאנץ וואס האבן אנגעפירט די געלונגענע ראלי...
יעצט איז ער דא צו שרייען, וואו איז ער געווען ביז יעצט?1
