ווינדאוס וויסטא וועט האבן זייער אסאך עדווענטעדזשעס איבער XP. די ערשטע מעלה איז אז מען קען עס שרייבן אין "אידיש" "וויסטא", און מען מוז נישט טוישן צו ענגליש און שרייבן "XP".... דזשאסט קידדינג...
עס וועט האבן מער סעקיוריטי, וואס איז די וויכטיגסטע, א בעסערע "סוירטש" ענדזשין, זייער ענליך צו גוגל דעסקטאפ און יאהו, א בעסערע "סטארט" מעניו, די וועג ווי אזוי מען זוכט און מ'ארבעט מיט פיילס וועט זיין פיל גרינגער, דהיינו ווינדאוס עקספלאורער וועט אליינס זעהן וואספארא סארט פיילס דו נוצט און לויט דעם אויסשטעלן די טאלבאר אויבן. אויך וועלן אלע פיילס האבן "טאמבנעילס", דהיינו מען וועט זעהן אין קליין וואס איז דער פייל, דער אייקאן וועט זיין א פיקטשערל אין קליין פון דעם פייל.
ספעציעל וועט עס צונוצקומען ביי בילדער, וואס רוב מענטשן האבן דאך טויזענטער בילדער מיט די דיזשיטעל קעמערע, וועט זיין יעצט "וווינדאוס פאוטא גאלערי" וואס וועט מסדר זיין די בילדער לויט "לעבלס" וואס דער יוזער וועט אנצייכענען, און מען וועט קענען אויפזוכן לויטן דעיט, לויטן לעיבל, און נאך אנדערע פרטים. אויך וועט מען קענען פארריכטן בילדער, פארשטייט זיך בלויז די בעיסיקס, ווי אוועקנעמען די רויטע אויגן, מאכן ליכטיגער אדער טונקעלער, "ווארעמער" אדער "קאלטער" (כידוע ליודעים), און נאך פארשידנס.
אויך וועט עס קומען מיט אינטערנעט עקספלאורער 7, וואס איז אסאך מער פארגעשריטן ווי 6, אבער רוב מענטשן נעמען זיך נישט די מיה צו דאונלאודן די נייערע IE7 אויף ווינדאוס XP (וגם אני בתוכם), אויך וועט עס קומען מיט ווינדאוס מידיא פלעיער 11, וואס איז אויך שטארק פארגעשריטן אנטקעגן 10.
עס וועט אויך קומען נמיט "אעראו" גראפיקס, (חוץ די HOME עדישאן), וואס וועט מאכן די גאנצע אינטערפעיס פון ווינדאוס זייער מאדערן און פארגעשריטן, מיט דורכזיכטיגע ווינדאוס, 3D ווינדאוס אזוי אויך אלט-טעב, אדער בעסער "ווינדאוס-טעב" וועט ווייזן 3D אלע פראגראמען וואס זענען אפן אין קליינע טאמבנעילס.
א נייע בעקאפ סיסטעם. איר האט געטייפט א פייל אין ווארד, און דער נאך געמאכט טשענדזשעס, און געסעיווט. אצינד האט איר חרטה. וואס קען מען טון? אין וויסטא וועט איר קענען "צוריקדרייען דעם זייגער", און צריק האבן דעם אלטן ווערסיע.
און נאך אסאך זאכן וואס איז שווער צו באשרייבן אין די קורצע ראמען פון א היידפארק הודעה. ווי למשל "סאפער-פעטש" וואס וועט קענען לייגן זאכן אויף א USB דרייוו און אימפראוון פערפארמענס.
פאר מער אינפארמאציע קוקט דא:
http://www.pcmag.com/article2/0,1759,2074563,00.asp
http://www.pcworld.com/article/id,128009-page,1/article.html
 |
|
|
