צדיק בא לעיר
באבובער חסידים אין לאנדאן האבן מיט חרדת קודש מקבל פנים געווען
כ"ק אדונינו מורינו ורבינו עט"ר שליט"א
צו זיין אנקום קיין לאנדאן
צוזאמען אונזער חשובע רב
הגה"צ אבד"ק שליט"א
און ראש הקהל דקהלתינו
הנגיד הנכבד הרה"ח ר' אייזיק דייטש נ"י
אויף א בליץ באזוך מנחם אבל צו זיין ש"ב
הנגיד המפורסם הטפסר הגדול ר' בן ציון דוננער נ"י
על פטירת אמו החשובה ע"ה
יהא בואם לברכה
לאנדאן - ביי די באבוב'ער חסידים דא אין לאנדאן הערשט א אויסערגעווענליכע התרגשות ושמחה צו דעם אנקום פון רבינו הגדול כ"ק מרן אדמו"ר שליט"א.
רבינו שליט"א איז ארויס פון היטרוי עירפארט אום 7:30 בבוקר, ווי ער איז אפגעווארט געווארן דורך די פני וחשובי העדה, און איז אריין אין די קאר פון הרה"ג ר' דוד ב"ר זאב שטערן שליט"א רב דקהל "אהל משה", און צוגעפארן צו די אכסניא בבית ש"ב הנגיד המפורסם הטפסר הגדול בנש"ק הרב הגאון רבי שלמה פרישוואסער שליט"א אבד"ק סאסוב, און זיך טובל געווען במקוה
פון דארט איז רבינו שליט"א צוגעפארן צום סאסובער בית המדרש ווי עס האט אפגעווארט א ריזיגער עולם אידן באבובער חסידים פון גאנץ לאנדאן און מאנטשעסטער, וועלכע זענען געקומען מיט דאווענען שחרית בצל קדשו, ווען רבינו שליט"א איז אנגעקומען צום בית המדרש האט דער עולם אים מקבל פנים געווען באהבה רבה און געזונגן בהתרגשות "קול רנה וישועה - ברוך הבא בשם השם "יחי אדונינו מורינו ורבינו" - דאן איז דער גאנצער ציבור אריבער נעמען שלום און דער רבי שליט"א האט יעדן געענטפערט במאור פניו.
אום 9:30 אזייגער האט מען זיך געשטעלט דאווענען שחרית .
נאכן דאווענן איז געפראוועט געווארן א מסיבת לחיים, דער רבי שליט"א האט געטיילט לעקיך און בראנפען און געוואונטשען לחיים פאר אלע פארזאמלטע. עס איז אויך אנוועזענד געווען א גרויסער עולם בני תורה וכולל אברכים פון גאלדענס גרין.
ביי די מסיבת לחיים האט מען געהאט די זכי' צו הערן די דברות קודש פון רבינו שליט"א וועלכע האט משמיע געווען דברי אגדה והתעוררות, וואס האט דערהויבען דעם גאנצען ציבור אין א העכערקייט עד למעלה, עס האט זיך געפילט א דערהויבענע יו"ט'דיגע שטימונג ביים גאנצען ציבור. עס זענען געזונגן געווארן שירות ותשבחות מיט ברען און התלהבות.
דערנאך איז רבינו שליט"א געגאנגן צו די אכסניא וואס עס איז געווען צוגעגרייט ארוחת הבוקר דורך הרב שלמה פרישוואסער שליט"א אב"ד סאסוב, אין שטוב האבן אפגעווארט חשובע רבנים ואישי ציבור פון לאנדאן עיר הבירה. וועלכע זענען געקומען מקבל פנים זיין רבינו שליט"א
אום 11:30 איז מען געגאנגן מנחם אבל זיין די משפחת דוננער.
יעצט אום 2:00 אזייגער שטייט א גרויסער עולם הם ונשיהם ובניהם אריינצוגיין אל הקודש פנימה פון רבינו שליט"א מיט קוויטלעך ליהנות ממנו עצה ותושי' און מקבל צו זיין ברכת צדיק.
פאלגט נאך שפעטער ווייטערדיגע באריכטן!!!
