גיי אריין צו MENU, אבער זיי זיכער אז דו ביסט ביי "פיקטשער" מאוד, אויב ביסטו ביי REVIEW MODE, ד.ה. דארט וואו דו קוקסט איבער די בילדער וואס דו האסט געמאכט, וועסטו באקומען אנדערע אפציעס. דער מעניא טוישט זיך לויט וועלכע MODE דו ביסט אנגעשטעלט, (דו האסט דריי, איבערקוקן, פיקטשער, און מאווי - ס'איז אויבן רעכטס, א קליינער רוקער).
ממש אנהייב, וועסטו טרעפן AF-assist Beam, וואס איז געווענלך אנגעשטעלט אויף ON, מאך עס אויף OFF, און דער פראבלעם וועט זיין געלייזט אי"ה.
אגב, איך האב זייער געוואלט עפענען פאר אונז אין היימישע מאמע לשון, אביסעלע אינסטראקשענס ווי אזוי צו נוצן א דידזשיטעל קעמרע. עס זענען פאראן אין ענגליש אזויפיל בוכער און וועבסייטס, אבער איך בין זיכער אז רוב אידעלעך האבן נישט די מח און כח, צייט און מיה, צו גיין אדורכלייענען דאס אלעס.
למעשה רוב קעמארעס האבן אין זיך אזויפיל תוכן, און מ'צאלט געלט פאר די אלע פיעטשארס, ממש א שאד זיי נישט צו נוצן. צי ווייסט איר למשל וואס מיינט די פאלגענדע:
- פאוקאס (אוטא און מענועל)
- ווייט בעלענס
- ISO (נידריג אדער הויך)
- שאטער ספיד אדער שאטער לעג
- אפטיקעל און דיזשיטעל זאם,
- אימעדזש סטעבילייזער
- סטיטש אסיסט - (פאראנאמא)
- עקספאושער (אנדער און אווער)
- אלע סארטן פלעש, ווען יא און ווען נישט?
- סין מאודס (פארשידענע סצענעס קומען פראגראמירט)
- מעקראו מאוד
א.א.וו. צי ווייסט איר למשל אז ס'איז נישט כדאי אריינצודרוקן דעם גאנצן שאטער באטן ווען איר נעמט א בילד, נאר קודם דרוקן האלב דערפון, עס קומט ארויף אדער א גרינע באקסעלע אדער אן אנדערע צייכן, און דאן טוט עס "לאקן" (צושפארן) דעם פאוקאס און עקספושער פאר די בעסטע רעזולטאטן, און ערשט דערנאך דרוקט איר אריין גענצליך?
מיין שאלה איז דא צום עולם: איז איינער אינטערעסירט דערין? איז דא איימיצער וואס קען דאס, אדער וויל וויסן? אדער רעד איך בעיקר צום דופן?
 |
|
|
