אוי ווי נעמט מען די צייטן פון אמאל

די אויסשפריך הערט מען פון אינג און אלט, יעדער קלערט אלעמאל אז א יאר צוריק איז דאך אזוי גוט געווען, אדער אין די אמאליגע דורות, אדער פאר צען יאר צוריק וכו' וכו' יעדער בענקט זיך צו אלטע צייטן, אבער סיז דא א געוואלדיגע קשיא אויף דעם, לאמיר דאס צונעמען אין קליין געלט.
 
משה איז געבוירן תשלא, און תשמא זאג ער אז זיין מלמד אין תשמ איז געווען אזא גוטע רעבע, אוי ווי נעמט מען די צייטן פון אמאל, משה גייט אין ישיבה, פון הרב יגאל פרידמאן, און דארט לערנט ער צוויי יאר, ער איז נישט צופרידן ער גייט פון דארט  אוועק, אזוי אז תשמו גייט ער לערנען אין א פרישע ישיבה, וואס דער ראש ישיבה איז שלמה קליין שליטא, וואס מ'האט גערעדט איבעראל אז דאס איז די בעסטע ישיבה צו שטייגן, נו חודש כסליו תשמו הייבט אהן משה זיך צו בענקן צו הרב יגאל'ן, אוי ווי נעמט מען די צייטן פון אמאל, משה ווערט שוין עלטער ער שטייט שוין ביי שידוכים, ער האט שוין לאנג פארגעסן זיינע צרות פון הרב יגאל'ן און פון הרב שלמה'ן, איצט איז ער אלעמאל נאר ביזי אוי איצט קוקט דער שדכן, אוי ווי נעמט מען די צייטן וואס מ'איז געזיצן אין ישיבה, נישט קיין חילוק וועלכע ראש ישיבה, שוין ענדליך תשנב, ביי די 21 ער ווערט א חתן, בשעטומ"צ, יעדער איז העפי, שוין די חתונה איז שוין אויך דורך, ער הייבט אהן זיין לעבן אין כולל, וואס באשערט איז איהם דארט צו זיצן אויף נאך אסאך יאר, אוי בענקט ער זיך צו די צייטן וואס ער איז נאך געווען אין ישיבה פאר די חתונה, אהנע דאגות, אוי קרעכצט ער זיך אונטער, ווי נעמט מען די צייטן פון אמאל?

יענקל איז געבוירן פונקט אין דעם זעלבן דאטום נאר מיט 10 יאר שפעטער, תשמא, פונקט ווי משה גייט ער דורך די צייטן אלץ אינגל, יעדעס יאר בענקט ער זיך נאך דעם מלמד פון פאר א יאר, מ'שטיינס געזאגט דער מלמד איז אזא שטרענגער, ער דארף שוין גיין אין ישיבה, אבער הרב יגאל פירט שוין נישט קיין ישיבה, ער גייט אריין תשנד צו די ישיבה פון הרב שלמה קליין, אין ישיבה קטנה וואס ער האט געפענט תשנא, נאך צוויי יאר תשנו פארשטיי זיך יענקל איז נישט צופרידן, אוי ווי נעמט מען די צייטן פון אמאל, קומט צו איהם א איד רעב משה און זאגט איהם הארך אויס אין די ישיבה בלבנון ישגה וואו הרב לעמל שוכמאכער איז ראש ישיבה, איז אין די ישיבה גדולה דא א מגיש הרב יגאל פרידמאן וואס איז א געלונגענע מגיש ער איז נאנט מיט די בחורים, און ער איז געוואלדיג, איך געדענק ווען ער האט געהאט א ישיבה ווען איך ביןג עווען א בחור האב איך ביין איהם געלערנט, ער האט געהאט זיין ישיבה אין א דערפל וואס הייסט בינגהעמטן, אוי קרעכצט ער זיך אונטער אוי איז דאס געווען גוטע צייטן, ווי נעמט מען די צייטן פון אמאל, יענקל גייט אריין אין די ישיבה מיט אנטוזיסטישע געפילן, איבערגענומען אינגאנצן כסלו בענקט ער זיך שוין צו די צייטן פון אמאל ביי הרב שלמה קליין, יענקל אנדערש פון משה כאפט מען שוין ביי די אכצן און ער האט חתונה, ליידער האט ער נישט געקענט גיין אין כולל, ער גייט ארבעטן פארשוויצט און ער רעדט צו זיך אוי ווי נעמט מען די צייטן פון אמאל אהן א דאגות, א אינגערמאן פון 21 יאר שוין צוויי זיסע קינדערלעך, טרוד על המחי' ועל הכלכלה, וואס וואלט איהם געפעלט צו זיצן נאך צוויי יאר אין ישיבה?, אוי ווי נעמט מען די צייטן פון אמאל?

די צוויי עפיזאדן פאסירן טאג טעגליך, און יעדער קרעכצט אויף צוריק, איז דאס נארמאל? אזוי וויל דער גאט אז מיר זאלן ווערן אויסגעשפילט? מיט וואס דער איז געהאלפן געווארן, איז דער אויסגעשפילט געווארן, אויף וואס דער בענקט, וויל דער צווייטער אפילו נישט קוקען, סאו וואס גייט דא פאר?

איך האב וואס צו ענפערן אבער קודם לאז איך דאס פאר די חברי הפארום זאלן דן זיין איבער די נושא.

תוקן על ידי - התאחדות - 04/05/2006 21:34:44

נאך איבער די נושא פון זיך בענקן צו די אינגע יארן האב איך געטראפן אין אן אנדערע פארום,
ס'איז געשריבען בדרך הלצה אבער די נקודה איז די זעלבע, אז מ'בענקט זיך נישט.