רבותי, לאזט זיך נישט פארפירן ! מציצה בפה

יוחי!!!
GOOD JOB!!!
איך ווער אט אט אן אגודיסט!!!
יוחי, דו ביסט א טאלאנטפולער פערשוין,
איך פארשטיי נישט פארוואס דער "סאטמארער"
שרייבער האט דאס נישט געקענט גלייך אליין שרייבן אויפן פורום, און האט דיך געדארפט מטריח זיין צו קאפיען,
יוחי!!! JUST KEEP IT UP!!!


תוקן על ידי - כל_העולם - 18/01/2006 3:35:55

יענקעלע, ניין לאז אונז נישט איבער

איך קען נישט מער ווי ווידערהאלן מיינע פריערדיגע ווערטער, אז עס איז שווער צו גלייבן אז די בלויזע מעלדונג אין דער בלאט האט צושטאנד געברענגט דעם פראבלעם צוליב 2 סיבות.

1) אפילו חדשים נאך וואס דער בלאט האט געהאט געשריבן דערוועגן האט די מידיא נאכנישט גערעדט דערפון, ביז ווען עס האט זיך אנגעהויבן דער 311 קאמפיין. און דאס איז זיכער אז די "עסקנים" האבן נישט געדארפט אנקומען צום בלאט צו וויסן די נייעס.

2) אויב טענדלער וואלט געזען אז ער איז נישט מצליח ביי פרידען ארויסצוקומען מיט אן איסור, וואלט ער אליין געלאפן צו די פרעסע, וועלכע וואלט זיך באלעקט די נעגל צו קענען זאפטיג באשרייבן דעם קאמף פון פארגעשריטענע אידן אקעגן די פארפינסטערטע איבערבלייבענישן פון מיטל אלטער.

אויב איינער קען מיר איבערצייגן פארקערט, אדרבא. און עס וואלט כדאי געווען אויב עמיצער האט מער קראנטע אינפארמאציע בנוגע דעם בלאט אז ער זאל עס דא ארויפלייגן.

עד כאן בנוגע דעם בלאט.

בנוגע די עצם טענות איבער הערפיס און מציצה בפה.

איך בין נישט קיין דאקטאר, נישט קיין לויער, נישט קיין ריכטער, איך האב קיינמאל שטודירט געזעץ אדער מעדיצין, איך קען בלויז זאגן וואס איך פשוט'ער מענטש טראכט.

עס איז קלאר אז דר. פרידען, טראץ וואס ער איז באמת אויסגעצייכנט אין זיין פאך, און ער איז רעספעקטירט אלס איינער פון די גרעסטע געזונטהייט עקספערטן אין אמעריקע, האט דא געצילט אויף די מצוה ספעציפיש, מיט אויסדריקליך בייזע כוונות. זייענדיג אונטערגעהעצט פון זיין אייגענעם יצר הרע, און דורך דעם מסית ומדיח טענדלער ימ"ש, האט ער געזוכט אויף אלע קאסטן צו פארבאטן די מצוה פון מציצה בפה.

דעריבער ווען מען רעדט פון דר. פרידען ביזטו גערעכט אז פאר אים וואלט מען געמוזט צושטעלן קלארע באווייזן אז די הערפיס איז נישט געקומען דורך די מצות מילה, און אפילו דאן וואלט ער עס מסתמא אויך נישט אנגענומען.

אבער איך גלייב אז יעדער נארמאלער באזעסענער דאקטאר/לויער/ריכטער וועלכער וועט נעמען אין באטראכט אז עס ווערן גע'מל'עט טויזנטער קינדער א יאר, און בלויז דריי קינדער - פון פיר טויזנט קינדער - האבן באקומען די מחלה, וואלט ער געווען גענויגט אנצונעמען יעדע טעאריע וואס איז מתקבל על הדעת וויאזוי די קינדער האבן באקומען הערפיס, און ווען מען נעמט אויך אין באטראכט אז די מחלה איז היילבאר, וואלטן די דריי שטארק איזאלירטע פעלער נישט געווען גענוג צו בארעכטיגן א רעקאמענדאציע אקעגן די מצוה.

דאס איז שוין אן דעם וואס זיי מישן זיך פאקטיש אריין אין א רעליגיעזע אנגעלעגנהייט, טראץ וואס דאס פאר זיך איז נישט גענוג אפצעווארפן א קלאגע פון סכנה, אבער עס איז יא גענוג צו נויגן דעם וואגשאל אז מען קען נישט פארבאטן ווי לאנג עס זענען נישטא קיין זיכערע באווייזן אז די מצוה האט יא געברענגט די שטערבליכע קרענק רח"ל.

צווישן די אומפאראנטווארטליכע שריט פון די עסקנים, וועלכע האבן זיך אויך פארשלייערט אונטערן מאנטל פון די "התאחדות הרבנים", קען זיכער גערעכנט ווערן דאס וואס זיי האבן זיך אונטערגענומען צו מאכן א שטודיע אויף הרב פישער.

נישט ווייל זיי האבן דערמיט געגעבן די רעכט פאר די שטאט זיך צו מישן אין די אידישע רעליגיע - ווי יוחי שרייבט בשם די אגודה - ווייל די דאזיגע רעכטן האט די רעגירונג שוין באקומען פון טענדלער... אויסער וואס זיי האבן זיך אליין גענומען, און טאקע ביד רחבה.

אבער עס איז געווען א געוואלדיגע נארישקייט פון זיי זיך אונטערצונעמען אזא שטודיע איידער זיי האבן באמת דאס שטודירט און זיכער געמאכט אז ער האט נישט קיין הערפיס פראבלעם ל"ע, וואס וואלטן זיי געטון אויב די שטודיע באווייזט אז ער האט טאקע יא דעם פראבלעם ?!

נאך מער, איז מעגליך אז זיי האבן טאקע דאס געטראפן ביי זייער שטודיע, און וועגן דעם האבן זיי געשלעפט מיטן אריינגעבן די שטודיע ?!

אויב יא איז דאס ווידער א אויסטערלישע נאכלעסיגקייט פון זייער זייט. זיי וואלטן געברויכט פראקלאמירן אז הרב פישער טאר טאקע מער נישט זיין קיין מוהל !

נאך אזא פראקלאמאציע, וואלטן זיי געקענט זייער גרינג פארפירן אז די שטאט זאל זיי פערמאנענט איבערגעבן דעם אנגעלעגנהייט, און זיי זאלן שטודירן יעדן ענליכן פאל וואס עס וועט אונטערקומען אינעם עתיד, עס לאזט זיך גלויבן אז די רעגירונג וואלט נישט געהאט קיין תירוץ און וואלט זיי עס געמוזט אהינגעבן, און דאס וואלט באדייט די ענדע פון די מערכה.

אבער דאס איז אלעס בלויזע שפאקולאציעס, איך בין מער גענויגט אנצונעמען אז די איינציגע שטודיע איז נאר געווען אויב איצא פריד'ס רעסטוראנט איז פריי פון הערפיס...

ועל זה דוה לבינו !

אז אזעלכע אומפאראנטווארטליכע פארשוינען האבן זיך באזעצט אויפן "עסקנות" שטול, און צוליב פריוואטע געלטגייציגע אינטערעסן האבן זיי פארהרג'עט אלעס וואס מען וואלט געקענט אויפטון !

איי איי איי!! "סאטמאאר'ער איד" ביז געוואויר געוורען איינע פון די סודות נעלמים וואס דיינע לערער האבען פון דיר געוואלט פארהוילען.... אוי... ווען נישט דיין וויזיט צום אגודה אפיס.. איין היטש מיט די נישט ריכטיגע עלעמענטן און קוק...!!

אה! א איד פון די אגודת ישראל אפיס ווי נאך ר' משה שערער ז"ל. א איד וואס זיין שמייכעל האט געגאסען אזויפיל אהבה מיט ליבשאפט מיט וועם ער האט נאר געדילט און גערעדט. זיננע אויגען האט געשטראלט אזויפיל חןת עס האט באנומען איעדן - נישט נאר אידען - נאר אויך גוי'אישע סענעטאר'ן.

אוי! איין היטש האט צאמגעווארפען טויזענטער ארטיקלען וואס די האסט דיך אנגעליינט אויף די אגודה. אפשר האט דאס צוטאהן מיט דעם מאמר חז"ל: שקר אין לו...?

וויאזוי קענסטו דאס מסביר זיין אין וויליאמסבורג אז עס איז דא אידען וואס האבען באמת יענעם ליב אפילו ער האלט נישט ווי אים?. וויאזוי קען דאס פארשטיין אזא איינער ווי אנטווערפן_רב? פון ווי זאל ער דאס וויסען אז דער אפיס דארט אין מאנהעטן שטייט צו העלפן א איד -ווי אימער- מיט אן אמת אהן שקר,אהן פניות, אהן סילוק חשבונות, און אהן דעמאגאגיע?. קען מען דען יעדען וויליאמסבורג'ער איד מיט נעמען אויפן היטש?!!

געווען בין איך אמאל אין די אפיס פון אגודת ישראל, עס איז געווען אפאר אינגעלייט פון פארשידענע קהילות וואס האבען געוואלט עפעס אויפטוהן איאיינעם. (דער מיטינג האט נישט פאררופען אגודת ישראל, אבער מען האט געוואלט נוצען זייער הויפטקוואטיר to host it)
אריינגעקומען אין שמועס איז אז סאטמאר'ער וועט דאס נישט צולאזען. עטליכע האבען געוואלט ראעדן בגנותן. האט ר' שמואל בלום זיך אנגערופען: רבותי מען איז זיך נישט צוזאמגעקומען דא צו רעדן וועגן סאטמאר.

סאטמאר'ער רב זי"ע האט נישט אלץ געהאלטען פון זייער וועג, אבער נישט געלייקענט זייערע מעשים. און אזויווי איש צדיק היה האט ער געוואוסט ווען ער איז זיך סוגר - און ווען ער איז לוחם. ווען ער גייט באזונדער - און ווי ער שליסט א בונד, ווי צ.ב.ש. פראטעסט קעגן גיוס בנות.

אבער ליידער האט ער איבערגעלאזט זיין עדה. און זיי זענען געבליבען כחומר ביד היוצר יוצרים מיט ייצרים. קנאות איז געווארען א ביזנעס און א איצטלא, אויב איינער האלט נישט ביים לערנען איז דא א אלטערנעטיוו, ער ווערט א פרומער, און נאכדעם א קנאי, און נאכדעם קען ער שוין טוהן שיינע שידוכים. ממילא בלייבט נישט פאר'ן אמת צופיל פלאץ - אפילו ווען ער וויל שוין זיין א מחותן -.
אין היינט זענען זיי שוין נישט נאר כחומר ביד הגלם, נאר כגולם ליד החמור. יארען מיט וויסטע שנאה, מיט געפרעדיגטע שקר - במזיד - דורך פארשידענע עלעמענטען וואס מיינען נאר זיך.

איז וואס איז דיין קשיא "טאטמאר'ער איד" בנוגע דעם פראטעסט אין מאנהעטן- פאררופען דורך אגודת ישראל אנטקעגן דעם בג"ץ, אגודה האט געוואלט א פראטעסט אויף זייער שטייגער - א עצרת תפלה - אהן קיינע דרשות. דער סאטמאר'ער רבי זי"ע האט יא געהאלטען פון דרשות - און מעדיף געווען, אזוי מיין איך - ביי א פראטעסט. מען קען פארשטיין די חילוקי דעות.

אבער דא קען מען פרעגן אפשר איז דאס נישט גענוג סיבה צו גיין אליין אין אזא קריטישע צייט? מוז מען אויסזויגען א שקר פארן עולם אז די אגודה פראטעסט איז אויף א אופן פון הכרה אין די מדינה. אה! אין יעצט פארשטייט דאך שוין יעדער חדר אינגעל אז אונזער פלאץ איז נישט מיט אזעלכע.
איי, וואס איז אנדערש דעס ווי די הפגנה קעגן גיוס בנות? דאס האפט מען אז דער עולם וועט נישט טרעפן. ס'איז דאך שוין אריבער בערך דרייסיג יאר. מען קען לייקענען אז דער רבי איז דארט געווען, מען האט שוין פארלייקענט גרעסערע זאכען...