ספרים

ענליך צו דעם קען געזאגט ווערן אויפן ביאור הגר"א כידוע (עס איז דא א פירוש דמשק אליעזר דערויף, קען זיין היינט איז שוין דא נאך ספרים דערויף, אבער די קורץ און שארפקייט פונעם גר"א איז אין לשער!).

שמירת שבת כהלכתה באידיש עס האט הסכמות פון די מחבר אין לשה"ק, פון רבי פישל הערשקאוויטש שליט"א, און נאך איינעם (איך געדענק נישט). דער מחבר אין לשה"ק שרייבט אבער זייער אפען אין זיין הסכמה אז ער גייט איבערדרוקען דעם ספר מיט פילע דינים וואס ער האט צוריקגעצויגן. דער ספר שמירת שבת כהלכתה האט א מוראדיגע מעלה אז יעדע קלייניגקייט וואס מאכט זיך שבת געבט מען א בליק אינעם מפתח צום סוף פונעם ספר וואס דארט ווערט אויסגערעכנט אלע היינטיגע פארגעשריטענע געצייג וכדו', און מען זעט באלד די הלכה. די פראבלעם ביז יעצט איז געווען אז די אלע היינטיגע ווערטער זענען געווען געדריקט אין עברית. ממילא האט מען אפילו נישט געוואוסט וואו צו זוכן. יעצט ווען עס איז איבערגעדרוקט געווארן אין אידיש פארמאגט דאס א מוראדיגע מעלה פאר אונז, איך האב קיינמאל נישט געוואוסט אז אזויפיל אקאטועלע זאכן ווערן דארט נתברר ביז איך האב געזען די אידישע. (מיין עקרת הבית מוטשעט זיך שוין ארום א יאר מיט עפעס א שאלה פון געבן סיריעל פאר קינדער, גלייך ווען איך האב אהיימגעברענגט דעם ספר איז די זאך נתברר געווארן....) די הערות אינטן זענען נאך אלץ לשה"ק. אין קאנטראסט צו דעם ספר פון הרב יואל צבי מאשקאוויטש שליט"א דומ"ץ טאהש אויף הלכות שבת איז דער ספר שמירת שבת כהלכתה נישט געאייגנט פארצולערנען ביים שבת טיש, און נישט צו לערנען גאנצע שטיקער דערין. עס איז בלויז ווען מען דארף וויסן א ספעציפישע זאך. ער האט אויך אויסגעלאזט די דיני חולה וואס ווערן נתבאר אין די לעצטע סימנים פון די לשה"ק ווערסיע.

אט דער ספר - שמירת שבת כהלכתה באידיש - האט שוין זוכה געווען צו א פלאקאט דערקעגן, איך האב געזען דעם שבת ערגעץ א קול קורא אז מענטשן זאלן אכט געבן נישט פסק'ן פון דעם ספר, ווייל עס איז געבויט אויף פסקים פון מורי הוראות מיט וועמען מען רעכנט זיך נישט אין אונזערע קרייזן.

דער פורום בליהט ב"ה הערליך, טראץ די טעג פון פאר פסח, יישר כח פאר די מנהלים.

ולשבחם יאמר, מען קען דא נישט אריינלייגן קיין תגובה "סתם אבי גערעדט" ווייל דא זיצן תלמידי חכמים ואנשי שם, מ'דארף אלעס געהעריג ארויסרעדן און אנצייכענען דעם מראה מקום, און דאס איז גורם אז אין דעם פורום ליין איך מער ווי מען שרייבט, אבער דאס הארץ קוועלט פון דברי תורה, אפילו אינמיטן די ארבעט.

**

ספרים

דער טויש וואס איז געווארן אין די לעצטערע יארן, מיטן הילף פונעם גרעסטן תלמיד חכם אן א קאפ בדורינו - דער קאמפיוטער - האט געברענגט א וועלט פון צימישעניש בנוגע אויף "וואס" א תלמיד חכם באשטייט.

איין מהלך איז: לערנען און קנאקן גמרא רש"י תוס', א דף נאך א דף, דאס זעלבע מיטן שו"ע. צווייטער מהלך, ידיעות ידיעות און נאכאמאל ידיעות. [כאילו פון לערנען גמרא האט מען דאס נישט].

ווי פארשטענליך, מיר לערנען בחברותא, און בחברותא איז נאר שייך גמרא שו"ע. [אזוי מיין איך].

וואס שייך צו זאגן אויף דעם אשכול פון "ספרים", איז נאר אז יעדער זאל אראפשרייבן, וועלכע ספר ער האלט אין די האנד "בקביעות" אויסער: חומש, משניות, גמרא שו"ע און מוסר ספרים.

איך נוץ די ספרים:
חתם סופר תורת משה, עה"ת. און דרשות חת"ס.
לוח דבר בעתו - דאס איז א "פריינטליכע דערמאנונג" אויף אלעס. ס'איז געוואלדיג
לדוגמא יעצט פאר פסח, טיילט ער צוביסלעך איין די טעג מ'זאל אנקומען מיט אלעם, מ'קען שוין מאכן פסח'דיג די ספרים, נישט אויסקלאפן די ספרים פון א הויכן פארטש צו די גאס ווייל ס'קען אפשר ארויספאלן געשריבענע חידושים, ענוואלאפס מיט געלט וכו'. , נישט ארויסווארפן אויפן גאס א פרידזשידער/פריזער וואס מ'קען נישט עפענען פון אינווייניג צוליב כמה סכנות וואס איז שוין ליידער געשעהן וכו' וכו'

דאס איז אבער נאר דער קליינער חלק דערפון, ס'האט "עתים לתורה" שיעורי תורה אויף א סדר יעדן טאג, "דבר יום ביומו" וואס האט פאסירט אין די היסטוריא די טעג וכו' וכו'.


אויפשרייבענדיג וואס ליגט מיר אויפן טיש: מחזור ד"י לפסח, למען תספר, ילקוט מקראי קודש ח"א [חדש], פרדס אליעזר לפסח, מנהג ישראל תורה ח"ג, און אפאר בילס..

גאר אינטערעסאנט איז די שו"ת תשובת והנהגות, [מאת הרב משה שטרנבוך]. זיין מהלך איז גאר אינטערעסאנט, ס'איז קורץ מיט די מראה מקומות אבער זייער אויפפאלענד. [ס'ענדלט אפשר מיט "נשמת שבת", אז די גאנג רופט ארויס שטוינונג.].

נבוכדנאצר האט מיך דערמאנט פונעם ספר הדור האחרון. אן אריינצוגיין אין די שיטות פונעם בעל מחבר איז דער ספר א מעסטער דזשאב שאין כדוגמתו! גארנישט קיין אייגנס, ער ברענגט אראפ דאס וואס די גדולי החסידות זעלבסט האבן געוואוסט צו זאגן וואס עס וועט זיך אויסקאכן מיט די גדולי החסידות שבדורינו זה, ער ברענגט אראפ סיי דברים ידועים און סיי נישט באקאנטע שטיקלעך פון פארשטיפטע ספרים ותולדות הצדיקים. מען קען דארט זען שטיקלעך פון אפאר הונדערט יאר צוריק וואס ממש תסמר שערות אנוש!!! ער זאגט אז דער ספר קען ווען זיין צען חלקים ווען ער זאל וועל האבן געלט דערפאר.