נייע וואקאציע היים פאר סקווערער רבי'ן

דער סקווערע רבי פארמאגט א שיינע וואקאציע היים אין דעם סקווערן קעמפ אין סוואן לעיק, גראדע גאנץ א נייע הויז, געבויעט ספעציעל פאר דעם צוועק אפאר יאר צוריק. און דארט גייט ער זיך אפרוען, ווייל ער פארט דאך נישט אויף מיאמי אדער פאלם ספרינגס.

יעצט זעט אויס איז עם די קאנטרי געווארן צו ווייט (אפשר וועגן די פוס אפעראציע), אויך האט ער געוואלט קענען שפאצירן ביים וואסער, האט מען עם געקויפט א גרויסע פאלאץ אין נייעק בערך 20 מינוט פון סקווערע שטעטל, ביים וואסער פון האדסאן ריווער, די הויז האט געקאסט בערך 2 מיליאן דאללער. יעצט בויט מען דאס איבער מען לייגט צו א מקוה מיט א ביהמ"ד וכדו'. און בקרוב וועט דער רבי קענען געניסן פון א וואקאציע לעבן שטוב.

נ.ב. איך מיין אלע רבי'ס זאלן זיך אויסלערנען פון עם וועט מען מער נישט דארפן ארום פארן אין די מרחקים.

עבד עברי

זעט אויס אז עס איז נישט קיין נייע זאך פאר צייטונגען צו מאכען א מאנאפאל וועם צו רופען א רבי אין וועם נישט.

סדנא דארעה חד הוא, נאך פארן "כל העולם כולו"

נאר דאס מאל איז עס נארמאל צו רופען נאך איינעם מיטן זעלבער נאמען ווי דער קודש הקדשים פון סקווער איז ווי רופען נאך איינעם סאטמארער רב בחיים חיותו פון רביה"ק זי"ע

למעשה פון וועמען רעדט מען דא?

שלום עליכם רבותי, כ'בין שוין לאנג נישט געווען דא, און אויך יעצט ווייס איך נישט וויפיל צייט כ'וועל האבן, אבער קודם הייב איך אן.
ב"ה כ'אב הנאה דער עולם האט רעאגירט, און אזוי ווי ס'יז געווארן א שמועס ווען עכט סקווער אדער פעיק סקווער, פיל איך אלס מתחיל פון דעם אשכול, אז כ'אב וואס צוצולייגן.
רי"י מ'סקווער האט זיך גערופן אינדערהיים אדמו"ר מ'קאלאראש. אבער איידער מען גייט אריין אין דעם נושא איז כדאי מעורר צו זיין (דאס איז אלעס גערעדט אויב עס איז בכלל דא אזא מין זאך - ביי אייניקלעך פון דעם זעלבען גזע - ווי עכטע ..... רבי, אמתדיגע ........ רבי, ריכטיגע ......... רבי, פאלשע ........ רבי, פעיקע ....... רבי, וכדו'), אז דער זיידע פון היינטיגע אפסטעיט סקווער, טאטע פון אלטן אפסטעיט סקווער, עלטער זיידע פון היינטיגע ב"פ סקווער, זיידע פון אלטע ב"פ סקווער, איך מיין טאקע הרה"ק ר' דוד מ'סקווער, איז שוין אויך נישט געווען עכטער סקווערער רבי, דער מ"מ דארט אין סקווער איז געווען אן אנדערער זון פון הרהק ר"י מ'סקווער, און דערנאך זיין זון, וכו' וכו'.

איז ממילא איז בכלל נישט נוגע די שאלה ווער איז עכט סקווער, אבער לגבי אמעריקע איז אמת אז ר"י מסקווער, טאטע פון אלטן ב"פ סקווער האט זיך שוין גערופן אדמור מ'סקווער דא אין אמעריקא, סאך פאר רי"י מ'ב"פ-וומסב"ג-אפסטעיט סקווער איז געווען דא אין אמעריקא, און ער האט טאקע געבעטן רשות פון ר"י זיך צו רופן סקווער, און ער איז געווען א בעל מידות און עם געלאזט (ס"ה האבן זיי זיך געטיילט מיט דעם זעלבן גארנישט), און ממילא איז נישט קיין נ"מ צו ר"ד מב"פ סקווער האט זיך יא תיכף גערופן אדמור מ'סקווער, אדער נאר נאכדעם וואס זיין פעטער איז אוועק. ער האט נאכאלץ די זעלבע רעכט ווי זיין קאזין ר"ד מ'אפסטעיט סקווער.

איי וועסטו אוודאי פרעגן וויאזוי איז געווארן אז סתם אדמור מסקווער מיינט אפסטעיט און פאר ב"פ האט מען מוסיף שם געווען?
אויף דעם דאכט זיך מיר קען מיין גוטער ידיד ר' עבד עברי זייער גוט ענטפערן, ווייל רי"י מסקווער האט אויפגעשטעלט א גרויסן קאמפאני וועלכע האט זיך גוט אויסגעלערנט די טעראר שטיק פון די אנדערע גרויסע קאמפאני'ס. און דורכדעם - עס מסביר צו זיין אין איין ווארט - איז עס אזוי געווארן.

דאס טוט דאס אבער נאכנישט בארעכטיגן.

און פון וועמען רעדט מען דא?

און דרך אגב, וויל איך מוסיף זיין אז די גאנצע אויבנדערמאנטע דרשה, איז אויך אמת לגבי פלעטבוש סקווער, אפילו ער האט נישט קיין מוסדות.

שם אחר, איך גיב דיר איין געס, איך וויל זען אויב די קענסט צוטרעפן.