טוה ביזנעס אן קנאקן יענעם!!!

אין א נארישע עד פון א סעליולער געשעפט אין וויליאמסבורג ליינט זיך צווישן אנדערע:

צו אונזערע חשובע קאסטומערס,

מיר טוען נאכאמאל קלאר מאכן אונזער פאליסי נישט צו מאכן קיין שום געדרייטע דיסקאונטס אויף ספרינט פלענס.

ישר כח פאר אייער קאאפעראציע.

עד כאן לשונו.

יעדער וואס ליינט דאס ווייסט אז אים ברויזט אז עס איז דא א איד אין וויליאמסבורג וואס מאכט פרנסה פון געבן פארן עולם א מעגליכקייט צו האבן ביליגע סעליולער סערוויס אן הויכע פרייזן.

דאס גייט שוין אן א שיין שטיקל צייט, און דער געשעפטסמאן וואס אנשטאט ער זאל געבן גוטע העפליכע סערוויס וואס דאן וועט מען צו אים אויך אנקומען, טוט ער א נארישקייט און מאכט א בלבול אויף זיין קאמפעטישאן.

פון ווי ער קען געבן אזא ביליגע פרייז איז מיר נאך נישט קלאר, יש אומרים, ער נוצט אויס א סערוויס וואס ספרינט געט פאר שיפינג קאמפאניס. אנדערע זאגן אז ער האט אנגעקניפט גוטע קאנעקשענ'ס מיט הויכע באאמטע אין די קאמפאני.

אזוי צו אזוי, קען איך אסאך היימישע אידן וואס האבן פון אים געקויפט און זענען זייער צופרידן סיי פון די ביליגע פרייז און סיי פון זיינע העפליכע סערוויס ווי ער נעמט יעדן אויף בסבר פנים יפות.

דעריבער, פארדריסט דאס זייער ווען מען פארדרייט דעם קאפ פאר מענטשן אן קיין שום אונטערלאגע, נאר מיטן איינעם ציל צו האקן יענעם.

טרעף בעסערע וועגן ווי צו שלעפן קאסטומערס, ווייז א שמייכל פאר דיינע עקזיסטירנדע קונים, וועסטו זען הצלחה.

דיפלאמאט,
"פון ווי ער קען געבן אזא ביליגע פרייז איז מיר נאך נישט קלאר,"
פרעג די סעקרעטערי...