ווי איך קוק עס אן זענען די פאפירן זייער גרינג צו ענטפערן אויף אזוי ווייט אז איך זעה באמת נישט ווי אזוי די ארגומענטן זאלן האבן א שאנס, חוץ אויב די דשאדש'עס האבן אן השפעה פון אין דרויסן פון געריכט הויז.
1. זיי קומען מיט א פרישע המצאה אז וועגן דעם האבן זיי נישט געלאזט ראזענוואסער רעדן מיטן רבי'ן ווייל די רבי איז שרעקליך שוואך און נישט געזונט, זיי פארציילן אז זייט אנהויב זומער איז דער רבי מערערע מאל אריין אין שפיטאל, ער טוט מער גארנישט קיין פונקציעס, קומט נישט אין שול, נעמט נישט אויף קיין מענטשן, און די צייט וואס א פאר וואכן פארדעם האבן זיי געשריבן פאר לעווינטאהל גענצליך אן אנדערן בילד, ווי געזונט אין שטארק די רבי איז, ער געזעגנט חסידים, ער האט געזאגט לשנה טובה פאר 10 טויזענט מענטשן ער איז ביי הונדערטער ברית'ן, וכהנה, זיי האבן נישט געהאט קיין שום פראבלעם צו אריינלאזן לעוויטאהל און רעדן מיטן רבי'ן, ועל כולם, 2 וואכן נאכדעם וואס ראזענוואסער האט פארלאנגט אן אדיענץ מיטן רבין, איז די רבי געפארן ביז מאנסי אין געטאנצן ביי א הכנסות ס"ת, פלוצלינג ווען מ'שטעלט זיי צו די וואנט, הייבט מען אן צו זינגען אן אנדערן ניגון.
2. זיי לייגן א גרויס געוויכט אז רז"ל און דער דיין האבן אויך ארויסגעווארפן בערל פר"מ, און דאס איז פונקט אזוי שטארק ווי די גרענד ראביי, עס עקזיסטירט נישט אין די שטאטוטן אזא מין פאזיציע ווי א "טשיף ראביי", עס האט קיינמאל נישט עסזיסטירט אזא מין זאך, עס ווערט נישט דערמאנט וואס דאס איז, אדער וואס זיין כח איז, דאס איז א שפיל, צו אנשטעלן כאילו דאס אזא מין זאך במקום די גרענד ראביי.
3. די אזוי גערופענע "קאנגרעגעישן היי קארט" "די בי"ד", איז גענצליך נישט מער און נישט ווייניגער ווי א SHAM, (א שפיל), די סאטמארע קהלה האט דורך זייער היסטאריע קיינמאל נישט געהאט קיין בי"ד, די בי"ד וואס סאטמארע חסידים פלעגן ניצן איז אלס געווען און איז נאך אלס איז CRC, התאחדות הרבנים, ווי ר' מענדיל זילבער איז דער ראש בי"ד, דער בי"ד פון וואס זיי רעדן האבן יאנקל קאהאן און שאול פ"ש געגרינדעט פאר 3 יאר צוריק, מיטן בלויזן ציל עס צו ניצן אלס א שפיל אין קארט, די דיינים וואס זיי האבן געשטעלט צו זיין די בי"ד האבן נאך אין זייער לעבן נישט געפירט קיין די"ת, ועל כולם זייט די גרינדונג פון זייער א.ג. בי"ד, שוין 3 יאר, האבן זיי נאכנישט פארפיגט אויף קיין איין איינציגער די"ת, די איינציגע זאך וואס מאכט זיין פאר א "היי קארט" איז א סיין מיט א לעדער-העד.
4. דשאדש ראזענוואסער האט מברר געווען א זאך וואס באראש האט קיינמאל נישט צוגערירט, מיטאמאל ברמז, דהיינו, צו דער רבי האט ארויסגעווארפן בערל פר"מ, דורכאויס די גאנצע 4 יאר אין אלע פאפירן און ארגומענטן פאר באראש זעהט מען אין ערגעץ נישט אזא מין דיסקוסיע, דאס מיינט קלאר אז דשאדש באראש האט עס קיינמאל נישט מברר געווען, ראזענוואסער איז געווען דער ערשטער וואס האט זיך אריינגעלאזט דערין בעובי הקורה, אבער נישט סתם, נאר ער האט געגעבן פאר ביידע צדדים די וועלטס צייט דאס קלאר צו מאכן, און ער איז געווען דער ערשטער וואס האט געפסקנ'ט אלס א פאקט אז דער רבי האט קיינמאל נישט ארויסגעווארפן בערל פר"מ.
כאב נאך צו שרייבן אבער דאס איז וואס מיין צייט ערלויבט מיר.
 |
|
|
