וואס איז דער ציל פון אונזער פארום

כעל זאגן וואס איך האלט:

1. עס איז שוין אזא CUSTOM אין הייד-פארק אז יעדע שטיק צייט מאכט זיך א שטורעם און אן איבערקערעניש, עס האט זיך נאך אנגעהויבן אין די אור-אלטע H_N צייטן (איינער געדענקט?) נאכדעם מיט "חדשות בארא פארק" "וויליאמסבורג" "נו יארק", "אנש", "קרית יואל", "אפסטעיט", "דאונסטעיט". עס גייט דורך א שטיק צייט, מ'איז זיך פושט צורה ולובש צורה, און מפטירין כדאתמול.

2. איך בין זייער סוספישעס דערויף, פאר מערערע סיבות, דער הויפט סיבה איז די פאקט אז אפי' ברמיזה האבן זיי נישט דערמאנט קיין איין ווארט אז אונז זאל מיר זיי נאכטון, עס וואלט ווען געדארפט זיין א דבר פשוט אז אויב מיינסט עס באמת לשם שמים, זאג כאטש עפעס, ניין, שטאטס דעם שרייבט מען א לאנגע מגילה ווי הייליג און גרויס ר' זלמן לייב איז, און מיט דעם ענדיגט זיך עס. ס'שמעקט ווי דאס איז א מיטל צו אנהייבן א שמוץ קאמפיין קעגן אונז.

3. בכלל, שטינקט דאס פון צביעות פון קאפ ארויף. עס פלאקערט א מחלוקה אין סאטמאר שוין 7 יאר, די גאנצע וועלט שטורעמט דערפין, אידישע ברודער האבן זיך פיינט שנאת מוות, די חילול השם איז איום ונורא. ער האט געהאט די שליסל צו ברענגן שלום, ער האט קאנטראלירט דעם רבי'ן ז"ל, מיר זענען געווען מאכטלאז, די עיקר סיבה פארוואס סאטמארע חסידים האבן אלס געהאפט צו געווינען די קארט, איז אויסער די זעלבסטפארשטענדליכע, איז אז יעדער האט געוויסט ווען מיר געווינען איז דא א שאנס זאל זיין שלום אין א שליכטונג. ער האט יעדע מינוט געהאט די ברירה צו גענצליך אפשטעלן די מחלוקה, אנדעם וואס ער זאל דארפן אויפגעבן א ברעקל פון זיין רביסטווע, וואס דען האט ער געטאן? צוגעגאסן אויל צום פייער, ער האט מיט "גרויס מסירות נפש" ח"ו נישט געלאזט גיין צו דין תורה, ווייל די BRAND NEW ביד"צ האט אזוי געהייסן, ער האט, נאך דעם וואס די אייניקלעך האבן מיט גרויס ציבראכנקייט אין ווייטאג פארלאנגט פון קארט מ'זאל ענדיגן די רציחה ביים רבי'ן אין שטוב, האט מען זיי באגאסן מיט צואה רותחות, א ריזיגע בילד אין דער איד, געלאפן צו די עדה. קעגן אייגענע ברודער שוועסטער!! יענעם חמשה עשר בשבט, שטאטס זיך אראפזעצין פארהאנדלען און פרובירן צו פארמינערן די חילול השם און שנאת אחים, שטעלט ער זיך אויף האלטן א דעמאגאגישע דרשה קעגן זיינע אייגענע אנשים אחים, אז ווען דער בעל דברי יואל וואלט געלעבט וואלט ער זיכער לוחם געווען קעגן בערל פרידמאן. ער האט "מיט גרויס מסירות נפש" זיכער געמאכט צו געבן פעמיים באהבה א פארציאן עגמות נפש פאר אונזער בליבטן רבין ז"ל הכ"מ, און זיכערגעמאכט צו "דערמאנען" אז ר' אהרן מיט אברהם ווידער, שמואל אבערלענדער, יקתואל הערש וו"ב זענען שקצים, די דערמאנונג איז נאך אנגעגאנגען לכה"פ 3 יאר נאכדעם וואס ער האט איהם געפירט קיין פלארידע ביום חופתו פון זיין אייניקל. יעצט קומט ער מיט פארגלייזטע אויגן רופט אריין זיין זוהן אין גבאי, "איך האב געהערט" אז ס'דא אזא מין זאך פון "הייד פארק" און עטס שרייבטס דארט, ר' איד: "האסט געהערט" פון די מחלוקה קעגן דיין ברודער? "האסט געהערט" פון דעם אז דיין טאטעס משפחה איז צוריסן אין צופליקט? "האסט געהערט"  די טעיפ פון שאול פ"ש? "האסט געהערט" פון די ביטול תורה שנאת אחים וואס פלאקערט נאך איצט, WITH NO END IN SIGHT, וואס האט איר געטון דערצו? די איינציגע זאך וואס די האסט געהערט איז "הייד פארק"? 

מיט דעם אלעם, איך מצידי, AM ALL FOR IT, איך בין גרייט צו געבן א שאנס, און זיי נאך טאן, די מינוט נאכדעם וואס זיי שפארן, גיי איך מיר, און איך בעט אלע מיינע קאלעגעס מיך צו נאך טאן. מיין עיקר ציל איז זאל זיין שלום במחנינו, און אויב עס איז דא די מינדעסטע שאנס אז דאס וועט דאס צוברענגן, וועל איך אלעס איינלייגן עס צו צישטאנד ברענגן.

אז דו ווילסט שרייבן, שרייב מיט געהעריגע אותיות. דער מנהל. תוקן על ידי - כל_העולם - 04/10/2006 20:09:21

בא ללמד
מקוה איד

לויט ווי אזוי ענק האבן געמעקט יעדע קלייניקייט איז עס זייער ווייט שלעכט פון די אנדערע פורומים און עס איז געווען ביז היינט זייער א שיינע פורום וואס פשוט'ע מענטשען האבן געזען נייעס אין בילדער
און אויף דעם וועג ווי אזוי סגייט ביז יעצט איז קיין פראבלעם סאיז אזוי ווי א עלעקטעראנישער "דער בלאט"
דאס יא מען קען זיך אביסל איינציען דעם פאסיג און נישט ענטפערען קיין זאליס דא אדער שרייבן שענער און ווייניגער לשון הרע און מחלוקת
איין זאך וואס קען צוגעבן צו דעם איז אז די קעפלעך זאל שטיין קלאר ארויסגעשריבן אזוי אז דער סתם היידליין קוקער זאל זען אלעס אויבן אויף

2)  מקוה איד דיינע ווערטער דארפן געשריבן ווערן מיט סך א גרעסערע פאנט די עוולה פון ... אז ער שטעלט אפ נאר פיקטשורס אין דער איד (די שרייבערס שטעלט ער נישט אפ...) און היידפארק. זאל ער קודם אפשטעלן די געפערליכע רשעות און דאס מסרב זיין לדין

אבער ווי געשמועסט דארף מען זיך איינציען דעם פאסיג סאו דארף מען עס אוריסברענגען נישט אויף א מיאוסען לשון פארשטייט זיך

איך טראכט אז אפשר איז יעצט די פאסיגע צייט צוריקצוגיין צום ארגינעלן ציל פון דעם פארום, צו דינען אלס נייטראלער פארום פאר ביידע זייטן צוגלייך. אויב ס'איז דא א זאלי ניק וואס איז גרייט צו ווערן דא מנהל משנה, אדער גאר נעמען בשותפות דעם מנהל ניק, זאל ער זיך ביטע מעלדן אין אישית.

בא ללמד

פון עקספיריענס אויס

דו הרג'עסט אפ דו גאנצע זאך אזוי
פארקערט ווי ווייניגער זלונים אלץ בעסער העכסטענס זאל עס הייסן נאר אן סאטמארער פורום

איך וועל אויך זאגען א פאר ווערטער.
איך וועל אויך אנהייבען מיט די הקדמה אז קיינער האט נישט גע'כשר'ט די אינטערנעט, קיינער זאגט נישט אז אינטערנעט איז כשר.
איך האף זייער אז אלץ סגן מנהל האב איך נישט קיין אחריות אין צוציען מער מענטשען צו'ם אינטערנעט.
די פארום איז געמאכט געווארען אויסשליסליך פאר מענטשען וואס זיינען שוין אויפ'ן אינטערנעט מיט סיי וועלכע תירוץ, אז מ'זאל האבען א היימיש קרעמעל ווי זיך דורכצושמועסען און נישט דארפען זיך דרייען אין די פרעמד.
ליידער, איז די הויפט טעמע אין אונזעערע קרייזען די לעצטע פאר יאהר געווען פאליטיק און ס'זעהט נישט אויס אז ס'גייט זיך טוישען אין נאנטען צוקונפט.
איך וועל מיך זייער פרייען צו דער צייט ווען מ'וועט קענען נוצען די פאראם צו מעלדען שמחות און אראפשרייבען די תורות פון רבי'ן און ס'וועט נישט זיין קיין מער אינערסאנטע נייעס ווי ווער האט געטאן א שידוך אדער געבוירען א קינד.
אבער בידערווייל..
וויל איך זאגען צוויי זאכען.
ערשטענס, איך אפלאדיער דער שריט פון כ"ק האדמו"ר מסיגעט שליט"א. אז ער האט געקענט נעמען שמוציגע נידערטרעכטיגע יונגען מיט פרעכע פיסק און ארויסשלעפען פון די בלאטיגע זומפ פון אינטערנעט קען איך נאר זאגען כה לחי! און ילכו מחיל אל חיל.
איך וואונטש די אלע וואס הערען אויף צו שרייבען פיל גליק אין זייערע נייער וועג, זאלען זיי זוכה זיין זיך צו דערהייבען אין די הייליגע טעג, און איך נעם דער אנגעלעגענהייט צו לאדענען ווער פון אונזערע שרייבערס האלטען אז דאס איז א פאסיגע געלעגענהייט זיך אפצושיידען און צוריקקערען צו די טאג טעגליכע תורה, עבודה און גמ"ח.
איך האב מיך שוין געזאגט גלייך נאכ'ן פטירה פון רבי'ן זצ"ל אז פון מיין זייט אויס אז צוטיילט איז צוטיילט. ווער ס'וויל עהם פאר א רבי זאל עהם דאס וואס באקומען.
איך ווייס אז ס'דא שרייבערס דא וואס וועלען דינגען מיט מיר אבער אין מיינע אויגען איז דא רבי'ס גרעסערע שטריקעס און קלענערע ירא שמים'ס און נישט ווייניג פון זיי זיצען אין די אגודיסטישע מועצת.
אויב ער קען אויפטוען מיט דער עולם און זיי האלטען ביי עם פאלגען אפשר זיינען זיי פאסיג איינער פאר די צווייטע. מיט אונז האט עס שוין נישט.
צווייטענס, אזוי ווי בא ללמד האט שוין באטאנט, יעצט אז ס'נישט דא קיין שלעכטע שכנים פון וועמען זיך אפצולערנען, האף איך אז די עולם וועט אליין זיין מער איינגעצוימט מיט זייערע אויסדרוקען מ'זאל נישט דארפען שטרענגער פארסיערען די תקנות.

דריטענס, טאמער ס'נאך דא אזעלכע זאליס וואס וועלען נישט איינהאלטען פונ'עם אינטערנעט און וועלען וועלן שרייבען דא, וויל איך זיי העפליך באגריסען.
מיר האבען געזאגט פון די ערשטע טאג אן, אז די פאראם איז אפען צו אלע, ווי לאנג מ'האלט די תקנות.
די פאראם איז געווידמעט צו רעדען פון פאליטיק און מ'קען רעדען, דינגען און אפילו קריעגען, אבי מ'טוט עס איידעל און געמוטליך ווי ס'פאסט פאר עהרליכע אידען. איך האב גענוג חברים פון ביידע זייטען, אונז האבען שארפע דיפערענצען אין אונזערע מיינונגען אין די ענין און אונז קענען יא רעדען דערוועגען געמוטליך, נארמאל, נישט העצעריש צולאזט.
ווער ס'געדענקט נאך, איז אזוי אמאל געווען אין חדשות אנ"ש און איך גלייב אז ס'קען נאך אלץ זיין, מיט א ביסעל גוטע ווילען.
איך האף אז אונזערע אלע שרייבערס וועלען העפליך אויפנעמען ווער ס'וויל אריבערקומען און ס'וועט נישט איבער'חזר'ען די קינדערישקייט פון די ערשטע טעג פון פאראם "ארויני" "זאלויני" "זאלויני פארשטעלט פאר אן ארויני" אאזוו.
און איך האף אויך אז איך בין נישט צו אפטימיסטיש אדער נאאיוו, און אז ס'וועט זיך נישט ארויסווייזען א גרויסען זייפען בלאז. ימים ידברו.

איך וואלט יא געהאלטן אז מ'דארף פאר א שטיק צייט אויפהערן שרייבן דא, אדער כאטש אויפהערן שרייבן פאליטיק. איך בין איבערצייגט אז די סיגוטער פלאנען דא אנצוהייבן מיט א שטארקע אפענסיווע אקעגן סאטמאר היתכן זיי האבן אינטערנעט פארומ'ס. און לויט ווי איך קען די מענטאליטי פון אונזערע ראשי הקהילה, וועלן זיי נישט רוען ביז דער פארום וועט ווערן אפגעשפארט. איך האלט מ'זאל ווארטן אביסל ביז ווען די סיגוטער עפענען זייער נייע פארום, און הייבן צוריק אן מיט זייערע אלט באקאנטע מנוול'ישע שפראך.